Македонија

Вечерва очекувајте го дуелот на Метрополата!

Вечерва во „Само вистина“ гости ќе бидат Петре Шилегов и Коце Трајановски.

Почитувани дами и господа,

Дојде време за дуелот на метрополата! Ова е дуелот што сите го баравме, дуел што го посакувавме, и потајно го очекувавме.. .дуел за нашето, вашето, македонско и европско Скопје. Само на Канал 5, во САМО ВИСТИНА - дуел на сегашниот и претходниот градоначалник на Скопје, Петре Шилегов и Коце Трајановски.

Тие вечерва, во името на вистината, само за вас за прв пат и којзнае кога повторно ќе се соочат лице в лице и ќе откријат кои биле и кои се визиите за Скопје. Што посакале и планирале а не оствариле? Што ќе му „плесне “ Коце влице на Петре, а како ќе го „подбере “ пак Петре својот претходник Коце?

„Скопје 2014“ на Трајановски или „Скопје 2014“ на Шилегов она исто „Скопје 2014“ кое актуелниот градоначалник ќе го уриваше, ќе го преместуваше, а тоа, вакво или онакво остана да живее. Коце беше градоначалник на Скопје во Македонија, а Петре е татко на метрополата во Северна Македонија. Трајановски ги исече липите на „Илинденска“ Шилегов јапонските чреши на „Максим Горки“. Што им пресуди на децениски засадените дрвја? Староста или тендерите? Трајановски вети електрични автобуси но донесе кинески и украински автобуси, Шилегов ветува модерен трамвај превоз, ама тешко дека ќе го видиме во Скопје наскоро. Од силни ветувања на двајцата, скопјани се’ уште се возат во распаднатите 19.

Не не’ спаси од загадување ниту Коце, а ниту Петре. Ќе бидат ли наскоро градоначалници на „мртов“ град? Ниту луна парк ниту ски центар. Рекреативната понуда на Водно остана пусти сон за скопјани. Се потрошија преку 10 милиони евра за фасади во Скопје 2014 , ама затоа кучињата и џукелите „царуваат“ низ метрополата. Нови канти за смет, и нова „играчка„ за болните умови во Скопје. Дали постои лудило наречено -запали го контејнерот, за да се задушиме во сопствениот смет? Ќе замириса ли Илинденска пак на липи наскоро?

Ќе дојде ли урбаниот живот во Скопје конечно? Кој и слугува на урбаната мафија, и не дозволува центарот на Скопје да се „затвори“ за нови градби? Сегашниот и поранешниот градоначалник на Скопје, Петре Шилегов и Коце Трајановски. Во 18:30 во „Само вистина“.

Македонија

МВР со кривична пријава за поранешен градоначалник на скопска општина

Одделот за криминалистичка полиција спроведе предистражни дејствија за поранешен градоначалник на една скопска општина, за кој постои сомневање дека извршил кривично дело "злоупотрба на службената положба и овластување".

Одделот за криминалистичка полиција спроведе предистражни дејствија за поранешен градоначалник на една скопска општина, за кој постои сомневање дека извршил кривично дело "злоупотрба на службената положба и овластување" согласно член 353 од КЗ.

Имено, истиот на 04.08.2021 со пречекорување на границите на своето службено овластување како лице што врши работи од јавен интерес, по спроведена постапка за јавна набавка на работи - реконструкција на спортски игралишта на територија на општината и склучен договор за јавна набавка со правно лице од Скопје, во која постапка покрај за игралишта за кој бил надлежен, предвидел реконструкција и на спортско игралиште во средно училиште, иако знаел и бил свесен дека средните училишта согласно Законот за средното образование се во надлежност на градот Скопје.

На тој начин пријавениот го оштетил буџетот на општината за износ од 662 885 денари, кои средства му биле исплатени на избраниот економски оператор за реконструкцијата на тоа игралиште.

Во координација со СВР Скопје, Единицата за економски и компјутерски криминал до ОЈО Скопје поднесе кривична пријава, соопштија од МВР.

Свет

Снимен е ударот на украински дрон во руски радарски систем, вреден 7,5 милиони долари (ВИДЕО)

На социјалните мрежи се појави уште едно видео снимено на фронтот во Украина, на кое наводно се гледа како украинско беспилотно летало вредно нешто помалку од 27.000 долари го уништува рускиот радарски систем „Подљот“ кој вреди повеќе од 7,5 милиони. 

Како што објави dailymail.co.uk, снимката е создадена на крајот на минатата недела и покажува уништување на скап руски систем.

Украинците во нападот испратиле полско беспилотно летало камикази од типот „Warmate“, кое што ја оштетило ротирачката радарска антена на системот, за која се вели дека може истовремено да следи до 200 цели на оддалеченост од околу 400 километри.

Друго видео покажува како друг дрон удира во придружната радарска централа.

„Избувна пожар на радарската антена и на дизел генераторот што го снабдуваше системот со енергија“, се наведува во пораката на украинските разузнавачи на социјалните мрежи.

Министерството за одбрана на Украина на Телеграм објави дека единицата „Гус 9“ е одговорна за отстранување на радарскиот комплекс, додавајќи дека станува збор за нова технологија која руската армија ја има само од 2015 година. Системот се користи за откривање цели и координирана испорака на цели од противвоздушните системи С-300 и С-400.

Додека употребата на беспилотни летала од страна на Украина во нејзината одбрана од Русија беше успешна, другите елементи од нејзиниот воен ангажман не беа толку ефикасни. Украина, била принудена привремено да ги повлече американските тенкови Абрамс од првата линија на фронтот бидејќи руските беспилотни летала лесно ги откривале. САД испратија вкупно 31 тенк Абрамс во Украина.

Киев побарал од овие оклопни возила, секое од по десет милиони долари, да ги пробијат руските линии за време на минатогодишната офанзива, што на крајот не успеа. Тактиката на фронтот се смени и сега Русија масовно користи дронови во борбата против оклопните возила. Во последните три месеци руските сили уништија пет Абрамови.

„Кога размислувате за начинот на кој борбата еволуирала, масовната употреба на оклоп во средина каде што беспилотните воздушни системи се сеприсутни може да биде многу опасна. Ќе работиме со нашите украински партнери и другите сојузници на теренот за да им помогнеме да размислат како оклопни возилата може да се користат, во толку променето опкружување каде сè се гледа веднаш“, рече адмирал Кристофер Грејди, заменик-претседател на Здружениот штаб.

Македонија

Пендаровски: На 8 мај имајте ги предвид иднината на вашите деца и младите

„Оставете ги партиските поделби, оставете ги етничките поделби, размислувајте како родител, размислувајте како поединец, размислувајте како приватник, размислувајте како човек. “

„Дали би му дале верба на некого кој вели дека сите договори кои ни донесоа мир и не вратија во заедницата на цивилизирани нации и држави, треба да ги смениме, да им направиме ревизија и да донесеме нешто што никој жив не знае што може да биде и со какви ефекти ќе биде“, им порача на тетовчани вечерва претседателскиот кандидат Стево Пендаровски.

Во оваа насока тој посочи дека наместо државата да се враќа во мрачното минато, во периодот од 2006-та до 2017-та година, треба да се фокусираме на економијата, бидејќи од тоа зависи дали децата ќе ни останат покрај нас или ќе бараат подобра иднина надвор од татковината.

„Невозможно е најголемиот дел од македонските граѓани да не ја препознае рационалноста на ова што го зборувам. Ме прашувате за било кој договор, јас имам одговор - тој договор е добар, овој договор е добар, ова е добро, ова е лошо. Тие немаат одговор. Три пати ги прашуваш, вели ќе направам тим од експерти, па со помош на странски експерти, па Совет на Европа, Венецијанска Комисија и по некое време, после неколку месеци...Кога бирате претседател, премиер, министер – тој мора од првиот ден да делува и да носи одлуки, а не допрва да собира експерти. Ти ако не знаеш сега што треба да направиш во однос на Рамковниот договор, Преспанскиот договор, Европската преговарачка рамка, ако допрва бараш помош од стручни експерти од странство и од дома, немој да се пријавуваш за претседател“, додаде Пендаровски.

Повикувајќи ги граѓаните на Тетово на 8 мај да го заокружат бројот 1, Пендаровски потенцираше дека на денот на гласањето треба да ги имаат предвид интересите на нивните деца и внуци, нивните лични и интересите на семејството,соопштуваат од неговиот тим.

притисни ентер