Вајц за Канал 5: Македонија има напредок во реформскиот процес и дополнително време до јуни да ги исполни обврските - Канал 5

Македонија

Вајц за Канал 5: Македонија има напредок во реформскиот процес и дополнително време до јуни да ги исполни обврските

Македонија има напредок во реформскиот процес  но и дополнително време да ги исполни потребните обврски од реформската агенда до јуни, вели во интерву за Канал 5 известувачот Томас Вајц. 

Вајц за Канал 5: Македонија има напредок во реформскиот процес и дополнително време до јуни да ги исполни обврските

Власта и опозицијата во нов клинч и по вчерашното интервју на известувачот за Македонија во ЕП, Томас Вајц дадено за Канал 5 во кое тој меѓудругото откри дека интервјуто за бугарската „Еуроњуз“, објавено пред три дена, всушност е снимено пред речиси два месеца.

Задоцнетото објавување Вајц го оцени како непрофесионален потег со некаква агенда и нагласи дека изјавите во кои оценува дека Македонија нема напредок во реформите се дадени на почетокот на март и дека тогаш ја одразувале моменталната состојба. Сега според него земјава бележи напредок во реформската агенда и има дополнително време да ги исполни потребните обврски до јуни.

-Најпрво, ова интервју беше дадено за бугарска телевизиска станица пред седум недели не знам зошто е објавено оваа недела и тоа ја покажува проценката за моментумот на почетокот на март. Владата на С. Македонија испорача минатата година и ова беше ценето со доста голема сума на пари, мислам дека беше околу 76 милиони евра. Но, за дополнителните чекори каде С. Македонија има грејс период, значи дополнително време да ги исполни обврските немаше што да се каже во тој момент. За среќа некои чекори беа преземени во меѓувреме и има некаков напредок кој се случи кон јуни. Сепак, има осум од десет точки треба да бидат исполнети и завршени и иако јуни е многу блиску јас многу се надевам дека владата ќе успее да ги исполни, но во последните седум недели гледаме некаков напредок, изјави Вајц за Канал 5.

Премиерот Мицкоски е уверен дека обврските од реформската агенда ќе бидат исполнети, за што според него јасно потврдил и Вајц, а критиките од опозицијата за кочење на европскиот процес ги оцени како несериозни. Како свесен исклучок на Владата од бараните реформи, Мицкоски ја наведе либерализацијата на пазарот на електрична енергија, што според него ќе предизвика бран поскапувања на штета на граѓаните.

- Известувачот за Македонија во ЕП, Томас Вајц, вчера беше толку јасен и дециден што не остави простор за толкување. Човекот даде многу прецизни изјави во кои јасно кажа дека Владата прави реформи. И тука нема никаква дилема. СДСМ, ако мислите на тој дел од опозицијата, континуирано води политика и ПР стратегија со која истура лаги. Затоа предупредувам, секоја прес-конференција, секоја изјава што доаѓа од таму, многу со резерва да се прифаќа. Тоа е политичка партија што во овој момент не се бори за граѓаните, туку се бори актуелното раководство во рамки на партијата. Тоа е нивната политичка стратегија, изјави Мицкоски.

Дека Владата продолжува со реформите уверува и министерот за правда Игор Филков. Според него СДСМ во Собранието го блокирале клучниот реформски Закон за јавното обвинителство, иако дел од нивните амандмани биле прифатени.

Од опозициската СДСМ реагираат дека тврдењата на власта дека Венко Филипче добил шамар од Вајц со изјавата дека Македонија бележи напредок во реформите, се како што велат, политички очајни и спинувачки. Оттаму прашуваат што точно се сменило во тој месец помеѓу двете интервјуа и обвинуваат дека Владата не испорачала никаква реформа во овие месец дена.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер