Вардар го победи Целје и се врати на врвот на табелата во Лигата на шампиони - Канал 5

Ракомет

Вардар го победи Целје и се врати на врвот на табелата во Лигата на шампиони

Ракометарите на Вардар со победата над Целје се вратија на првото место во својата група во Лигата на шампионите.

Вардар го победи Целје и се врати на врвот на табелата во Лигата на шампиони
Македонскиот шампион Вардар попладнево пред својата публика во ЦС „Јане Сандански“ го победи словенечкиот првак Целје со 35-30 во натпревар од 12.коло во Лига на шампиони.

Уште од самиот почеток црвено-црните го наметнаа своето темпо и од минута во минута постојано ја зголемуваа предноста која на крајот на првиот дел изнесуваше пет голови разлика 20-15. Во ист ритам вардарци го одиграа и вториот дел и на крајот сосема заслужено се радуваа на победата со конечни 35-30.

Најефикасен во редовите на македонскиот шампион беше Алекс Душебаев со 8 голови, додека Тимур Дибиров и Данил Шишкарев постигнаа по 6.

Со оваа победа Вардар се врати на првото место во Б групата, на кое од средата беше Рајн-Некар кој го совлада Мешков Брест со 25-24.

Во оваа група вечерва од 20 часот ќе започне мечот ППД Загреб – Кристијанштад, додека утре ќе играат Киелце и ПИК Сегед.

Табела: Варда 18 бодови, Рајн-Некар 17, Киелце 14, Пик Сегед 13, Мешков Брест 12, Цеље 7, Кристијанштад 6, ППД Загреб 5.

Во групата А се одиграа две средби, Веспрем - Висла Плок 31-25, Кил – Силкеборг 21-24. Вечерва ќе играат и ПСЖ – Кадетен Шафхаузен, додека средбата Барселона – Фленсбург на програмата е утре.

Во оваа конкуренција лидер е Барселона со 20 бодови, пред ПСЖ со 18, и Веспрем со 12, додека Фленсбург и Кил имаат по 11. По нив следуваат, Висла Плок 8, Силкеборг 4 и Кадетен Шафхаузен 2. /МИА



Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинати во поплави во Турција – издадено предупредување за 45 провинции

Пет лица загинаа, а три се водат за исчезнати во поплавите што погодија неколку региони во Турција, како резултата на силните поројни дождови.

Петмина загинати во поплави во Турција – издадено предупредување за 45 провинции

Турската генерална дирекција за метеорологија издаде жолто и портокалово предупредување за 45 провинции, вклучително и за Истанбул, поради најавените обилни врнежи и силен ветер, објавија турските медими. Поради опасноста од ненадејни поплави, свлечишта, удари од гром и град, граѓаните се повикани да бидат внимателни и да ги почитуваат предупредувањата на надлежните служби. Портокалово предупредување е издадено за Истанбул, Бурса, Коџаели, Јалова и Сакарија, додека жолто предупредување важи за уште 40 провинции.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нов бран насилни судири во Тирана – над 150 повредени, најмалку 160 приведени во изминатите денови

Нов бран насилни судири меѓу полицијата и демонстрантите избија синоќа во Тирана, четврти ден во Албанија. 

Нов бран насилни судири во Тирана – над 150 повредени, најмалку 160 приведени во изминатите денови

Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад. Според извештаите, судирите продолжиле до доцна во ноќта во неколку делови од главниот град. Демонстрантите бараат оставка од премиерот Еди Рама, кој е на власт 13 години, а истовремено го изразуваат незадоволството од условите за студирање и висината на школарините на универзитетите. Албанскиот министер за внатрешни работи Ервин Дема соопшти дека во изминатите денови биле повредени 156 лица, од кои 97 полицајци. Албанскиот премиер Еди Рама ги обвини неодредени странски сили дека стојат зад немирите и дека се обидуваат да го попречат патот на земјата кон членство во Европската Унија, отфрлајќи ги тврдењата дека протестите се резултат на реалните проблеми и незадоволството на граѓаните.

YouTube video

Тагови: Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Откако вчера пациентки останаа без потребната терапијата „Фесго“, од Клиниката за радиотерапија и онкологија велат дека лекот очекуваат да биде обезбеден кон почетокот на следнава недела.

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Терапијата „Фесго“ во петокот беше недостапна поради ненавремена испорака од дистрибутерот, од кого добивме уверување дека испораката ќе биде реализирана во понеделник, велат од Клиниката за онкологија за Канал 5.

Од таму, информираат и дека од иста причина во моментов има застој и во снабдувањето со Госерелин, но дека добиле уверување оддистрибутерот дека ќе биде обезбеден во текот на следната недела. Вчера од Клиниката упатија извинување до сите засегнати пациентки, признавајќи дека ситуацијата предизвикала загриженост, неизвесност и непријатности. Не е познато колку пациентки се погодени од одложувањето на терапијата „Фесго“, која се користи во третманот на одредени форми на карцином на дојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер