3Караванот со музичко-сценскиот спектакл „Силно светнал ден" по повод 35 години независност стига во Битола!
ЕвропаУжас во Германија: Стоматолог си ги убил сопругата и 10 годишната ќерка, па си пресудил- соседите велат дека делувале среќно (ВИДЕО)Три лица се пронајдени мртви во куќа во Помелсбрун, Германија, а полицијата се сомнева дека стоматологот д-р Ервин Г. (51) ја убил својата сопруга Кристина (51), нивната десетгодишна ќерка, а потоа и себеси.Тоа е шокантен чин кој очигледно немал никакви предупредувачки знаци, објави Билд. Пред една година, по повод 50-тиот роденден на докторот, беше објавена трогателна картичка со фотографија потпишана од неговата сопруга и ќерка: „Денес наполнивте 18.250 дена. Ниту една седа коса на повидок. Само останете луди, забавни и сакани какви што сте! Ве сакаме.“ Фотографијата зрачи со семејна среќа, најверојатно направена за време на карневал, и го прикажува Ервин како носи капетанска капа, додека мајката и ќерката имаат насликани мустаќи и машни од Мини Маус во косата. Сите тројца разговараат и изгледаат среќно. Една година подоцна, во недела во 19:35 часот, две мртовечки возила пристигнаа на семејниот имот во Помелсбрун. По околу 30 минути, тие го напуштиле местото, транспортирајќи ги телата на таткото, мајката и детето во одделот за судска медицина. Полицијата го истражува случајот како убиство, а одделот за убиства е повикан за да ги утврди сите околности. Засега е сигурно дека четврто лице не учествувало во трагедијата. Според медиумските извештаи, сосед забележал барем едно тело пред една од двете куќи во нивниот двор . Последната куќа се користела за живеење, додека докторот планирал да отвори стоматолошка ординација пред неа. Дотогаш, тој лекувал пациенти во Вилсек, оддалечен околу 30 километри. Според соседите, тој сакал да работи поблиску до своето семејство и имал планови за иднината, што го прави ова злосторство уште помистериозно. Пациентите имале само пофални зборови за стоматологот. „Најдобриот стоматолог што некогаш сум го имал, смирен, опуштен, пријателски расположен и го препорачувам на секој што се плаши од стоматолог“, напишал еден пациент во преглед на неговата ординација. Неговата сопруга, Кристина, исто така работела во ординацијата, помагајќи му при помали процедури. Соседите велат дека семејството живеело повлечено и се преселило во таа област пред неколку години. Цвеќе и свеќи биле поставени пред семејната куќа како знак на сеќавање. Обдукцијата е закажана за подоцна оваа недела, а точните околности за смртта на членовите на семејството сè уште се непознати.Тагови: сопругата стоматолог Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаВМРО-ДПМНЕ: Стапката на инфлација се намалува, пониска е и од инфлацијата во еврозонатаПодатоците од Државниот завод за статистика укажуваат на забавување на инфлацијата.Инфлацијата во јули изнесува 2,3 проценти на годишно ниво што покажува тренд на намалување. Во јули стапката на инфлација во Македонија е под просекот на еврозоната во која стапката на инфлација во јули изнесува 2,9 проценти. Колку за споредба во април 2026 година инфлацијата на годишно ниво изнесуваше 5,7 проценти, во мај 4,8 отсто и во јуни 3,4 проценти. Особено е значајно што и во текот на јули продолжува трендот на намалување на цените на храната и безалкохолните пијалаци, кои се пониски за 1,1 процент во однос на претходниот месец. Ова е од големо значење бидејќи храната има најголемо влијание врз семејниот буџет и животниот стандард на граѓаните. Овие податоци од надлежната институција, Државниот завод за статистика се потврда на политиките кои ги креира Владата предводена од ВМРО-ДПМНЕ. Бројките несомнено се позитивен сигнал за движењата во економијата. Владата предводена од ВМРО-ДПМНЕ продолжува да ги следи економските движења и да креира мерки во интерес на граѓаните и нивниот животен стандард. ВМРО-ДПМНЕТагови: ВМРО-ДПМНЕ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаСДСМ оддаде почит на македонските бранители кои загинаа кај КарпалакДелегација на СДСМ денеска положи цвеќе на спомен обележјето кај месноста Карпалак.Делегација на СДСМ предводена од заменик претседателката Фани Каранфилова Пановска, заедно организацискиот секретар Зоран Трифуновски и претседателот на ОО СДСМ Тетово, Жика Алексоски денеска положи цвеќе на спомен обележјето кај месноста Карпалак, и оддаде почит на македонските бранители кои загинаа кај Карпалак. Вечна им слава на Горан Миновски, Сашо Китаноски, Веби Рушитоски, Бранко Секулоски, Љубе Грујоски, Нане Наумоски, Ердован Шабаноски, Марко Деспотоски, Пеце Секулоски и на Дарко Велјаноски, армиските резревисти кои на 8 август 2001 година беа убиени кај месноста Карпалак. Тагови: СДСМ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
КултураКараванот со музичко-сценскиот спектакл „Силно светнал ден" по повод 35 години независност стига во Битола!Со големо задоволство споделуваме дека караванот со музичко-сценскиот спектакл „Силно светнал ден", по повод 35 години независност на Македонија, на 11 август пристигнува во Битола, на платото на Офицерски дом, со почеток во 20:30 часот.Преку музика, глума и танц, во форма на мултимедијален сценски спектакл, ќе биде раскажана приказната за 35 години независност на нашата татковина, истакнувајќи ги најзначајните историски моменти, подемите, предизвиците и достигнувањата од изминатите три и пол децении. Во пресрет на 8 Септември, кој годинава го одбележува големиот јубилеј – 35 години независност, ќе се реализира музички караван со настапи на познати македонски изведувачи и актери во 11 градови низ државата. Караванот започнува во недела (9 август) во Охрид, а потоа продолжува во Битола (11 август) и Велес (12 август). Во наредниот период ќе посети уште осум градови низ Македонија, носејќи ја празничната атмосфера поблиску до сите граѓани. Останатите градови ќе бидат дополнително објавени. Се гледаме на „Силно светнал ден", за заедно, на емотивен и спектакуларен начин да го започнеме одбележувањето на 35 години независност.Тагови: Силно светнал ден Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook