Ракомет

Вардар подготвен да му се реваншира на Кристијанштад

Ракометарите на Вардар се подготвени за реваншот со Кристијанштад во Европската лига на ЕХФ.

Токму шведскиот претставник минатата седмица му го нанесе првиот пораз на Вардар во тековната сезона во второто по квалитет клупско европско натпреварување.

„Црвено-црните“ во Кристијанштад имаа водство во последните две минути, промашија зицер во последниот свој напад, а потоа примија гол и загубија со 32:31.

Тренерот на македонскиот тим Иван Чупиќ ги искажа очекувањата и изрази уверување дека неговиот тим ќе се врати на победите.

-Нормално е кога ќе се изгуби да се анализира. Имавме два три дена добри подготовки за овој меч. Одиме на победа. Секогаш во „Јане Сандански“ ние сме фаворити. Апел до нашите навивачи да дојдат и да не бодрат. Со победа да се доближиме до освојување на првото место и потоа да видиме што понатаму. Одиме чекор по чекор. Сакаме да се вратиме на победничките патеки. Во Шведска направивме многу технички грешки. Една од работите што треба да ги коригираме се дисциплина и трпеливост во нападот, изјави Чупиќ.

И голманот Васил Гогов е убеден дека тој и неговите соиграчи имаат квалитет за да ги освојат двата бода.

Во пресрет на утрешниот натпревар закажан за 18:45 часот во СЦ „Јане Сандански“ во Скопје, табелата во Ф-групата изгледа вака:

1.Кристијанштад 5 бода

2.Вардар 4

3.Сесвете 3

4.Тулуз 0.

Во следната фаза одат двете првопласирани по одигрување на шесте кола.

Тагови: РК Вардар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Македонија лидер во регионот: Патничкиот авиосообраќај порасна за 27,9%

И ова може да биде вест во Република Македонија.

Резултатите покажуваат дека Македонија станува се попривлечна туристичка и транспортна дестинација.

Аеродромите во Охрид и Скопје го имаа најуспешниот јули досега, поставувајќи историски рекорди во македонскиот воздушен сообраќај.

27,9% раст на патничкиот сообраќај – прво место меѓу земјите кои не се членки на ЕУ+, според ACI Europe.

Меѓународниот аеродром Скопје е рангиран меѓу најбрзорастечките средни аеродроми во Европа, со раст од 28,6%.

Аеродромот Св. Апостол Павле Охрид го забележа најуспешниот месец јули во својата историја.

Во текот на јули, охридскиот аеродром има раст од 41,21% во споредба со истиот месец минатата година.

Овие бројки се потврда дека инвестициите во нови авиолинии, развојот на аеродромите и поддршката на туризмот носат конкретни резултати за македонската економија.

Бојан Стојаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Извршени 44 акциски контроли за санкционирање на незаконит риболов во јуни и јули

Приведени две лица, запленети 702 парчиња риба и 25 рибарски мрежи.

Полициската станица за граничен надзор „Охридско Езеро“ Охрид, во текот на јуни и јули оваа година, во водите на Охридското езеро изврши 44 акциски контроли поврзани со кривичното дело „незаконит риболов“ и откривање лица сторители, како и пронаоѓање мрежи и други предмети од извршено кривично дело. Притоа, при вршење на кривичното дело „незаконит риболов“, полициските службеници затекнаа две лица, едното од охридското село Пештани а другото од Струга, ги приведоа во полициската станица и против нив се поднесени соодветни пријави.

Во текот на акциските контроли, пронајдени се вкупно 25 т.н. висечки рибарски мрежи со должина од четири километри и деветстотини метри кои се најстрого забранети за лов на риба и вкупен улов од 702 парчиња риба охридска белвица, односно вкупно 97.1 килограми. Полициската станица за граничен надзор „Охридско Езеро“ Охрид, и во текот на наредниот период ќе врши акциски контроли по овој основ, како и по одредбите од Законот за внатрешна пловидба.

Тагови: незаконит риболов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 100 денари литар дизел – ново зголемување откако Мицкоски најави намалување на цените

Дизелот денеска повторно поскапува, трет пат по ред, откако Мицкоски најави намалување на цената. Сега еден литар дизел ќе изнесува речиси 100 денари.

Како што веќе рековме, секогаш кога Мицкоски ќе најави мерки за намалување на цените, веднаш следува ново поскапување.

По неговите најави - не еднаш, туку три пати се случува поскапување на дизел горивото.

Граѓаните веќе имаат страв од најавите на Мицкоски.

Знаат дека ќе поскапи сè, бидејќи со поскапување на дизелот поскапува транспортот, храната и останатите цени.

Сега веќе е потврдено, секоја „мерка“ на Мицкоски за намалување на цените - носи ново поскапување.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.