Технологија

Вештачката интелигенција станува втор пилот во борбените авиони

Жестока дебата се отвори на познатиот аеромитинг во Фарнборо во Обединетото Кралство: дали е блиску ерата на борбени авиони без луѓе во пилотската кабина.

Експертите сметаат дека иднината на воздушното војување веројатно ќе биде во заедничка операција на авиони со екипаж и беспилотни летала. Еден ден, пилотите на ловците „ќе имаат беспилотно летало под нивна контрола што ќе ја игра улогата на поранешен радарски оператор“, рече Џон Норман, потпретседател на гигантот од одбранбената индустрија Raytheon Technologies Corp. Отстранети се тешкотиите што постоеја до неодамна во комуникацијата меѓу пилотите и беспилотните летала, вели Норман. Сега е можна директна комуникација, во реално време, меѓу беспилотни летала и борбени авиони.

Џон Норман исто така наведува дека пилотската кабина се полни со вештачка интелигенција која ќе анализира многу податоци од сензорите поставени на авиони, беспилотните летала или проектилите кои летаат во воздух, така што пилотите на небото и командантите во штабовите ќе имаат целосен преглед на бојно поле во сите димензии. Во тие околности, пилотот во авионот би можел да го контролира беспилотното летало и да го испрати да ги нападне непријателските позиции, објаснува експерт од Raytheon. Тоа е дополнителен аргумент за постоење на пилот во авионот бидејќи има подобар преглед на ситуацијата од пилотот на беспилотното летало од земја. Корпорацијата Локхид Мартин, која го произведува најмодерниот борбен авион Ф-35, смета дека вештачката интелигенција и обработката на податоците што ги нуди ќе бидат дополнителен аргумент за опстанок на пилотите.

Но, Пентагон оди подалеку. Програмата Air Combat Evolution, водена од Агенцијата за напредни истражувачки проекти на одбраната на Пентагон, работи на инкорпорирање на вештачка интелигенција во самата борба, што значи дизајнирање на авион што може самиот да лета во борба. Програмата веќе извела симулација на воздушна борба во живо, спротивставувајќи го пилотот со виртуелен авион контролиран од машина. Ако сѐ биде во ред, истражувачите планираат да изведат борба во живо до 2024 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Зеленски во прва посета на Белград, Киев повторно мета на руски ракетен напад

Зеленски, кој вчера пристигна во Белград, со највисоки државни почести беше пречекан од српскиот претседател Вучиќ.

По официјалната церемонија стартуваше разговорот меѓу Вучиќ и Зеленски, соопшти службата за соработка со медиумите на претседателот на Србија.

Посетата на Зеленски на Белград, која е прва откако тој е на чело на Украина, и разговорите со српскиот претседател се во фокусот на јавноста поради блиските релации на Србија со Русија – владата предводена од СНС на Александар Вучиќ не се приклучи кон санкциите кои ЕУ и ги наметна на Москва по стартот на инвазијата врз Украина.

Додека Зеленски е во Србија, утрово Киев повторно беше мета на жесток ракетен напад во кој загинале најмалку тројца луѓе загинаа, вклучувајќи дете. Властите кажаа дека се запалени станбени згради, автомобили и гаражи, а точниот број жртви се утврдува.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Момчето со повреден врат се транспортира од Кушадаси, во владиниот авион и медицински тим од ТОАРИЛУЦ

Со итен медицински транспорт, од Турција денеска во земјава се префрла младото момче кое се здобило со тешки повреди на вратните пршлени по пад од тобоган во Кушадаси.

Транспортот го организира министерството за здравство со владиниот авион, со придружба од специјален тим од клиниката за трауматологија. Последните информации ги има Мирјана Мирчевска Јовановиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влен прашува до каде е обвинението за Груби, ДУИ реагира за политички притисок врз обвинителството

Влен бара од обвинителството јавно да каже зошто сè уште нема обвинение во случајот ‘Лотарија’, па Артан Груби наскоро ќе биде пуштен од домашен притвор.

-Дали Артан Груби ја отворил устата, пропеал и токму затоа целиот случај се развлекува?“, прашуваат од Влен нарекувајќи го поранешниот висок функционер „црната кутија на ДУИ“ зашто поседува информации за начинот на кој во минатото се носеле одлуки и се склучувале зделки во партијата.

Од ДУИ возвратија дека токму ваквото јавно прозивање на обвинителството претставува политички притисок врз правосудните институции.

Според опозициската партија, обвинителите и судовите треба да одлучуваат исклучиво врз основа на законите и доказите, а не според барањата на политичките партии.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.