Официјалните лица на Светската здравствена организација соопштија дека бројот на дневни случаи на инфекција со коронавирус, пријавени надвор од Кина, го надмина бројот на заразени во земјата од која потекнува смртоносниот вирус.

Коронавирусната инфекција сега е забележана на сите континенти, освен на Антарктикот.

Вирусот досега уби најмалку 2.800 луѓе во светот, повеќето во Кина.

На глобално ниво, има повеќе од 82,000 случаи на инфекција со коронавирус.

Според „Гардијан“, коронавирусот ќе го чини светскиот туризам околу 22 милијарди долари. Односно, ќе има толку многу загуба поради намалената потрошувачка од кинеските туристи.

Ова се проценки на шефот на британскиот Светски совет за туризам.

Бројот на заразени лица во Швајцарија се зголеми на шест. Двете неодамна заразени лица се жени кои неодамна престојувале во северна Италија, пренесува Ројтерс.

Заменик-министерот за здравство на Италија, Пјерпаоло Силери, рече дека Италија не планира да ги затвори своите граници.

„Мислам дека не постои причина за тоа , особено затоа што погодените области се добро изолирани“, рече тој.

Трговците кои наплатуваат неверојатно високи цени за маски за лице и други производи што се рекламираат како заштита од коронавирус на интернет, се соочуваат со кривични пријави во Италија.

Финансиската полиција денеска објави дека открила луѓе што продаваат маски за лице по цена од 5.000 евра.

Покрај тоа што се надуени на неверојатни нивоа, продавачите на интернет лажно тврдат дека нивните производи нудат „целосна заштита“ од коронавирус.

Во меѓувреме, во Кремона, лоцирана во близина на црвената зона во северна Италија, немаат каде да ги сместат пациентите.

„Не знаеме каде да ги сместиме пациентите“; изјави медицинско лице за весникот Кориере дела Сера.

Велат дека бројот на пациенти постојано се зголемува и дека интензивната нега веќе не е достапна. Затоа, голем дел од пациентите биле пренесени во болниците во Павија и Милано.

Италијанските власти соопштија дека уште двајца починале од коронавирус.

Официјалните бројки за Италија сега гласат: 14 мртви, со вкупно 528 пациенти , од кои 282 во моментов се болни.

Австрија објави дека е потврден првиот случај на инфекција со коронавирусна инфекција во Виена, која, по двете заразени лица во Тирол, е трет случај на инфекција со вирусот во земјата.

„Станува збор за 72-годишник ставен во карантин во болницата „Рудолфстифтунг“ веќе десет дена и по позитивниот тест беше префрлен во изолиран оддел во специјалната болница, потврди градскиот советник Питер Хакер на прес-конференција во Градското собрание на Виена.

Медиумите објавија дека заразеното лице било во Италија, каде најверојатно се заразил.