Почитувани гледачи, уште една интересна дебата ви подготвивме за денешната САМО ВИСТИНА – ни требаа седум години да се „опоравиме“ и повторно да се пласираме во едно финале на престижната Евровизија а уште колку ќе туркаме за столче во европското политичко семејство? На едната страна од пултот ја имаме поранешната пратеничка во Собранието од редовите на ЛДП Ангелка Пеева – Лауренчиќ а од другата страна аналитичарот Ристо Никовски.
За љубителите на конспирации, дали е случајно што првите земји кои беа прогласени како финалисти, во двете полуфиналиња да бидат Грција и Македонија? Случајно ли е што Тамара ќе настапи пред Мадона во финалeто на Евросонг?
Реакциите за случајот „Павле Богоевски“ не стивнуваат – дали чинот на самопријавување ќе му донесе позитивни поени или ќе стане дополнителна мета на сеирџии? Дали оставка на пратеникот е единственото логично решение? Можат ли органите во прогон да откријат кој поседува и објавува вакви разговори?
Се чекаат првите чистки од „метлата“ на Заев, ДУИ не гледа незадоволство од министрите во својот табор – има ли реално простор за паника кај коалициониот партнер на власта? Дали повеќе треба да се подзачисти и да „светне“ во дворот на СДСМ отколку на Илинденска бр. 2?
Дали пристојната политичка култура е главната алка за мир и соживот меѓу сите нас? Не го пропуштајте и ова петочно издание на САМО ВИСТИНА со Ангелка Пеева Лауренчиќ и Ристо Никовски на Канал 5 Телевизија.