Технологија

Вештачката интелигенција го револуционизира учењето на странски јазици

Вештачката интелигенција (ВИ) го револуционизира начинот на кој луѓето учат странски јазици.

Преку апликации како „Дуолинго“ и „Бабел“, учењето станува попристапно, ефикасно и пријатно. Со помош на овие персонализирани програми, кои се прилагодуваат на нашиот ритам, ниво на знаење и интереси, секој може да изучува некој од странските јазици преку своите електронски уреди. Но, иако практичен, овој начин на учење има свои недостатоци, како што се отсуството на човечка интеракција и ограничени комуникациски вештини.

Министерството за образование и наука смета дека примената на нови технологии во сферата на образованието е процес што е незапирлив и позитивен, при што од клучно значење е да се обезбеди одговорно користење на вештачката интелигенција, пред сè од етички аспект.

- Ова е процес со бројни предизвици и наша цел не е да го забавиме технолошкиот напредок во образованието туку да ги сведеме на минимум потенцијалните опасности. Затоа што, сегашните ученици ќе се вклучат на пазарот на труд во време кога примената на вештачката интелигенција нема да се смета како нова технологија туку ќе биде вклучена во сите сфери на живеењето и работата, и за тоа треба да бидат подготвени, посочуваат од МОН.

Оттаму велат дека нивните политики ќе бидат усогласени со најновите текови на европската легислатива во сферата на образованието, а во соработка со меѓународните партнерски институции и организации ќе го адресираат прашањето за одговорна, критичка и креативна употреба на вештачката интелигенција во образованието.

Професорката Анета Наумоска од Филолошкиот факултет „Блаже Конески“ при Универзитетот „Св. Кирил и Методиј“ во Скопје изјави дека долгорочно гледано треба да се направи добро разработен план за тоа како ВИ да се вклучи активно во наставата бидејќи реалноста е таква што ВИ нема да се изгуби.

- Треба синхронизирано и плански да се вклучи ВИ во наставата. Сега за сега сме на зачетокот на користење на ВИ во образовниот процес, но ни претстои уште долг пат за да биде имплементирана, вели таа, дополнувајќи дека е најважно да не сопираме, туку постојано да сме во тек.

Во однос на интересот за студирање на странски јазици на факултетот, таа вели дека намалениот интерес не се должи на експанзијата на вештачката интелигенција (ВИ), туку на фактот што студентите не се гледаат во функција на наставник или преведувач во иднина, тоа што го владеат англискиот јазик доволно да не го чувствуваат како предизвик за изучување и причината што на ФЛФ, не се изучува само јазикот туку и културолошките елементи на народите/земјите каде се говори тој јазик, книжевноста и историјата на јазикот.

Преку комбинација од ВИ и традиционални методи на учење, до оптимални резултати

Пресонализација на учењето, флексибилност и пристапност се само дел од предностите на изучување на странски јазици со помош на ВИ. Но, овој начин има и свои недостатоци, како што се недостиг на човечка интеракција, ограничените комуникациски вештини и зависност од технологијата.

Петар Сидеров, дипломиран инженер по информатички науки и компјутерско инженерство, појаснува дека процесот на изучување на странски јазици со помош на ВИ се базира на интеграција на напредни технологии за персонализација на учењето, автоматизација на рутински задачи и подобрување на интеракцијата со корисникот.

Според него, некои од клучните аспекти за веродостојноста на ВИ се технологијата на ВИ, односно која алатка ја користиме, методологијата на користење, ангажманот на ученикот и ограничувањата и предизвиците.

Во однос на предности од изучување на странски јазици со ВИ, тој ги набројува пресонализација на учењето, флексибилност и пристапност, подобрување на мотивацијата и автоматизација на рутинските задачи. Како главни недостатоци ги потенцира недостигот на човечка интеракција (емотивна интелигенција и културни нијанси), ограничени комуникациски вештини, технолошки ограничувања и зависност од технологијата.

- За оптимални резултати, најдобро е да се комбинираат ВИ алатките со традиционалните методи на учење кои вклучуваат директна интеракција со наставници и други ученици, вели Сидеров.

Тамара Димитриевска, дипломиран инженер по информатички науки и компјутерско инженерство, се надоврзува дека ВИ може да го анализира напредокот на учениците и да ги приспособи лекциите на нивно ниво.

- Овој вид на изучување е генерално доверлив и ефективен за многу ученици. Сепак, ефективноста може да варира во зависност од квалитетот на алатката за ВИ, посветеноста на ученикот, како и сложеноста на јазикот, вели таа.

Како предности Димитриевска ги нотира персонализација, ефективност, следење на напредокот на ученикот, интеракција, а како негативности недостиг на човечка интеракција, варијација на квалитет, технички проблеми, зависност од технологија, мотивација и дисциплина.

За професорката Наумоска, ВИ е адаптабилна и нуди можности да се осовремени наставата.

- Последниве години забележувам раст на студенти кои носат лаптоп на часовите, со што се олеснува наставата. Начините на изучување странски јазици се менуваат од година за година и треба, како наставен кадар, да сме постојано во тек со сите новости. Предност на користењето на ВИ во наставниот процес е и тоа дека им се дава автономност и само-одговорност на студентите, а и можностите за критичко размислување се поголеми. За да има видливи резултати, и самите професори треба да се добро информирани за тоа како да организираат вежби на час, вели Наумоска.

Според неа, колку што постојат предности, толку има и недостатоци, односно злоупотреба на ВИ за полесно положување на испити, и општо, полесно завршување на факултет.

На прашањето колку студентите на Филолошкиот факултет „Блаже Конески“ во Скопје користат ВИ во своето образување, професорката вели дека не користат.

- Знам дека генерализирам, и секако, постојат по 1-2 исклучоци во секоја генерација, но во суштина студентите го злоупотребуваат ВИ за препишување во која било форма и на кој било предмет. Се чувствува како да не сакаат да го користат својот мозок за да напишат нешто, туку тие го гледаат ВИ како начин за полесно „проаѓање“ на предмет, вели таа.

Сидеров смета дека вештачката интелигенција (ВИ) претставува значајна трансформација во многу професии, вклучувајќи го и предавањето на странски јазици, но дека е далеку од комплетно заменување на наставниците.

- Додека ВИ нуди многу предности и може да автоматизира одредени аспекти на учењето и предавањето, таа, исто така, носи и предизвици и потенцијални опасности за професиите во овој сектор. Но, сепак, сè уште сме далеку од комплетно заменување на наставниците со ВИ, бидејќи предавачите се фокусираат на човечко искуство и емпатија која што ВИ го нема, вели тој.

Димитриевска е согласна дека ВИ не претставува егзистенцијална опасност за повеќето професии, но, вели дека ги трансформира овие улоги.

- ВИ може да се справи со рутински задачи како што е оценување, обезбедување вежби, што им овозможува на наставниците да се фокусираат на посложените аспекти на наставата. Тие може да користат ВИ за подобрување на нивната настава, а ВИ сама по себе не може целосно да ги реплицира, вели Димитриевска.

МИА стапи во контакт со повеќе центри за странски јазици од каде не се согласија на официјална изјава, но, неофицијално посочија дека вештачката интелигенција е нова тема за нив и засега не забележале разлика во однос на бројот на слушатели на нивните курсеви по странски јазици.

Тие сметаат дека ВИ може да помогне во изучувањето на странски јазици и дека голем дел од професорите веќе ја користат вештачката интелигенција во приготвувањето на наставата.

Од Младинскиот образовен форум одговорија дека немаат експертиза во ова поле за да дадат одговор на нашите прашања за влијанието на ВИ во образованието. Одговор не добивме ниту од Форумот за образовни промени./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Кралот Чарлс: Хари и Меган немаат официјални кралски должности

Војводата и војвотката од Сасекс нема да извршуваат официјални кралски должности ниту да се вклучуваат во јавен протокол по враќањето во Велика Британија.

