Полицијата за новинарите на „Независне новине“ не можела да потврди дека станува збор за силување, но изјавиле дека е снимен „инцидентот“ и дека истрагата е оценета како чувствителна поради заштита на малолетници.
На новинарско прашање дали во полиција е пријавен случај на наводно силување на момче од неколку врсници во приватен објект во Грачаница, ним им било кажано дека полициските службеници на Министерството за внатрешни работи во соработка со Кантоналното обвинителство на кантонот Тузла ги преземаат потребните мерки и дејствија во врска со настанот кој бил пријавен на 18 ноември.
„Со оглед на чувствителноста на истрагата и заштитата на малолетниците/децата - актери на споменатиот настан, не сме во можност да дадеме повеќе информации“, соопштија кусо од МВР.
Новинарите на „Независне новини“ не можеле да добијат никакви информации за овој настан од Кантоналното обвинителство.
Она што неофицијално го дознаваат и што не е потврдено од надлежните институции е дека се работи за деца на возраст од девет и десет години и дека настанот се случил во селското училиште, а од друга страна има информации дека настанот се случил во приватен објект. Наводно, три момчиња го силувале својот врсник со предмети.
Се споменува уште еден случај на силувана девојка за која што не може да се дознае ништо официјално.
Дека безбедносната состојба во Грачаница е загрижувачка говори и тоа што минатиот месец граѓаните имале средба со надлежните служби, институции на тема за подобрување на безбедноста во овој град. На средбата се разговарало и за врсничкото насилство.
„Во изминатиот период бевме сведоци на страшни настани кои се случија во нашиот град и кои нѐ загрижуваат. Имавме постара малолетничка избодена со нож на автобуска постојка, неколку примери на врсничко насилство, видеа кои кружат на социјалните мрежи во врска со овој неодамнешен случај и врсничко насилство во кругот на Средношколскиот центар, односно градскиот парк“, вели еден граѓанин.
Градоначалникот Нусрет Хелиќ вети дека ќе формира стручно работно тело со цел безбедносната состојба да се подигне на повисоко ниво, а побарана е и поголема вклученост на полицијата, Центарот за социјална работа и други институции.