Ужас во Берлин: Мајка си го фрлила бебето од трети кат во кошница за мачки

Мајката (41) наводно ја ставила својата едногодишна ќерка во корпа за мачки и ја фрлила низ прозорецот од третиот кат.

Сѐ се случило во една станбена зграда во Берлин. Инспекторите се сомневаат дека жената, родум од Чешка, била преморена, пренесува Билд.

Вчера околу 13 часот, тинејџер слушнал лелекање од корпа за отпадоци за мачки што лежела на земја зад куќа во областа Алтглиенике. Ја отворил корпата - и открил тешко повредено девојче.

21-месечното дете имало среќа бидејќи голема грмушка го ублажила нејзиниот пад од единаесет метри височина, веројатно спасувајќи ѝ го животот.

„Девојчето веднаш било пренесено во болница од страна на спасувачите со сериозни повреди од падот“, изјавил портпаролот на полицијата.

Според информациите на Билд, на детето ѝ биле скршени рацете и нозете, но од полицијата велат дека животот не ѝ е во опасност. Долгорочните последици од падот се уште не се предвидливи.

Службениците од Третата единица за убиства ја презеле истрагата. Брзо успеале да го најдат станот во кој живеело детето.

Според првичните сознанија, 41-годишната мајка во моментот на злосторството била сама во станот од 75 метри квадратни со својата мала ќерка и деветгодишно дете. Имале и бела мачка.

Инспекторите веруваат дека мајката се чувствувала обземена од нејзината ситуација и во очај го фрлила детето во корпата за мачка низ прозорецот. Жената не се изјаснила во полиција за обвиненијата.

Деветгодишното дете е под старателство на центарот за социјална работа.

Според информациите на Билд, тешко повреденото девојче е едно од петте деца на жената. Едно дете е веќе пораснато, додека четири се уште живеат со неа.

Според соседите, таа е самохрана мајка и била опишана како „многу мила и полна со љубов“ и „мајка за пример“.

Мајката требало денеска да се појави пред судијата, а попладнево обвинителството соопшти дека мајката ќе биде сместена во психијатриска установа поради сомнение за обид за убиство.

Видео: Унгарската фудбалска федерација се огласи за тешко повредениот репрезентативец

Фудбалскиот сојуз на Унгарија ја објави состојбата на Барнабас Варга, кој се здоби со тешка повреда на натпреварот против Шкотска на ЕУРО 2024.

Варга се повреди при судир со голманот на Шкотска Ангус Ган во 68. минута од натпреварот, а по тој судир Варга остана без свест.

Нему му била укажана помош на неколку минути, по што бил изнесен на носилки, опкружен со пехарници.

„Состојбата на Барнабас Варга е стабилна. Фудбалерот на Ференцварош моментално се наоѓа во болница во Штутгарт. Доколку има некаква вест за неговиот статус, веднаш ќе ве известиме“, соопштија од Унгарската фудбалска федерација.

Унгарија инаку на крајот го доби мечот од 3 коло во групата А и ги задржа шансите за пламсна во следната рунда. Шкотска е победена со голот на Кевин Чобот во 100. минута од натпреварот.

Градоначалникот Ѓорѓиевски на терен со екипите за расчистување на штетите по невремето

Градоначалникот Орце Ѓорѓиевски и екипите за расчистување на теренот по големото невреме што го зафати Скопје, а не ја поштеди ни општина Кисела Вода, вечерва активно работат на санација на штетите.

Како што истакна, немало премногу повици за интервенција, но секаде каде што е побарана помош, се реагира веднаш. Ги извести граѓаните дека и тој и екипите стануваат на терен и дека сите кои имаат проблем можат да го пријават на телефонските броеви 071391250 и 070259942.

-Драчево и околината на Кисела Вода денес ги зафати силно невреме проследено со обилни врнежи од град кои направија штета. Не голема, но доволно за интервенција. За среќа, имавме многу малку повици за поплавени домови и неколку паднати дрвја, каде што веднаш интервениравме!

За жал, не можеме да ги спречиме временските непогоди но можеме да бидеме рака под рака со граѓаните и заедно да го поминеме ова. Да ги санираме штетите и да делуваме таму каде што е најпотребно. Заедно со екипите сме на терен.

Сите служби се на располагање, вклучувајќи ме и мене и ве повикувам сите кои имате било каков проблем и потреба да се јавите на:

071391250 и 070259942-изјави градоначалникот Орце Ѓорѓиевски.

Христијан Мицкоски - претседател на Владата

Лидерот на ВМРО-ДПМНЕ Христијан Мицкоски, кој ќе ја предводи новата Влада, е роден во Скопје на 29.09.1977 година.

Мицкоски е на чело на ВМРО-ДПМНЕ од декември 2017 година.

Дипломирал, магистрирал и докторирал на Машински факултет во Скопје

Во периодот 2016-2017 година бил генерален директор и претседател на УО на АД Електрани на Македонија, а од 2015 до 2017 бил советник на Претседателот на Владата на Република Македонија за енергетика.

Од 2019 година е редовен професор на Машинскиот факултет во Скопје, а претходно бил вонреден професор, доцент, асистент и помлад асистент. Во 2021 и 2012 година работел во ФОНКО клима како главен и одговорен проектант на термотехнички инсталации.

Има објавено 35 меѓународни публикации и научни трудови, како и десетина домашни, автор е на триесеттина стручни апликации, а учествувал и во неклку меѓународни, развојни и научно-истражувачки проекти.

Добитник е шест меѓународни домашни признанија и награди.

Од компјутерски вештини познава AutoCAD, MATLAB/Simulink, Microsoft Visual C++.

Мајчин јазик му е македонскиот, а англискиот го познава одлично, а италијанскиот добро.

притисни ентер