Ванеса ги блокира фан страниците на Коби Брајант , причината е трогателна - Канал 5

Живот

Ванеса ги блокира фан страниците на Коби Брајант , причината е трогателна

Ванеса Брајант испрати емотивна порака до обожавателите на Коби Брајант во текот на викендот објаснувајќи ги неодамнешните измени што ги направи на нејзината страница на Инстаграм за да може да продолжи понатаму по ненадејната смрт на нејзиниот сопруг

Ванеса ги блокира фан страниците на Коби Брајант , причината е трогателна

Ванеса им се заблагодари на обожавателите на Коби за поддршката, но исто така истакна дека таа и нејзината ќерка Наталија (17) мора да ги блокираат фан страните на нејзиниот сопруг кои објавуваат фотографии од Коби и нивната ќерка Џиги кои загинаа во хеликоптерска несреќа на 26 јануари.

„Јас и Наталија моравме да ги блокираме веб-страниците затоа што е тешко да се вклучиш на интернет и постојано да се гледаат фотографиите од нашите сакани Џиџи и Коби на секое отворање“, напиша Ванеса. "Блокирањето на страниците помогна во промена на алгоритмот."

„Ве сакаме сите вас, но ве молиме разберете дека требаше да го сториме тоа за да можеме да продолжиме понатаму, не затоа што не ве цениме“, додаде таа.

Слична порака, Наталија сподели на Инстаграм, каде исто така има повеќе од еден милион следбеници и објасни дека тоа го прави „10 пати потешко да се справи со загубата“.

„Се надеваме дека луѓето ќе сфатат дека иако фан-страниците имаат добри намери, многу ни е тешко бидејќи се постојани потсетници“, рече таа.

Минатиот месец Наталија сподели фотографија и порака на денот кога Џиџи ќе го прославеше својот 14 роденден. "Ми недостасува твојата насмевка секој ден, но знам дека ти и тато секогаш гледате во нас со насмевка од небото. Те сакам", напиша таа во тоа време.

Во меѓувреме, Ванеса и Наталија ги криеја своите профили од јавноста.

Коби и Ванеса имаат уште две ќерки, Бјанка (3) и Капри која ќе наполни 2 години на 4 јули.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.  

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Секторот за санитарна контрола во периодот од 28.09.2026 до 02.10.2026 зема 200 примероци за физичко-хемиска и 200 примероци за микробиолошка анализа на вода за пиење од 45 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

„Гответе со Дракче“ - Њоки

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер