Венс за преговорите со Иран во Швајцарија: Oчекувам дополнителен напредок во наредните часови - Канал 5

Свет

Венс за преговорите со Иран во Швајцарија: Oчекувам дополнителен напредок во наредните часови

Во екот на повторна ескалација на судирите меѓу Либан и Израел, во малиот швајцарски рај – Бургеншток кај Луцерн, официјално стартуваше првата рунда преговори од 60 дневното примирје .

Венс за преговорите со Иран во Швајцарија: Oчекувам дополнителен напредок во наредните часови

Во екот на повторна ескалација на судирите меѓу Либан и Израел, што доведе до нови ирански закани за спуштање на „рампата“ на Ормускиот теснец – во малиот швајцарски рај – Бургеншток кај Луцерн, официјално стартуваше првата рунда преговори од 60 дневното примирје – кое треба да донесе траен мир на Блискиот Исток. На маса, меѓу другите се три клучни точки – Иран да се откаже од нуклеарната програма, Ормускиот теснец да биде пловен и укинувањето на санкциите од Вашингтон за Техеран.

Американското и Иранското лидерство никогаш не се сретнале на толку високо ниво – а предводникот на делегацијата од Вашингтон – потпреседателот на САД, Џеј Ди Венс, по новиот фронт во Либан порача дека се работи на целосен прекин на огнот и дека треба целосно да се „испеглаат“ несогласувањата меѓу сите вклучени за да се постигне конечен регионален мир. Венс вели дека насоките од Трамп се преку дипломатија да се сврти нов лист на Блискиот Исток, но не исклучува ризик од врачање на состојбите и на „старо“.

„Претседаетлот побара од нас да свртиме нов лист, да го трансформираме нашиот однос со иранскиот народ и да подадеме рака што ќе му покаже на народот во Иран дека, ако вашето раководство е подготвено да се од тоа да биде двигател на регионалната нестабилност, ако се подготвени да се откажат од амбициите за нуклеарно оружје на долг рок, тогаш САД се подготвени фундаментално да го трансформираат односот со таа земја. Тоа, секако е нашата цел, а веќе постигнавме голем напредок во последните неколку часа, а очекувам и дополнителен напредок во наредните часови.“

На масата спроти Венс, специјалниот пратеник Стив Витков и советникот и зет на Трамп, Џеред Кушнер седнаа Багер Галибаф- претседател на иранскиот парламентот и шефот на дипломатијата Абас Арагчи– од кои допрва се очекува првата оценка за текот на преговорите. Во меѓувреме од техеран се огласи претседателот Пезешкијан – кој порача дека Иран нема да се откаже од своето право на збогатување ураниум.

„Сите знаете што говореше претседателот на САД. Тој направи целосно свртување од 180 степени. Велеше дека Иран мора безусловно да се предаде. „Иран нема право да го прави ова, Иран нема право да го прави она“, потоа одржа говор и рече дека „Иран има право да го прави ова, има право да го поседува тоа“, со други зборови тој се смени за 180 степени во споредба со неговите претходни позиции и прифати дека не можат да ги игнорираат нашите права.“

Во преговорите во Швајцарија посредуваат Пакистанскиот премеир - Шехбаз Шариф и началникот на армијата, Асим Мунир кои се подолг период комуникациски канал помеѓу Вашинготн и Техеран, а во таа улога е дојден и катарскиот министер за надворешни Мохамед бин Абдулрахман ал Тани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Антитерористичка акција во Германија: Уапсен маж осомничен за поврзаност со Исламската држава

Специјални полициски единици извршија претреси на неколку локации во Германија поради сомневања за терористички планови поврзани со „Исламската држава“, пишува „Билд“.

Антитерористичка акција во Германија: Уапсен маж осомничен за поврзаност со Исламската држава

Во петок наутро, во Дрезден беше уапсен 37-годишен маж под сомнение дека се обидел да ѝ се приклучи на терористичката организација.

Истрагата ја води Главното државно обвинителство на Саксонија, а во рамките на операцијата, полицијата изврши претрес и во семејна куќа во Шварцхајде (Бранденбург) и на три локации во Берлин.

Истрага за тероризам

Портпаролот на обвинителството, Патрик Пинтаске, изјави дека 37-годишникот се товари за обид за членство во странска терористичка организација, како и за подготовка на терористичко кривично дело. Тој нагласи дека во ниту еден момент немало конкретна опасност за населението, пренесува германскиот медиум МДР.

Мажот, чија националност сè уште не е соопштена, беше уапсен во својот стан во Дрезден и му е одреден притвор.

Претреси во Берлин и Бранденбург

Претресите во Шварцхајде и Берлин беа насочени кон трети лица кои формално не се под истрага. Државното обвинителство не сакаше да ја открие нивната поврзаност со уапсениот маж, објаснувајќи дека истрагата сè уште е во тек.

Во операцијата, на истражителите од Саксонија им помагаа полициски сили од Бранденбург и Берлин, а учествуваа и специјални единици. За време на претресите, полицијата заплени техничка опрема, документи и ладно оружје.

Извор: Индекс.хр

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пјонгјанг пресече: „Нема да има извинување“

Претходно оваа недела, Јужна Кореја објави дека севернокорејски мини предизвикале експлозија во која тешко биле повредени двајца јужнокорејски војници за време на извидувачка мисија во граничната зона широка четири километри.

Пјонгјанг пресече: „Нема да има извинување“

Северна Кореја денес ги отфрли како неосновани обвинувањата од Сеул дека севернокорејски мини тешко повредиле јужнокорејски војници во Демилитаризираната зона, одбивајќи го барањето на Јужна Кореја за извинување, објави државната новинска агенција „KCNA“.

Ким Јо Џонг, функционерка на владејачката Работничка партија и влијателна сестра на севернокорејскиот лидер Ким Џонг Ун, изјави дека Пјонгјанг не поставил намерно мини во граничната зона.

Во својата изјава, Ким истакна дека Јужна Кореја „донела неоснован заклучок оти експлозијата била предизвикана од некој што тајно и намерно поставил мини“.

Истовремено, таа изјави дека Северна Кореја нема да дозволи каква било можност за контакт меѓу двете земји, опишувајќи ја директната средба со Јужна Кореја како „кошмар“, пренесе „KCNA“.

Претходно оваа недела, Јужна Кореја објави дека севернокорејски мини предизвикале експлозија во која тешко биле повредени двајца јужнокорејски војници за време на извидувачка мисија во граничната зона широка четири километри, која се протега низ Корејскиот Полуостров.

Нејзината војска побара од Северна Кореја да се извини и да ги запре работите за утврдување на границата, наведувајќи дека ќе преземе „соодветни“ мерки, пренесе Ројтерс.

Јужнокорејската војска спроведе истрага за инцидентот заедно со Командата на Обединетите нации, која го надгледува почитувањето на примирјето од Корејската војна. Командата на ОН во средата објави дека инцидентот претставува кршење на примирјето од Корејската војна.

Извор: Б92

Тагови: Пјонгјанг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајван ги доби првите нови американски авиони Ф-16, нарачани се 66

Тајван ги презеде првите два од вкупно 66 борбени авиони Ф-16В Блок 70 купени од Соединетите Држави.

Тајван ги доби првите нови американски авиони Ф-16, нарачани се 66

Авионите слетаа во воздухопловната база Чиханг во источниот округ Тајтунг околу пладне, по летот од Хаваи и попатното застанување во Гуам.

Тајванскиот претседател Вилијам Лаи Чинг-те изјави дека пристигнувањето на авионите претставува значаен чекор во зајакнувањето на воздушната одбрана на земјата. „Ова ја покажува нашата решеност да ги зајакнеме капацитетите за самоодбрана и да обезбедиме мир преку сопствената сила“, рече Лаи.

Обука и воведување во употреба

Командата на тајванските воздухопловни сили соопшти дека ќе спроведе обука за премин кон новиот тип на авион, а потоа постепено ќе ги воведе во оперативна употреба. Командата истакна дека 7-мото тактичко борбено крило е формирано во декември 2023 година и е предвидено да биде опремено со новите авиони Ф-16В Блок 70.

Министерот за одбрана Велингтон Ку претходно пред новинарите потврди дека „годинава ќе бидат испорачани повеќе од два авиона“.

Договор вреден 8 милијарди долари

Соединетите Држави ја одобрија продажбата на 66 авиони Ф-16В и придружна опрема на Тајван уште во 2019 година. Вкупната вредност на договорот се проценува на приближно 8 милијарди долари.

Извор: Индекс.хр

Тагови: САД Тајван

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер