Култура

Вевчанскиот карневал 2014 со богата програма

Богата програма со културно - забавни содржини и за најмалите ќе се случува на Вевчанскиот карневал 2014, кој почнува утре, а ќе се одржи под мотото „Биди и ти вистински василичар!“.

Градоначалникот на Вевчани, Цветомир Угриноски на денешната прес-конференција истакна дека веќе се најавени многу гости, неизбежно е и присуството на дипломатскиот кор, а главен адут на манифестацијата оваа година, вели, ќе биде гостопримството.

- Жителите на целата општина се подготвени за соодветен дочек на сите посетители. Интересни содржини за посетителите од сите возрасти како што се детско василичарско катче за изработка на маски, натпревари во цепење дрва, тркалање буриња, влечење јаже, но и многу богата музичка програма која ќе се одвива во текот на сите карневалски денови се нештата по кои Вевчански карневал 2014 ќе се разликува од претходните карневали. Секако, уникатноста на групните маски е она по што се издвојува карневалот, па можам да откријам дека акцентот на василичарските маски ќе биде ставен не само на политичките случувања туку и на други моменти од културно-забавниот и економскиот живот во Македонија во изминатата година, изјави Угриноски.

Уметничкиот директор на карневалот Мишо Китановски информира дека годинава, по 12 години пауза, ќе бидат обновени Печалбарските денови, во чии рамки ќе се одржи трибина на тема „Во одбрана на македонското име и македонскиот идентитет“, утревечер ќе започне традиционалниот Вевчански карневал.

Новина е и изложбата на карикатури, додава Китановски, на која ќе биде презентиран избор од дела пристигнати на првиот распишан конкурс. Целта е да се востанови Вевчанска галерија на карикатури. Најдобрите карикатури ќе бидат наградени со златна, сребрена и бронзена маска.

Предвидени се и пет точки, односно куќи на гостопримство во кои посетителите ќе можат да вкусат од традиционалните вевчански специјалитети, детско василичарско катче за изработка на маски, натпревари во греано вино и ракија, тркалање буриња, влечење јаже, цепење дрва, промоција на аудио ЦД, изложба на фотографии, промоција на книга, се само дел од активностите со кои Вевчанци и нивните гости ќе бидат анимирани во карневалските денови.

Оваа година ќе биде вратен и стариот обичај – ќе биде избрана најдобра групна маска од страна на акредитираните новинари, која ќе биде наградена со буре црвено вино „Вевчански керв“.

Организаторите најавуваат музичка програма, најбогата во историјата на карневалот. Поп-рок вечера е на 12 јануари на која ќе настапат Ѓоко Танески и Куку Леле, а главни ѕвезди ќе бидат момците од најпопуларниот рок бенд на овие простори, Ван Гог. Новост во музичката програма се дневните акустични свирки кои ќе се случуваат во амфитеатарот.

Вечерта на македонски ѕвезди е предвидена за 13 јануари, кога на сцената ќе настапат Миле Кузмановски, Сузана Спасовска и Ефто Пупиновски.
Посетителите кои ги сакаат хуморот и сатирата, сакаат да бидат Василичари во Вевчани, на лице место ќе можат да си набават маски и под нив, да бидат дел од василичарското дефиле и да го искажат се она што во себе го чувале изминатите 365 дена. Главното дефиле на маски ќе се одржи на 13 јануари, а на 14 јануари со палење на маските ќе биде затворено годинашното издание на манифестацијата.

За подобро запознавање со содржините на карневалот годинава ќе биде отпечатен и Прирачник за василичари со програмските содржини и мал речник на вевчански изрази. Во прирачникот, кој ќе биде отпечатен во еден дневен весник, ќе биде поместена и мапа на општината каде ќе се одвиваат активностите.

Карневалот се одржува под покровителство на Владата и Министерството за култура, а е потпомогнат од повеќе компании.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Да покажеме хуманост, да му помогнеме на Стефан- потребни се 280.000 евра за лекување во Германија

Хуманитарен апел за спас и закрепнување на 32-годишниот Стефан Петрушевски упати неговата сестра Габриела, која бара помош од граѓаните за да се соберат 280.000 евра потребни за негово лекување и рехабилитација во Германија.

Стефан веќе четири месеци се наоѓа на Клиниката за интензивно лекување и реанимација, по тешка повреда. Според апелот на неговата сестра, неговата состојба бележи подобрување и покрај првичните лоши прогнози, но за продолжување на лекувањето му е потребен специјализиран рехабилитациски третман во странство.

Како што наведува Габриела, во Македонија нема соодветни центри за рехабилитација на ваков тип повреди, а клиника во Германија побарала 280.000 евра за третманот. Семејството не е во можност самостојно да ја обезбеди потребната сума, додека Фондот за здравствено осигурување не ги покрива овие трошоци.

Стефан има само 32 години, сопруга и едногодишен син Алексеј, за кого семејството се надева дека повторно ќе го има својот татко дома.

„Ве молам да ми помогнете, кој колку е во можност, да ги обезбедиме средствата и заеднички да го испратиме Стефан на рехабилитација. Понизно ве молам да се сплотиме и на мојот Алексеј да му го вратиме татко му дома“, апелира неговата сестра Габриела Љубовска.

Таа информира дека се отворени сметки за донации во денари и евра, а во текот на следната недела се очекува да бидат објавени и телефонски линии за донирање, како и можности за уплата преку хуманитарни платформи.

Семејството повикува на солидарност и помош од сите граѓани, со надеж дека заеднички ќе успеат да ги соберат потребните средства за лекувањето на Стефан.

