Ужас на НАСКАР: Се обидел да скокне од запалено возило во движење, па се забил во ѕид (ВИДЕО) - Канал 5

Ужас на НАСКАР: Се обидел да скокне од запалено возило во движење, па се забил во ѕид (ВИДЕО)

Американската НАСКАР-ѕвезда Џордан Андерсон со хеликоптер е пренесен во болница со изгореници од втор степен, откако удри со своето запалено возило во заштитната ограда и излета низ прозорецот за време на Светската трка на камионети во Кампинг.

Ужас на НАСКАР: Се обидел да скокне од запалено возило во движење, па се забил во ѕид (ВИДЕО)

Андерсон го држеше четвртото место кога неговиот камионет се запали, а пожарот ја зафати и кабината. Возачот се обидел да излезе од запаленото возило преку прозорецот, па возилото излетало надвор од контрола на патеката полна со автомобили кои возеле брзо и на крајот удрило во оградата од гума. Во тоа време, Андерсон успеал да се наведне низ прозорецот доволно за да не се здроби во ударот, туку да го исфрли од камионот.

Возачот слетал на штитникот на пневматиците, а потоа паднал зад болидот на патеката. Набрзо пристигнала помош и со хеликоптер бил пренесен во болница во блискиот Бирмингем, Алабама, САД. За среќа поминал без посериозни последици и се јавил од болницата на социјалните мрежи.

„Завршив со изгореници од втор степен на вратот, лицето, десната дланка, рацете и двете колена. Вечерва ме пуштаат и лекарите велат дека сѐ ќе заздрави за неколку недели“, напишал Андерсон, заблагодарувајќи им се на сите за поддршката и велејќи дека тоа бил најстрашниот момент во неговата тркачка кариера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Првиот заменик-претседател на Владата Беким Сали оствари средба со амбасадорката на Кралството Данска

Министерот Сали изрази благодарност за континуираната поддршка што Данска ѝ ја дава на државата во спроведувањето на реформите и во процесот на пристапување кон Европската Унија.

Првиот заменик-претседател на Владата Беким Сали оствари средба со амбасадорката на Кралството Данска

Првиот заменик-претседател на Владата и министер за европски прашања, Беким Сали, денеска оствари работна средба со амбасадорката на Кралството Данска, H.E. Перниле Дахлер Кардел, на која беа разгледани билатералните односи меѓу двете земји, процесот на европска интеграција на Република Северна Македонија и можностите за продлабочување на соработката во области од заеднички интерес.

Министерот Сали изрази благодарност за континуираната поддршка што Данска ѝ ја дава на државата во спроведувањето на реформите и во процесот на пристапување кон Европската Унија.

Соговорниците разменија мислења и за актуелните регионални и европски случувања, како и за важноста од зајакнување на партнерската соработка во насока на промовирање на стабилноста, безбедноста и просперитетот.

На средбата беше потврдена заедничката заложба за понатамошно унапредување на пријателските односи и блиската соработка меѓу Република Северна Македонија и Кралството Данска.

Кабинет на министерот за европски прашања

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ОЈО ГОКК: Сите осомничени во предметот за ФФМ се обезбедени

Основното јавно обвинителство за гонење организиран криминал и корупција информира дека се обезбедени сите пет лица кои им беа недостапни на органите на прогонот во врска предметот за проневера од речиси три милиони евра за Фудбалската федерација

ОЈО ГОКК: Сите осомничени во предметот за ФФМ се обезбедени

На еден од осомничените, судија на претходна постапка вчера му одредил мерка притвор, а втор доби мерки за обезбедување.

Од обвинителството денеска соопштија дека на другите двајца осомничени им се одредени мерки на претпазливост, а на последниот му е одредена мерка куќен притвор.

Минатата недела основниот кривичен суд скопје им одреди 30-дневен притвор на три лица, меѓу кои и на поранешниот претседател на ФФМ, Илчо Ѓорѓиоски, петмина добија куќен притвор, а четворица мерки на претпазливост во рамки на истрагата за финансиски манипулации и криминал во ФФМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Огњеновиќ: 2 години Влада на Мицкоски: Изгубени години за младите, изгубена надеж

Поминаа две години од владеењето на Мицкоски и ВМРО, младите загубија години и загубија надеж.

Огњеновиќ: 2 години Влада на Мицкоски: Изгубени години за младите, изгубена надеж

Во Платформата 1198, Мицкоски и ВМРО ветуваа намалување на иселувањето, подобар животен стандард, задржување на младите во државата и дури 70.000 нови работни места.

Ветуваа поддршка за образование, домување, претприемништво и конкретни мерки што ќе им помогнат на младите да останат и да ја градат својата иднина дома.

По две години, нема ништо од тоа. Ги излажаа младите!

Мицкоски им ја украде иднината. Го блокираше европскиот пат на Македонија

Наместо надеж, младите добија неизвесност и изолација.

Наместо перспектива, добија разочарување.

Затоа денес секој трет млад човек размислува да ја напушти државата.

Не затоа што не ја сака Македонија.

Туку затоа што не гледа иднина во политиките на оваа власт.

Мицкоски прво ги повикуваше младите да се врателе во Македонија, за веднаш потоа да им каже дека ќе ги менува за „економски работници“.

Вистината е дека Платформата 1198 е една голема лага. Во реалноста на младите им останаа само разочарувањето.

YouTube video

Прес конференција, Петар Огњеновиќ – СДММ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер