Ветеринар предупредува: Три грешки поради кои сопствениците им го скратуваат животот на нивните миленици - Канал 5

Живот

Ветеринар предупредува: Три грешки поради кои сопствениците им го скратуваат животот на нивните миленици

Најопасните грешки се секојдневните навики што ни делуваат безопасно.

Ветеринар предупредува: Три грешки поради кои сопствениците им го скратуваат животот на нивните миленици

Домашните миленици живеат пократко отколку што би посакувале, затоа е важно да не им го скратуваме животот со грешките што ги правиме. Д-р Амир Анвари, еден од најследените ветеринари на социјалните мрежи, преку своите објави ги потсетува сопствениците дека превенцијата и навремената реакција се клучни за подолг и поквалитетен живот на кучињата и мачките.

Според него, постојат три чести грешки што многумина ги прават, а кои имаат сериозни последици на самата генетика на животните. Иако трошоците за ветеринарни услуги понекогаш делуваат високо, занемарувањето на проблемот на почетокот најчесто доведува до уште поголеми финансиски издатоци, и што е многу поважно, до страдање на миленикот.

Дебелина

Прва и најраспространета грешка е дебелината. Вишокот килограми кај кучињата и мачките на многумина им делува симпатично, но всушност е сериозен здравствен ризик. Хроничната дебелина доведува до воспалителни процеси во организмот, срцеви заболувања, оштетување на зглобовите и инсулинска резистенција. Со тек на време, се развиваат болни состојби како артритис, но и дијабетес, кој бара доживотна терапија. Стручните лица истакнуваат дека правилната исхрана и контрола на порциите може значително да го продолжи животот на вашиот миленик.

Занемарување на денталната хигиена

Втора голема грешка е занемарување на денталната хигиена. Непријатниот здив од устата не е безопасен проблем, туку знак за насобирање бактерии и каменец. Бактериите преку крвотокот може да стигнат до виталните органи како што се црниот дроб и бубрезите, и да предизвикаат сериозни проблеми. Редовното миење на забите е стандард, но постојат и посебни додатоци во исхраната и препарати кои помагаат да се намалат наслагите доколку вашиот миленик не дозволува четкање.

Одложување на посетата на ветеринар

Ова е трета кобна грешка, бидејќи животните инстинктивно ја кријат болката, па сопствениците често го забележуваат проблемот дури кога болеста веќе напредувала. Прескокнувањето на годишните прегледи, може да доведе до тоа некои сериозни состојби, на пример: тумор, болести на бубрезите, или дегенеративни промени на зглобовите, да се откријат предоцна. Раната дијагностика значително ги зголемува шансите за успешно лечење и го продолжува квалитетот на живот.

Ветеринарот, исто така, истакнува дека сопствениците на мачки често ги потценуваат нивните потреби. Нередовната заштита од болви и крлежи може да предизвика тешки алергиски реакции, бидејќи мачките се исклучително осетливи. Освен тоа, мачките кои живеат исклучиво во стан, мора да имаат секојдневна ментална стимулација и игра најмалку 20 минути дневно, за да се спречи гојазност и развој на анксиозност. Дури и суптилни промени, како зголемено пиење вода или благо слабеење, може да бидат ран знак за болест на бубрезите и бараат консултација со ветеринар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна рудник за злато во Судан: Загинаа најмалку 67 лица

Најмалку 67 лица загинаа по уривањето на рудник за злато во Судан.

Се урна рудник за злато во Судан: Загинаа најмалку 67 лица

Несреќата се случила во рудникот „Ал-Зара“ во близина на градот Нухуд, во западната провинција Западен Кордофан. Областа е под контрола на паравоените Сили за брза поддршка (RSF), кои од 2023 година се борат против суданската армија, пренесува АП.

Според преживеаните, рудникот се урнал доцна синоќа, а потрагата по голем број рудари сè уште трае. Медицински извори наведуваат дека бројот на жртви може да се зголеми додека продолжуваат операциите за пребарување и спасување. Спасувачките екипи се обидуваат да стигнат до преживеаните и да ги извлечат телата заробени под урнатините.

Рударот Ал-Амин Сулиман потврди дека луѓе сè уште се заробени во рудникот. Еден од преживеаните, Каирал-Сајед Габара, го опиша уривањето како огромно и истакна дека на лице место немало тешка механизација за расчистување на земјата.

Чести несреќи поради ниските стандарди

Судан е еден од најголемите светски производители на злато, но несреќите во рудниците се чести поради слабите безбедносни стандарди.

Слични несреќи се случиле и во последните години. При уривање во 2023 година загинаа 14 рудари, додека во друга несреќа во 2021 година животот го загубија 38 лица.

Извор: Индекс.хр

Тагови: рудник Судан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Шасивари-Бочек

Шасивари оствари средба со вицегувернерот на Банката за развој на Советот на Европа , Томаш Бочек.

Средба Шасивари-Бочек

Министерот за правда Јетон Шасивари оствари средба со вицегувернерот на Банката за развој на Советот на Европа , Томаш Бочек, на која беа разгледани активностите за реализација на проектот „Реконструкција на казнено-поправните установи во Република Македонија“.

Проектот, кој се реализира со заем од ЦЕБ во износ од 46 милиони евра, има за цел унапредување на условите во казнено-поправните установи и обезбедување на современи услови за сместување, здравствена заштита, хигиена, работни и слободни активности на осудените и притворените лица, во согласност со европските стандарди.

Активностите во текот на 2026 година продолжуваат согласно предвидената динамика. Во јули 2026 година е склучен и договор за стручен надзор над изградбата, додека постапката за избор на изведувач за изградбата на предвидените објекти е во тек.

Министерството за правда останува посветено на унапредување на системот за извршување на санкциите и создавање современи и европски услови во казнено-поправните установи.

Тагови: Јетон Шасивари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем протест во Приштина- толпа граѓани се движи кон плоштадот, се очекуваат насилни протести (ВИДЕО)

Десетици Албанци се собраа денеска на улиците на Приштина за да го изразат своето незадоволство и револт по најновите случувања и пресудата на поранешните водачи на Ослободителната војска на Косово (ОВК) пред Специјалниот суд во Хаг.

Голем протест во Приштина- толпа граѓани се движи кон плоштадот, се очекуваат насилни протести (ВИДЕО)

Како што може да се види на улиците, голема толпа луѓе се движи кон централниот градски плоштад, кој е планиран како главна точка и епицентар на денешниот собир, објави Индексолајн.

Се очекува бројот на демонстранти да се зголемува како што одминува денот, а протестот е директна реакција на денешната одлука на судот во Хаг, која предизвика бурни реакции кај тамошната јавност.

Да потсетиме дека денеска, пред специјализираните комори во Хаг беше изречена првостепената пресуда против Хашим Тачи, Јакуп Красниќи, Реџеп Селими и Кадри Весељи.

Тачи и Красниќи беа осудени на 25 години затвор, Весељи на 18, а Селими на 13 години затвор.

Хашкиот судски совет утврди дека одговорноста на обвинетите е индивидуална и лична, но дека ниту еден од нив не можел сам да ја постигне заедничката криминална цел.

Хашим Тачи денеска беше осуден во Хаг од страна на Специјализираните совети на Косово на 25 години затвор. Тој беше осуден за злосторства, вклучувајќи убиство, тортура и незаконско затворање, извршени додека бил врховен командант на етничката албанска Ослободителна војска на Косово (ОВК) за време на насилното одвојување на таа територија од Србија во 1990-тите.

Судот денес објави дека Тачи е виновен за убиствата на 96 политички противници и лица за кои се верува дека соработувале со српските безбедносни сили, извршени од силите на Ослободителната војска на Косово за време на конфликтот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер