Македонија

Утре претпладне посмртните останки на 45-те загинати патници ќе пристигнат од Бугарија

Посмртните останки на 45те загинати македонски државјани во автобусот на Беса Транс во Бугарија утре ќе бидат пренесени во Македонија.

Телата, како што соопшти бугарскиот амбасадор во земјава Ангел Ангелов, ќе се транспортираат со два воени авиони.

„Бугарската страна ќе обезбеди два воено - транспортни авиона со кои утре изутрина ќе бидат транспортирани останките на загинатите во сообраќајната несреќа.

По пристигнувањето на скопскиот аеродром, преку организиран државен протокол поворката ќе се движи низ главниот град. Ќе помине по булеварот покрај плоштадот Скендербег, каде граѓаните ќе можат да оддадат последна почит и да положат цвеќе.

Дека идентификацијата на телата на 45-те жртви, меѓу кои 12 се деца е завршена, потврди денеска и заменик-главниот обвинител Борислав Сарафов. Специјален камион претпладнето пристигна пред зградата на Судска медицина во Софија за да ги земеостанките и утре да ги пренесе до аеродромот. Но, бугарските медиуми регистрираа и непријатна слика, кога возилото заглави во преминот пред самиото бјект.

И додека се чекаат резултатите од истрагата за причините за несреќата, во бугарската јавност продолжува дебатата околу безбедноста на патот Струма каде се случи трагедијата за кој министерката за регионален развој Виолета Комитова откри дека не бил автопат. Денеска од Европскиот центар за транспортни политики обелоденија дека уште пред два месеци го известиле министерството на Комитова за состојбата на патот за кој алармираат дека се уште е опасност за возачите.

„Ние го известивме Министерството за регионален развој со Извештај кој го подготвивме на 10 октомври за состојбата на тој пат, и за тоа колку тој е опасен. Еве ја таа банкина која била на првобитното место. Три дена покасно како резултат на удари таа е преместена овде. Ова нешто било овде, некаков бетонски блок, кој три дена подоцна е преместен овде. До денеска не добивме одговор за известувањето. Тој пат е исклучително опасен. Недостасува точна организација на движењето која ќе ги предупреди возачите дека од едната лента треба да преминат во другата лента. Недостасува специјално портокалово одбележување и недостасуваат соодветните патни знаци.

Ист е ставот и на невладиниот бугарски Институт за безбедност на патиштата според кој банкините не ги исполнуваат денешните стандарди за што побара меѓународна ревизија на патиштата.

„Банкината е удрена на многу места и треба да биде поправена. Но и самата поправка не е направена квалитетно. Можеме да видиме и од самите снимки и на неколку места од столпчињата кои на неколку места се удрени толку лошо што се искривени што таква банкина не може да задржи никаков удар.

Од Институтот додаваат и дека на кобната делница Струма недостасуваат знаци и има оштетени ознаки.

Живот

Потрошил 14.000 евра за да стане куче, а сега повторно шокира со новиот кучешки костум (ВИДЕО)

Претходно пишувавме за Јапонец, кој се крие зад прекарот Токо.

Тој потрошил повеќе од 14.000 евра на костим за куче, со цел да го исполни детскиот сон и да го запознае светот од перспектива на животното.

Сега тој повторно го шокира светот, откако претстави хиперреалистичен костим на маламут од Алјаска што му овозможува да прави „нови трикови“.

Потсетуваме, Јапонците ангажираа експерти од компанијата „Цепет“ на кои им биле потребни 40 дена за реализација на проектот.

Му дале импресивен костим на овчарско куче со густо крзно и анатомски исправни екстремитети, но неговата глава била „најслабиот“ елемент.

Сега Токо претстави нова инвестиција, а костимот од Alaskan Malamute изгледа импресивно, со можност за движење на опашката и устата, пренесува Oddity Central.

Тој признава дека ја крие својата страст од пријателите, семејството и колегите на работа, плашејќи се од суд, но не планира наскоро да се откаже од хобито.

Ако ништо друго, се чини дека тој е сѐ повеќе и повеќе опседнат со кучешкиот живот секој ден.

Живот

„Жешката“ полицајка која му играше во скут на шефот доби отказ, но не за снимката (ВИДЕО)

Њујоршката полицајка Вера Мекали (26) се најде во центарот на вниманието на јавноста откако беше објавено видео на кое таа танцува во скутот на тогашниот шеф.

Оттогаш поминаа три години, а жената сега е отпуштена - од други причини, објави Дејли Стар.

По жешкото видео од забавата, Вера продолжи да работи во службата, а нејзиниот шеф бил префрлен на ново работно место.

Сепак, иако не добила отказ, по две години од егзотичното танцување, Вера била суспендирана поради мешање во апсењето на нејзиниот девер кому се обидела да му помогне кога бил запрен поради возење во пијана состојба.

Вера ги нападна полицајците од Њу Џерси затоа што го фатиле, велејќи дека „не ја завршиле добро работата“.

Како што пренесуваат американските медиуми, таа боса втрчала во станицата и врескала дека е полицајка.

Таа барала да ѝ кажат зошто мажот е уапсен.

Истрагата покажала дека полицајците направиле сѐ по протокол, а Вера била исфрлена од полициските сили.

„Тато, згрешив, се срамам што те посрамотив тебе и семејството“, му рекла Вера на својот татко и додала дека сѐ „требало да биде шега“.

„Не бев свесна дека му ја уништив кариерата, сега изгледа како лош човек, извини“, рекла поранешната полицајка.

Свет

Во куќата на нацистички лидер се пронајдени човечки остатоци- сите немаат шаки и стопала

Група аматерски истражувачи пронашле коски од пет луѓе во куќа која некогаш му припаѓала на еден од најблиските соработници на Хитлер - Херман Геринг.

Остатоците се пронајдени во трошна зграда во близина на поранешното седиште на Адолф Хитлер, Волчјо дувло, во денешна Полска, пренесува Der Spiegel.

Во густо пошумена област покриена со бункери, националсоцијалистите изградиле добро обезбеден квази-мал град за нивното раководство - вклучувајќи кино, чајџилница и противвоздушни станици.

Речиси 80 години подоцна, Волчицата била обрасната со плевел и природата ги „голтнала“ куќите, а се верувало дека урнатините на куќата што некогаш ја користел Геринг биле добро истражени. Меѓутоа, кога археолози аматери од Полска и Германија почнале да бараат под дрвениот под, ископале човечки череп на длабочина од десет сантиметри.

Веднаш повикале полиција, но немало докази дека таму е извршено неодамнешно злосторство. Тогаш тимот истражувачи, предводен од Октавијан Бартошевски, почнал да копа понатаму. Како што пишува Der Spiegel, пронајдени се останките на уште три лица, тинејџер и бебе.

„Можеби се работи за семејството кое било погребано во куќата на Геринг, пишува Der Spiegel.

Засега не е јасно чии се посмртните останки. Можно е дека остатоците веќе биле таму за време на изградбата на куќата, како што знаел фелдмаршалот Рајх. Меѓутоа, можно е и овие луѓе да дошле во Волчицата по завршувањето на Втората светска војна.

Полското јавно обвинителство сега сака да утврди дали масовното убиство има врска со нацистите.

Она што ги загрижува сите е тоа што на сите скелети им недостасуваат шаки и стопала. Постои можност коските да изгниле во текот на децениите, но и некој да им ги отсекол екстремитетите.