Велес доби современа атлетска патека по ИААФ стандарди - Канал 5

Македонија

Велес доби современа атлетска патека по ИААФ стандарди

Реализиран уште еден инфраструктурен проект на Министерството за спорт.

Велес доби современа атлетска патека по ИААФ стандарди

Министерството за спорт успешно реализира уште еден проект од програмата за изградба и обнова на спортската инфраструктура. Велес доби современа атлетска патека според ИААФ стандарди со што во рекорден рок е исполнето ветувањето на министерот Борко Ристовски пред велешките спортисти и спортски работници кои со децении водеа битка за зачувување и реконструкција на овој значаен спортски објект.

Министерот Борко Ристовски заедно со градоначалникот Марко Колев и со најдобриот македонски маратонец, Дарио Ивановски, денеска официјално ја пуштија во употреба комплетно реконструираната атлетска патека на градскиот стадион во Велес која е направена според највисоки ИААФ стандарди и нуди најсовремени услови за тренинг и натпревари.

Ветувањата имаат тежина само ако ги исполнуваме, порача министерот Ристовски, изразувајќи задоволство од брзата и успешна реализација на овој капитален проект на Министерството за спорт.

„Драго ми е што излеговме во пресрет на барањата на велешани и што го исполнивме ветувањето. Оваа атлетска патека комплетно ја реконструиравме во рекодно време, почнавме кон средината на април и за два месеци патеката е готова. Ние како Министерство за спорт и како Влада ќе се трудиме секогаш да помагаме таму каде што барањата соодветствуваат на нашите можности. Најважно од сѐ е дека отпочнавме еден капитален бум низ целата држава. Вакви проекти реализираме низ целата држава и ова не е важно само од спортски аспект, важно е и за рекреирање, важно е и за социјалниот живот и за градење на вредности кои како Министерство за спорт сакаме да ги промовираме, особено меѓу младите“ – истакна Ристовски.

Вкупната вредност на проектот финансиран од Министерството за спорт, изнесува 19.290.000 денари, а со реконструкцијата која беше почната во април годинава, отстранет е стариот тартан, извршено е тампонирање, асфалтирање и поставена е нова еластична спортска подлога со ИААФ сертификат.

Атлетската патека е со вкупна квадратура од 4700 м2 . Од вкупната површина, 3900 м2 е подлога на кружната атлетска патека, а 800 м2 е подлога во просторот позади голот која е наменета за други атлетски дисциплини.

Патеката е исцртана со 6 ленти освен на правиот дел од 100 м поред трибината кој има 8 ленти . Ширината на една лента е 1.22 м. Исто така патеката е маркирана за сите атлетски дисциплини по ИИАФ стандарди.

Ова е втор ваков проект на Министерството за спорт, по атлетската патека која беше изградена во Гевгелија во 2024 година, како дел од над 70 проекти што се реализирани во изминатите две години низ целата држава.

Тагови: Министерството за спорт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ирина Шајк е во врска со 11 години помлада НБА ѕвезда (ФОТО)

Ирина Шајк (40) и НБА ѕвездата Девин Букер (29) наводно се во врска, а ова лето се обидуваат да поминат што е можно повеќе време заедно, изјавил извор близок до двојката за „Пипл“.

Ирина Шајк е во врска со 11 години помлада НБА ѕвезда (ФОТО)

Веста се прошири откако моделот и кошаркарот беа забележани заедно во Хемптонс.

„Сè е сè уште многу свежо, но тие навистина се сакаат“, рекол изворот. Тој додал дека се запознале пред неколку месеци преку заеднички пријатели. „Ова лето се обидуваат да поминат што е можно повеќе време заедно пред Девин да почне да се подготвува за новата сезона. Можеби ќе ја видите Ирина на некои од неговите натпревари. Таа навистина го сака“, рекол изворот за кошаркарот на Финикс Санс.

Претставниците на Ирина Шајк и Девин Букер сè уште не одговориле на барањата за коментар.

Букер претходно бил во врска со Кендал Џенер

Букер претходно бил во врска со моделот Кендал Џенер. Гласините за нивната врска се појавија во април 2020 година, откако заедно патуваа во Аризона, а ја потврдија врската на Инстаграм во февруари 2021 година.

Тие накратко раскинаа во јуни 2022 година, но набрзо се смирија и се појавија заедно на Отвореното првенство на САД во септември истата година. Конечно раскинаа во октомври 2022 година.

„И двајцата имаа многу напорни распореди и решија да се фокусираат на своите кариери“, рече извор во тоа време. Друг додаде дека сè уште се сакаат и почитуваат и си посакуваат се најдобро.

Ирина има ќерка со Бредли Купер

Шејк беше во врска со актерот Бредли Купер четири години пред Букер. Тие почнаа да се гледаат во пролетта 2015 година и ретко се појавуваа заедно во јавност.

Во март 2017 година, тие ја добија ќерката Леа, а раскинаа две години подоцна. По раскинувањето, тие останаа во добри односи и ја одгледаа својата ќерка заедно.

Тагови: ирина шајк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љутков: СДС може да оспорува, но Скопје 2014 денес е најпосетувана туристичка атракција

Криминалниот ум криминално размислува!

Љутков: СДС може да оспорува, но Скопје 2014 денес е најпосетувана туристичка атракција

Кога ќе останете без аргументи, најлесно е да измислувате приказни и да ги обвинувате другите. Тоа не ја менува вистината.

Госпоѓо Костадиновска-Стојчевска, додека бевте министер, ветувавте проект вреден 150 милиони евра за Скопје 2028. Денес јавноста има право да постави неколку едноставни прашања:

Како дојдовте до сумата од 150 милиони евра?

На што се темелеше таа финансиска проценка?

Од кои извори требаше да се обезбедат средствата?

Каде конкретно требаше да бидат инвестирани тие 150 милиони евра?

Дали Владата донесе одлука со која ги обезбеди тие средства или стануваше збор за политичко ветување без финансиска подлога?

Па вие и Брисел го излажавте како што денес пробувате да ја иманипулилирате јавноста.

Моравме да патуваме неколку пати во Брисел да ја спасуваме титулата!

Тоа се прашања на кои јавноста заслужува одговор.

За време на вашиот мандат не видовме капитални културни проекти што ќе останат како трајна вредност. Наместо конкретни резултати, останаа големи ветувања и многу политички изјави.

Ако денес зборувате за транспарентност, тогаш одговорете и јавноста и на следниве прашања: како беа избрани фирмите и невладините во самата апликација и како беа избрани надворешните соработници вклучени во подготовката на апликацијата за Скопје 2028? Кои беа критериумите? Како беше обезбедена транспарентноста на целиот процес? Тоа се легитимни прашања што заслужуваат јасни одговори.

Наместо да ја напаѓате сегашната работа, соочете се со сопствениот мандат. Граѓаните најдобро знаат да ја препознаат разликата меѓу големите ветувања и реалните резултати.

И уште нешто – колку и да го оспорувате, Скопје 2014 денес е една од најпосетуваните туристички атракции во главниот град. За тоа зборуваат посетителите и туристичкиот интерес, а не политичките квалификации, објави на ФБ доскорешниот министер за култура, Зоран Љутков. .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Протести во Тел Авив против насилството на Западниот Брег (ВИДЕО)

Во Тел Авив се одржаа протести против насилството на израелските доселеници на окупираниот Западен Брег, а за време на маршот низ градот дојде до конфликт со полицијата која што постави блокади на патиштата. 

Протести во Тел Авив против насилството на Западниот Брег (ВИДЕО)

Протестот е организиран поради, според учесниците, сѐ позачестените напади врз палестинските заедници, пишува Euronews.

Полициски блокади во центарот на градот

Обилни полициски сили го обезбедија протестниот марш и блокираа делови од планираната рута во центарот на Тел Авив. Снимките покажуваат демонстранти како се движат низ улиците пред полицијата да им го блокира патот. Насобраните извикуваа слогани и носеа транспаренти со кои се осудува насилството на Западниот Брег.

Меѓу нив имаше учесници кои носеа маски со ликот на американскиот претседател Доналд Трамп и израелскиот премиер Бенјамин Нетанјаху.

Обвинувања против власта

Организаторите рекоа дека собирот е реакција на зголеменото насилство од страна на израелските доселеници во последните месеци. Тие ја обвинуваат владата дека не прави доволно за да ги заштити палестинските заедници и бараат построги мерки против одговорните за нападите.

Тагови: Западниот Брег Тел Авив

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер