Свет

Вечерва е прекината акцијата за извлекување на момчињата од пештера на Тајланд

Тајландските власти ја прекинаа вечерва акцијата за извлекување  на момчињата и нивниот тренер.

Ќе нема извлекување на момчињата во текот на ноќта , бидејќи децата на знаат да нуркаат , велат властите на Тајланд. Со тоа ги демантираа информациите дека ноќеска ќе почне извлекувањето на децата од пештерата Там Луанг. Гувернерот на покраината Чанг Раи , каде се наоќа пештерата , наронгсак Осатанакору изјави дека се бара најсигурен начин да се извлечат децата , кои од минатата сабота се заробени во поплавена пештера долга над пет километри.

Децата ќе мора да научат да нуркаат за да го поминат под вода овој тунел , низ кој дури ниту професионален нуркач од Тајланд не успеа да го премине и загина во обидот за помош. Најголем проблем во моментот е надоаѓањето на нов влажен бран со дождови од утре до следниот четврток , што дополнително би ја усложнила работата на спасувачите , како и недостатокот на кислород во делот на пештерата каде се децата и нивниот тренер.

За сега нема конкретен план како би се спасиле децата и нивниот тренер . Постои можност дури и да се остават во делот на пештерата кој не е под вода во наредните четири месеци , кога завршува сезоната на дождови и подземните води се повлекуваат.

Свет

Претседателката на Грузија, Зурабишвили стави вето на законот за „странско влијание“

Претседателката на Грузија, Саломе Зурабишвили соопшти дека ставила вето на контроверзниот закон за „странско влијание“, кој предизвика масовни протести во земјата.

„Денес ставам вето (...) на закон кој е руски по својата суштина и е во спротивност со нашиот устав“, рече Зурабишвили откако текстот усвоен од Парламентот оваа недела беше осуден од неговите противници дека има за цел да ја одврати Грузија од нејзиниот пат кон Европа и да ја насочи кон Русија.

Таканаречениот „руски закон“, чии противници протестираат со недели против неговото усвојување, бара медиумите и невладините организации кои добиваат повеќе од 20 отсто од своето финансирање од странство да се регистрираат како „агенти на странско влијание“. Критичарите на законот велат дека тој е премногу сличен на законодавството што го користи Кремљ за да ги замолчи противниците и дека ќе ја попречи кандидатурата на Грузија за пристапување во ЕУ.

Претседателката Саломе Зурабишвили, која влегува во сè поостра конфронтација со грузиската владејачка партија, денеска изјави дека законот е во спротивност со Уставот на Грузија и „сите европски стандарди“, и додаде дека тој „мора да биде повлечен“. /МИА

Свет

То Лам именуван за претседател на Виетнам

Комунистичката партија на Виетнам го именува министерот за јавна безбедност То Лам за нов шеф на државата.

- Централниот комитет одобри другарот То Лам, член на Политбирото и министер за јавна безбедност, да биде именуван за претседател, објави Виетнамската новинска агенција (ВНА).

Лам (66), кој ја извршуваше функцијата министер за јавна безбедност од 2016 година, имаше тврд став против движењата за човекови права.

Неговото именување уследи по оставката на Во Ван Туонг во март./МИА

Свет

Поплави во источна Белгија

 Подрачјето на белгискиот град Лиеж е погодено од поплави предизвикани од обилните дождови кои веќе предизвикаа штети во Франција.

На подрачјето на тој град досега се евидентирани околу 550 интервенции, а гувернерот Ерве Џамар мобилизирал 150 пожарникари во борбата против последиците од елементарната непогода.

„Ова се главно интервенции за испумпување вода кои продолжија денеска изутрината“, соопшти канцеларијата на гувернерот на погодената провинција.

Службите за итни случаи соопштија дека нивото на водата почнало да се намалува.

Од другата страна на границата, во холандската провинција Лимбург, два кампа се евакуирани поради опасност од поплави.

Во францускиот департман Мозел, на североистокот, денеска во раните утрински часови беше објавена тревога поради опасност од поплави. /МИА

притисни ентер