Ова е јасно наведено во писмото испратено во име на кралот Чарлс, кое го дефинира статусот на принцот Хари и Меган откако се вратија од Калифорнија со своите деца Арчи и Лилибет минатиот месец, пишува Би-Би-Си.

Дефиниција на статус и должности

Писмото потврдува дека двојката сè уште не може да ги користи титулите „Негови и Нејзини Кралски Височества“ (НВВ). Документот, испратен во име на кралот од страна на високиот дворски службеник Лорд Чемберлен, ги опишува како „приватни граѓани со комерцијални и добротворни интереси“.

Според судски извори, меморандумот е испратен до тимот на принцот Хари, владата, војската и кралските регенти. Со оглед на тоа што тие често организираат кралски посети, ова упатство наведува дека сите идни појавувања на Сасекс ќе бидат од исклучиво приватна природа и дека двојката не го претставува кралското семејство.

Договорот од 2020 година останува на сила

Писмото, исто така, потврдува дека договорот од Сандрингам, склучен во 2020 година, останува непроменет. Ја отфрли можноста за хибриден статус „половина внатре, полунадвор“, што би му овозможило на двојката истовремено да развива комерцијални интереси и да извршува службени должности за круната.

„Општо е познато дека во јануари 2020 година војводата и војвотката се откажаа од своите претставнички должности во име на суверениот и дека повеќе не се активни членови на кралското семејство“, се вели во писмото. Пораката од дворот, според тоа, потврдува дека овој статус не се променил и дека нивното добротворно учество е приватна работа. „Добротворната работа на војводата и војвотката е нивна лична работа и тие ја извршуваат во приватен капацитет“, се заклучува во писмото.

Тагови: Кралот Чарлс Меган Маркл

Европа

Русија го затвора германскиот конзулат во Санкт Петербург: Германците предизвикаа ескалација

Русија денеска објави дека го затвора Генералниот конзулат на Германија во Санкт Петербург, како одговор на одлуката на Берлин да го затвори Рускиот конзулат во Бон и Рускиот културен центар во Берлин.

Германија презеде свои мерки откако ја обвини Москва за обид за напад со беспилотни летала врз аеродромот Лајпциг/Хале, што Русија го нарече апсурдна измислица.

Руското Министерство за надворешни работи соопшти дека германскиот конзулат во Санкт Петербург мора да престане со работа најдоцна до 18 септември.

„Германија предизвика ескалација“

Исто така, потврди дека културните центри на германскиот Гете-институт во Русија мора да престанат со работа, а на вработените им е наредено да ја напуштат земјата најдоцна до 13 септември.

„Германските власти повторно се тие што предизвикаа нова рунда ескалација во билатералните односи. Германската влада сноси целосна и целосна одговорност за последиците“, соопшти руското Министерство за надворешни работи.

Тагови: конзулат русија

Судбина

Дрогирал жени, ги снимал додека губат свест, им ги земал предметите како трофеи- се стравува дека има уште жртви

Осуден силувач кој беше осуден на доживотна казна затвор за дрогирање и сексуално напаѓање жени во Лондон и Кина е поврзан со неколку други наводни сексуални прекршоци, соопшти британската полиција.

29-годишниот Женхао Зоу, кинески државјанин и поранешен докторант по машински инженеринг на Универзитетскиот колеџ во Лондон (UCL), беше осуден на доживотна казна затвор минатата година, со минимум 24 години зад решетки, откако беше прогласен за виновен за 11 точки од обвинението за силување. Две од точките од обвинението ја вклучуваа истата жена.

Тој беше прогласен за виновен и од порота за повеќе од десетина други прекршоци, вклучувајќи воајеризам, поседување екстремна порнографска слика, поседување дрога со намера за извршување сексуален прекршок и незаконско лишување од слобода.

Но, случајот не е завршен.

Новите докази доставени од детективите до Службата за крунско обвинителство (CPS) сугерираат дека Зоу можеби извршил и други прекршоци, вклучително и тврдења дека користел супстанции за онеспособување на жени и олеснување на сексуални напади.

По жалбата на полицијата, уште пет жени се јавија пред истражителите.

Во меѓувреме, идентификувани се две потенцијални нови кривични дела за силување во кои се вклучени уште две жени, чии идентитети не можат да бидат објавени од причини поврзани со приватноста.

Полицијата сè уште не поднела обвиненија во врска со обвинувањата, додека во тек е посебна истрага за можни жртви во Кина.

Истражителите продолжуваат да собираат докази и да проверуваат дали Џоу е вклучен во други случаи кои досега не се поврзани со него.

Жртвите опишуваат како ги дрогирал

Една од жените кои претходно сведочеа против Џоу изјави дека во мај 2023 година, тој ѝ дал големи количини алкохол, а потоа ја заробил во својот стан во областа Елефант енд Касл во јужен Лондон.

Во својата изјава, жената ги опиша долгорочните ефекти од нападот врз нејзиниот живот.

„Не можам да кажам колку долго овој инцидент ќе ме погоди, но знам дека влијанието длабоко ја промени мојата личност и веројатно ќе трае долго“, рече таа.

Додаде дека сè што ѝ се случило ја натерало да ја изгуби довербата во луѓето.

„Веќе не верувам во вродената добрина на луѓето, бидејќи никогаш порано не сум се сретнала со толку сериозно криминално однесување“, рече таа.

Жената, исто така, рече дека потоа се чувствувала виновна што не ги уништила неговите работи.

„Можеби требаше да ги уништам неговите работи, но не направив ништо од тоа. Тоа чувство на вина сè уште ме прогонува“, рече таа.

Друга жена, која сега живее во Кина, рече дека била силувана од Зоу во стан на Расел Сквер, Блумсбери, во октомври 2021 година, додека била во несвест.

Во својата изјава, таа ја опиша траумата што ја доживеала.

„Знам дека зборовите никогаш нема целосно да ја пренесат длабочината на оваа рана. Но, едно е сигурно, она што се случи таа ноќ е засекогаш врежано во мојата душа. Неговото лице, неговиот израз „никогаш нема да ме напуштат. Никогаш нема да му простам“ - изјави таа. Ги чувал работите на жртвите како трофеи

За време на истрагата, полицијата открила вознемирувачки детали за начинот на кој Зоу наводно се однесувал кон жртвите.

Според доказите, тој чувал кутија со предмети што им припаѓале на жените што ги нападнал, третирајќи ги како еден вид трофеи.

Истражителите, исто така, откриле дека тој ги дрогирал некои од жените, а потоа ги снимал додека се онесвестувале.

Во случајот што веќе заврши со пресуда, доказите покажаа дека Зоу користела супстанции за да ги доведе жените во состојба каде што не биле во можност да дадат согласност или да се бранат.

Полицијата чека одлука од обвинителството

Началникот на полицијата, Анџела Крегс, им се заблагодари на жените кои се јавија по жалбата на полицијата.

„Би сакала да им се заблагодарам на жените кои се јавија и разговараа со нашите службеници по нашата жалба. Свесни сме колку е тешко да се пријават прекршоци од ваков вид и секоја жена што нè контактираше покажа значителна храброст“, рече таа.

Г-ѓа Крегс рече дека новите докази се значаен чекор во истрагата.

„Додека ја чекаме одлуката на Крунската обвинителска служба за обвинувањата во кои се вклучени жени во Велика Британија, нашите истраги продолжуваат“, рече таа.

Полицијата соопшти дека останува посветена на поддршка на жртвите и темелно истражување на сите достапни информации.

„Би ги повикала сите што веруваат дека можеби биле засегнати или сите што имаат информации што би можеле да помогнат во нашата истрага да нè контактираат“, рече г-ѓа Крегс.

Таа додаде дека сите пријавени случаи ќе бидат сфатени сериозно и ќе бидат обработени со грижа и чувствителност од страна на специјално обучени полициски службеници.

Тагови: жени жртви