Вардар пресилен за Рајн Некар - Канал 5

Ракомет

Вардар пресилен за Рајн Некар

Македонскиот ракометен вицепрвак Вардар синоќа во Мајнхајм против германскиот претставник Рајн Некар – Левен го одиграа еден од најдобрите натпревари во Лигата на шампионите и на убедлив начин стигна до победата од 35:28.

Вардар пресилен за Рајн Некар
Вардар имаше реализација од 70%, но и одлична игра во одбраната. По само девет минути игра беше 5:1, со погодоците на Терзиќ, Тоскиќ, Дибиров и Горбок. Првиот ол домаќините го постигнаа дури по осум минути игра. Рајн Некар на двапати дојде до негатива од два гола во првите 30 минути и тоа при резултат 5:3 и 8:6. Но, во продолжение вардарци со серијата од 4:0, со трите гола на Карачиќ и еден на Дибиров стигнаа до највисоките шет гола предност.

Доминацијата не застана тука, па во последната минута од првиот дел, со погодокот на Дибиров, нашата екипа стигна и до позитива од осум гола, при резултат 19:11. Сепак, домаќините до одморот ја намалија негативата на седум гола, 20:13. Карачиќ беше незапирлив во првиот дел, постигнувајќи седум гола.

Во вториот дел продолжи доминантната игра на избраниците на Раул Гонзалес, а тоа резултираше со зголемување на предноста. По рамноправната игра во првите пет минути од второто полувреме, следуваше серија од 5:0, за Вардар, благодарение на одличниот Штербик, како и ефикасноста на Душебаев, Тоскиќ, Шишкарев и Карачиќ. Во 39. минута вардарци стигнаа до највисоките плус 11, при резултат 27:16.

Во тие моменти веќе беше познат победникот на овој меч, иако Германците се обидуваа да се вратат во игра, посебно кога стигнаа до негатива од шест гола, а имаа и напад да дојдат до минус пет. Тоа не им годозволи Штербик, кој мечот го заврши со единаесет успешни интервенции, најголем дел од нив во клучните моменти од натпреварот.

Ова е седма победа за нашата екипа во групната фаза од елитното натпреврување, што воедно а е најдобар резултат на македонскиот шампион во оваа фаза, во историјата на клубот.

Игор Карачиќ беше најефикасен во нашиот тим со осум гола, додека Тимур Дибиров постигна шест. Сергеј Горбок и Алекс Душебаев упатија по четири прецизни удари.

Ова беше дуел кој одлучуваше за втората позиција на табелата во Ц груптата. Црвено-црните на жрепката во вторник за осминафиналето ќе очекуваат условно полесен противник (третопласиран тим од групата А, Б или Д) и реваншот ќе го играат на домашен терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Филипче дебело профитираа за време на кризите

Денес Владата на ВМРО ДПМНЕ е со конкретни мерки за горивата и заштита на стандардот на граѓаните.

ВМРО-ДПМНЕ: СДС и Филипче дебело профитираа за време на кризите

Кога СДС нема што да понуди им останува само политичката критика но веќе им е познато на граѓаните дека на СДС се им смета па дури и конкретни мерки за заштита на стандардот како мерките кои ги превзема Владата на ВМРО ДПМНЕ за горивата.

СДС 7 години го крадеа народот, ја распродаваа и омаловажуваа државата и ги понижуваа граѓаните. СДС и Филипче во време на криза профитираа за денес да се луксузираат на јахтите со Заев по Егејот.

За разлика од СДС и ДУИ денес нема фудбалчиња по канцелаарии, нема банди по улиците, нема марихуана економија, нема распродавање на државните интереси.

Денес Владата се грижи за животниот стандард на граѓаните и превзема конкретни мерки. Во однос на горивата мерки веќе има, намелени акцизи, и ќе се донесат и нови мерки со што наместо зголемување ќе има намалување на цената на горивото.

Владата на ВМРО ДПМНЕ продолжува да го штити стандардот на граѓаните.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер