Тука не се очекуваат некои поголеми поместувања, со оглед на тоа што е потребно само просто мнозинство, но утрешното гласање ќе биде индикатор за позиционирањето на осумината пратениците од независната пратеничка група на ВМРО-ДПМНЕ, чија поддршка стана незивесна по приведувањата на неколкумина поранешни функционери од ВМРО-ДПМНЕ. Премиерот Заев пак очекува дополнителна поддршка за уставните амандмани во финалната фаза. Предвидува заокружување на процесот до средината на јануари.
„Нацрт амандманите беа јавно објавени и беа дадени одредени сугестии, што помагаат многу и на Владата како овластен предлагач. Во следната фаза верувам дека постои можност и многу други пратеници да ги поддржат конечните амандмани, затоа што некои најавија дека еден дел од тоа е прифатливо. Грција нема проблем со тоа што се сугерира, барем во еден дел“, изјави Заев.
Процесот за промена на уставот започна на 19 октомври, кога две третини од праламентарниот состав, односно 80 пратеници дадоа поодршка за пристапување кон отворање на највисокиот правен акт. Две недели подоцна, на 2-ри ноември владата изготвените нацрт амандмани ги достави до собранието. Претресот по нив во собраниските комисии започна на 7-ми и траеше до 11 ноември. Се одвиваше пралелно и во законодавно правната и во комисиајта за уставни прашања, и заврши за пет дена, наместо предвидените 12 според собранискиот деловник. Спикерот Џафери веднаш по доствувањето на нацрт-амандманите во обранието ја закажа пленарната за 1-ви декември.
19-ТИ ОКТОМВРИ – СОБРАНИЕТО ПРИСТАПУВА КОН ОТВОРАЊЕ НА УСТАВОТ
2-РИ НОЕМВРИ – ВЛАДАТА ГИ ОДСТАВУВА НАЦРТ УСТАВНИТЕ амандмани ДО СОБРАНИЕТО
ОД 7-МИ НОЕМВРИ ДО 11-ТИ НОЕМВРИ - КОМИСИЈАТА ЗА УСТАВНИ ПРАШАЊА ЗАКОНОДАВНАТА-ПРАВНАТА КОМИСИЈА РАСПРАВААТ ПО ПРЕДЛОЖЕНИТЕ НАЦРТ АМАНДМАНИ (РАСПРАВАТА ИСЦРПЕНА ЗА 5 ДЕНА, НАМЕСТО ПРЕДВИДЕНИТЕ 12 ДЕНА СПОРЕД СОБРАНИСКИОТ ДЕЛОВНИК )
1-ВИ ДЕКЕМВРИ УТВРДУВАЊЕ НА НАЦРТ УСТАВНИТЕ АМАНДМАНИ
ОД 3-ТИ ДО 8-МИ ДЕКЕМВРИ ДЕКЕМВРИ – РАСПРАВА ПО НАЦРТ УСТАВНИТЕ АМАНДМАНИ
0Д 8-МИ ДО 13-ТИ ДЕКЕМВРИ – ЈАВНА ДЕБАТА ЗА НАЦРТ УСТАВНИТЕ ИЗМЕНИ (СПОРЕД СОБРАНИСКИОТ ДЕЛОВНИК МАКСИМАЛНИОТ РОК Е 12 ДЕНА, ПО 3 ДЕНА РАСПРАВА ЗА СЕКОЈ ОД ЧЕТИРИТЕ АМАНДМАНИ)
ОД 13-ТИ ДО 15-ТИ ДЕКЕМВРИ – ВЛАДАТА ИМА РОК ЗА ДОСТАВУВАЊЕ НА ИЗВЕШТАЈ ОД ЈАВНАТА ДЕБАТА ДО СОБРАНИЕТО
15-ТИ ЈАНУАРИ – ПЛЕНАРНА СЕДНИЦА ЗА УСВОЈУВАЊЕ НА УСТАВНИТЕ ИЗМЕНИ (СПОРЕД ДЕЛОВНИКОТ 30-ДЕНА РОК ЗА ОД ДОСТАВУВАЊЕТО НА ПРЕДЛОГ АМАНДМАНИТЕ ДО ОДРЖУВАЊЕ НА ПЛЕНАРНА СЕДНИЦА ЗА НИВНО УСВОЈУВАЊЕ)
Очекувањата на собранискиот спикер Талат Џафери се втората фаза од уставните измени да заврши до најдоцна до 18-ти декември. Џафери очекува пленарната седнциа на која ќе се разгледуваат четирите нацрт амандмани поединечно да заврши побрзо од законски предвидениот рок од 12 дена, односно расправата да заврши за трае околу 5 дена, колку што треше и на собраниските комисии.
По усвојувањето на амандманите предлагачот на уставните измени - Владата треба да организира јавна расправа од пет дена, по што има два дена да подготви извештај и да го достави до Собранието. Џафери потоа е должен во рок од 30 дена да закаже седница за финално носење на предлог-амандамните. Конечната одлука за нивно усвојување се носи со најмалку 80 гласа, а за амандманот на преамбулата освен двотретинско, е потребно и Бадентерово мнозинство.