„Мислам дека би било позитивна мерка доколку клиентите имаат многу поголем број потврди“, рече 48-годишниот Мануел Хорхе Алвеш, сопственик на традиционален португалски ресторан во Лисабон.
„Но, сега ги имаат само 2 милиони Португалци, тоа е еден од пет, и немаме побарувачка од туристите затоа што патувањето е ограничено“, додаде тој.
Од вчера во Португалија, оние кои сакаат да јадат во барови во 60 општини со голем број на заразени, прво мора да пкажат потврда за вакцинација, негативен тест за коронавирус или доказ дека прележале ковид-19.
Клиентите во рестораните мораат да користат европски дигитален сертификат за ковид, пренесува Ројтерс.
Таа држава со 10 милиони луѓе вчера имала 3.162 нови случаи на инфекција со коронавирус, со шест смртни случаи, бројки слични на минатиот февруари кога државата беше под општ карантин.
Според сегашните мерки, рестораните во ризичните области треба да се затворат во 22:30 часот и да го ограничат бројот на луѓе на масите на шест надвор и четворица внатре.