Ураганот Мелиса ја погоди Куба откако ја опустоши Јамајка - Канал 5

Свет

Ураганот Мелиса ја погоди Куба откако ја опустоши Јамајка

Ураганот Мелиса денеска ја погоди Куба, предизвикувајќи големи поплави и принудувајќи на евакуација повеќе од 735.000 луѓе, само неколку часа откако моќната бура го погоди островот Јамајка.

Ураганот Мелиса ја погоди Куба откако ја опустоши Јамајка

Видеата на социјалните мрежи покажуваат жители како газат низ вода длабока речиси до колена во нивните домови, додека улиците се претворени во реки, пренесе ДПА.

- Исклучително опасната бура од трета категорија се придвижи навнатре кон југоисточната провинција Сантијаго де Куба, откако рано утрово удри на копно, соопшти Националниот центар за урагани на САД (НХЦ).

НХЦ предупреди на опасност по живот и потенцијално катастрофални поројни поплави со бројни одрони на земјиште.

Кубанските власти сè уште не пријавиле жртви, но целосниот обем на штетата на островот со 10 милиони жители допрва ќе се утврдува како што одминува денот.

Мелиса ја погоди Куба откако во вторникот ја опустоши Јамајка како ураган од петта категорија, проследен со ветрови до 295 километри на час, големи бранови и поројни дождови.

Ветровите оттогаш ослабеа, но на жителите им беше советувано да останат во затворени простории до изгрејсонце, соопшти НХЦ.

Владата на Јамајка го прогласи островот за зона на катастрофа по предизвиканата штета, вклучувајќи ги и болниците, мостовите и електричната инфраструктура, при што повеќе од 530.000 домаќинства останаа без електрична енергија.

Медиумите известуваат за срамнети домови и поплавени улици. Сè уште не се потврдени смртни случаи, а целосниот обем на уништувањето останува нејасен, дури и часови по ударот на ураганот.

YouTube video

Тагови: Јамајка куба Мелиса

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер