Македонија

Ванковска:Прогласот на „200“ беше тајм аут, немојте да брзате

Гостин во најновото издание на „Само вистина“ беше универзитетската професорка Билјана Ванковска, која е едена од потписниците на прогласот на 200 интелектуалци и јавни личности кои побараа прекинување на преговорите за името и негова правна разврска преку Генералното собрание на ОН.

Ванковска посочи дека токму прогласот беше со цел да се каже ставот дека за ова прашање не треба да се брза, односно како што вели, зошто Владата брза, за прашање со кое Македонија се доведува во ситуација да прифати било какво решение, кое би можело да доведе до дестабилизација внатре во државата, особено ако од Букурешт се знае дека не мора приемот да биде на НАТО самит, туку на секој министерски состанок.

Внатре во државата вели таа едвај нешто да функционира, институциите ги дерогираме повторно, одлуките се носат вон институциите, растат тензиите и сега околу Законот за јазиците, што е уште една капка во чашата која е преполна.
Ванковска изјави дека една од причините за прогласот е да се испрати и пораката дека Владата треба да биде транспарентна во однос на прашањето за името кое за граѓаните создава вознемиреност, кога ги нема точните информации.
Не може на граѓанинот да му кажеш молчи,ние имаме право да знаеме за она што не вознемирува на државно ниво, како на граганин може да му кажеш овде збори овде молчи, и тоа го сметам за скандалозно и тоа ни го должат. Ние немаме национален туку политички консензус, истакна Ванковска.

За спорот околу името, за Законот за јазиците, за реформите, за политичките случувања во следните месеци, погледнете во најновото издание на „Само вистина“.

Регион

Над 157.000 Грци се пријавиле за поштенско гласање на евроизборите

Пријавувањето за поштенското гласање започна на средината на февруари, а завршува вечерва на полноќ.

За гласање преку пошта на претстојните европски избори на 9 јуни се пријавиле над 157.000 грчки граѓани, од кои мнозинството, односно 116.000 живеат во Грција, а останатите се од дијаспората, објави грчката новинска агенција АНА-МПА, јави дописничката на МИА од Атина.

Пријавувањето за поштенското гласање започна на средината на февруари, а завршува вечерва на полноќ.

Гласањето преку пошта за првпат ќе се спроведе на претстојните евроизбори, а имаат право да се пријават сите грчки граѓани без разлика дали живеат во земјата или во странство.

Според податоците што ги објави АНА-МПА, интересот за новиот начин на гласање е висок кај сите старосни групи, додека пак од дијаспората се пријавиле граѓани кои живеат во 115 земји,

Грците кои живеат во странство ќе гласаат исклучиво преку поштенско гласање, додека гласачите во внатрешноста на земјата ќе можат да одберат како ќе го остварат правото на глас или на избирачките места како досега или со гласање по пошта.

Избирачкиот материјал, по пошта ќе биде испратен до гласачите на нивната адреса, кои откако ќе гласаат, ќе треба гласачките ливчиња да ги испратат најдоцна до сабота 8 јуни, односно денот пред изборите.

Ковертот со гласачкиот материјал од Министерството за внатрешни работи ќе биде испратен до гласачите најдоцна до 15 дена пред изборите и ќе содржи коверт, гласачко ливче, упатства и сл. /МИА

Фудбал

Премиерлигашите ќе гласаат за воведување ограничување на платите

Премиер лигата може да воведе ограничување на платата. Се очекува денес клубовите од Англиското фудбалско првенство да гласаат за промената, пренесува „Sky Sports“.

Границата нема да биде колку клубовите можат да платат кој било играч, туку колку клубот може да потроши вкупно на тимот во однос на платите, трансферите и агенциските такси.

Една опција за лимит би била 4,5 пати поголема од приходите на клубот кој е на последното место во лигата. Доколку таа граница би се одредила според сегашниот пласман, ќе изнесува 466 милиони фунти. /МИА

Фудбал

Гасперини: Сега Лигата на Европа е приоритетна цел за Аталанта

Тренерот на Аталанта, Џан Пјеро Гасперини не се откажува од обезбедување место во Серија А кое носи учество во Лигата на шампионите следната сезона, но како приоритетна цел во моментов го посочи дуелот со Марсеј во Лигата на Европа.

Аталанта вчера во натпревар од 34. коло на Италијанското фудбалско првенство го совлада Емполи со 2:0.

- Ако успееме да освоиме што повеќе бодови во домашното првенство нашата позиција на табелата може значително да се промени. Но сега за нас Лига Европа ни е приоритет и мораме да бидеме внимателни, бидејќи Марсеј е силен тим. Во четврток е првиот натпревар од полуфиналната пресметка. Двата меча се важни, но првиот може да малку побитен, изјави Гасперини за „Football Italia“.

Аталанта е шеста во Серија А со 57 бодови.

Во полуфиналето на Лига Европа на 2 мај тимот од Бергамо ќе гостува на Марсеј. /МИА

притисни ентер