На неверојатната снимка која кружи на интернетот може да се види жена чиј телефон во моментот додека со него го снима невремето ја удира гром. Шанса да се случи такво нешто изнесува еден наспрема 700 000, а тоа да случи додека го држите телефонот во рака е уште помала.
Меѓутоа Трејси Кулоул во Шкотска го доживеала токму тоа додека од прозорот во нејзиниот стан го снимала невремето. Силата на молњата и го избила мобилниот телефон од рака, но тој и понатаму продолжил да снима.
Во заднината на снимката се слуша како Трејси неколку пати повторува дека ја удрил гром.
-Се обидував да го снимам невремето надевајќи се едека ќе фатам некоја молња, но не помислував дека громот ќе удри во мене. Громот удри во продолжението за држење на маската на мојот телефон. Мислам дека тоа ми го спаси животот, зошто инаку телефонот ќе експлодираше.
Додала и дека не се здобила со повреди и дека децата и пријателите кои во тој момент биле со неа се добри.
-Експлодираше само сијалица во кујната. Немате поим колку е силен громот, се уште чувствувам болка од малиот прст до лакотот. Кога удри, изгледаше како некоја силна сина светлина. Животот ми помина пред очите, го фрлив телефонот и почнав да паничам“, кажала Трејси.