Свет

Кинеското воено раководство одржа разговори со рускиот министер за одбрана во Пекинг

Џанг Шенгмин, потпретседател на Централната воена комисија на Кина, му изјави на рускиот министер за одбрана Андреј Белоусов дека Пекинг се стреми кон соработка со Москва со цел зајакнување на стратешката комуникација и воената доверба.

Средбата се одржа во Пекинг, а кинеското Министерство за одбрана издаде соопштение, како што пренесе Ројтерс.

Оваа средба го нагласува зајакнувањето на билатералните односи меѓу Кина и Русија во политичката, економската и безбедносната сфера – тренд што се забележува во последните години. Ова е, исто така, прва јавна средба на Џанг со некој странски министер откако минатата недела беше унапреден во Политбирото на владејачката Комунистичка партија.

Џанг и кинескиот претседател Си Џинпинг се единствените двајца преостанати членови на чело на воената команда, откако пет од седумте членови – кои беа назначени за време на реорганизацијата во 2022 година – беа отстранети како дел од кинеската антикорупциска кампања.

Russian Defense Minister Andrei Belousov says cooperation between Russia and China has reached an “unprecedentedly high” level. During talks in China with Central Military Commission vice chairman Zhang Shengmin, Belousov said the partnership is underpinned by direct contacts between Vladimir Putin and Xi Jinping. The Chinese side said the two leaders had set new strategic directions and expressed confidence that military cooperation will continue to deepen. #China
— NOELREPORTS 🇪🇺 🇺🇦 (@NOELreports) November 3, 2026

Стратешки цели за соработка

Според соопштението на Министерството, Џанг истакнал дека односите меѓу Кина и Русија влегле во „нова фаза на поголеми достигнувања и побрз развој“. Тој дополнително нагласил дека овие односи играат конструктивна улога во одржувањето на глобалната стратешка стабилност и подобрувањето на глобалното управување.

Џанг нагласи дека Пекинг е подготвен да истражи нови области на соработка со Москва, со цел подобро да се заштитат суверенитетот, безбедноста и развојните интереси на двете нации. Тој додаде дека целта вклучува и зачувување на меѓународниот и регионалниот мир и стабилност. Во септември, во Пекинг, Џанг се сретна и со министрите за одбрана на Виетнам и Индонезија. Овие средби се одржаа паралелно со регионалниот одбранбен форум што се одржуваше таму.

Тагови: Пекинг

Шоу биз

Лени Кравиц се огласи по шпекулациите дека загинал во авионската несреќа во Флорида

Лени Кравиц се огласи откако на интернет почнаа да кружат приказни за неговата наводна смрт во Флорида.

Социјалните медиуми беа преплавени со вести дека легендарниот музичар Лени Кравиц наводно е меѓу жртвите на авионската несреќа што се случи во неделата во Флорида. Сепак, се покажа дека станува збор за неточна информација, што неговите претставници брзо ја негираа.

Падот на приватниот авион „Лирџет“ ги уби сите девет лица во авионот. По трагедијата се појавија тврдења дека познатиот рок-музичар бил меѓу патниците, што предизвика голема загриженост кај неговите обожаватели.

Публицистот на Кравиц реагираше на овие обвинувања и јасно стави до знаење дека пејачот не бил во авионот.

- Извештаите се невистинити и неточни - изјави неговиот портпарол за порталот „BocaNewsNow“ во неделата вечерта.

Гласината беше поттикната од објава на социјалната мрежа X, која сподели наводна снимка од екранот од порака од пилотката Емили Шелтон (21).

Содржината на контроверзната објава сугерираше дека таа ќе пилотира авион во кој ќе го носи Лени Кравиц, на патување од Остин, Тексас, до Бахамите. Објавата дури спомена и една од неговите познати песни.

- Многу ми е чест што утре летам со едниот и единствен Лени Кравиц, од аеродромот во Остин до аеродром на Бахамите. Со нетрпение очекувам да го угостам во авионот. Песната „It Ain't Over 'Til It's Over“ ќе се свири во пилотската кабина - рече таа во објавата.

Сепак, набрзо беше потврдено дека Емили Шелтон не го пилотирала авионот што се урна. Емили се огласи на TikTok за да спречи понатамошно ширење на дезинформации и да негира каква било поврзаност со несреќата.

„Неодамна дознав дека кружат гласини дека јас сум пилот на авионот што неодамна се урна во Палм Бич. Сакам со почит да разјаснам дека не бев јас. Ги молам луѓето да престанат да шпекулираат и да шират дезинформации за оваа трагедија и да покажат почит кон сите вклучени. Моите мисли се со сите оние што ги загубија своите животи, како и со нивните семејства и сите оние што беа погодени од оваа трагедија“, напиша таа на TikTok.

Што се случи?

Дополнително на конфузијата беше информацијата дека млада жена што работеше како пилот е меѓу загинатите. Според „Њујорк пост“, во авионот била 20-годишната Наталија Гаделха Филгеирас, која ја добила пилотската дозвола додека сè уште била во средно училиште. Таа била копилот.

Според АП, авионот се урнал во станбена област во округот Палм Бич во јужна Флорида, недалеку од прометен автопат. Авионот претходно изгубил висина и се урнал со голема брзина во станбена област.

Истрагата за околностите на несреќата ја води Националниот одбор за безбедност на сообраќајот (NTSB), со поддршка од Федералната администрација за воздухопловство (FAA).

Тагови: Лени Кравиц