Тибет е регион во централна Азија кој се наоѓа на Тибетската висорамнина. Традиционално, неговата територија била поделена на провинциите У-Тсанг, Кам и Амдо. Во различни периоди од историјата, тој бил или независна држава, или територија во рамките на Монголската империја или вазална земја на Кина. Дури во 1984 година Тибет беше отворен за оние што сакаат да се нурнат во атмосферата на оваа древна култура и да ги допрат нејзините тајни.
Тибет отсекогаш привлекувал со својата мистерија. Младешкиот изглед на тибетските монаси е нешто кон кое се стремат милиони луѓе ширум светот. Нивниот душевен мир е нешто на кое сите се восхитуваат. Со децении проучувајќи ги нивните навики, исхрана и начин на живот, луѓето се обидуваат да проникнат во тој еликсир на младоста. Тоа всушност не е никаква мистерија, туку прилагодување на животот во хармонија со природата.
Младоликоста на тибетските монаси главно зависи од правилниот внес на храна. Тие ги пресметуваат порциите, секој според своето тело, земајќи ја предвид висината и тежината. За нив најважно е да не се прејадуваат, бидејќи тогаш може да се појави проблем како вишок килограми и метаболички нарушувања. Во исхраната, тие претпочитаат нискокалорична храна богата со витамини. Исхраната во манастирот е аскетска: претежно јадат ориз и зеленчук со тибетски леб. Главен напиток на монасите е тибетскиот чај во кој се додава сол и млеко. Тој рецепт е стар повеќе од 1.400 години и без разлика на неговиот специфичен вкус, тој е многу хранлив и совршено ја гаси жедта.
Тибетските монаси го започнуваат денот во 6 часот наутро. Главен ритуал по спиењето е искачување на врвот на падината, каде се поздравуваат со сонцето и читаат молитви. Потоа следува полевање со ладна вода и физички вежби кои помагаат во зајакнување на имунолошкиот систем.
Откривањето на можностите на човечкото тело и процесите што се случуваат во него се составен дел од знаењето на источните аскети. Едно од правилата до кои се придржуваат е тоа што месото не го мешаат со храна која има високо ниво на јаглехидрати. Од научна гледна точка, таквата храна се вари многу долго, па комбинацијата на таквите состојки во една порција ќе биде доста енергична за телото, што последователно доведува до прекумерна поспаност и зголемување на желудникот.