Управниот Суд одлучи во полза на Владата на Македонија и ја поништи одлуката на ДКСК - Канал 5

Македонија

Управниот Суд одлучи во полза на Владата на Македонија и ја поништи одлуката на ДКСК

Оваа одлука на Управниот суд доаѓа по поднесениот приговор на ВМРО-ДПМНЕ и Коалицијата „Обнова за Македонија" во врска со објавениот „Оглас за финансиска поддршка на здруженија и фондации за мерки со справување со КОВИД-19 кризата"

Управниот Суд одлучи во полза на Владата на Македонија и ја поништи одлуката на ДКСК

Управниот Суд одлучи во полза на Владата на Македонија и ја поништи одлуката на ДКСК по приговорот на ВМРО-ДПМНЕ и Коалицијата „Обнова за Македонија" во врска со Програмата за финансиска поддршка на здруженија и фондации за мерки со справување со КОВИД-19 кризата.


Во името на граѓаните на Република Македонија Управниот суд на седница одржана на 17 јули, решавајќи по тужбата на тужителот Генерален секретаријат на Влада на Република Македонија преку д-р Драги Рашковски, генерален Секретар на Владата, донесе и јавно ја објави пресудата со која ја уважи тужбата на тужителот Влада на Република Македонија - Генерален секретаријат, и ја поништи одлуката на Државната комисија за спречување на корупцијата како неоснована со што приговорот на ВМРО-ДПМНЕ и Коалицијата „Обнова за Македонија" поднесен од овластен потписник Игор Јанушев од Велес на 07 јули 2020 година до Државна комисија за спречување на корупцијата го одби како неоснован.

Оваа одлука на Управниот суд доаѓа по поднесениот приговор на ВМРО-ДПМНЕ и Коалицијата „Обнова за Македонија" во врска со објавениот „Оглас за финансиска поддршка на здруженија и фондации за мерки со справување со КОВИД-19 кризата", и со потпишување на договори за финансиска помош за исплати на средства од Буџетот на Република Македонија, во период на изборна кампања за предвремени избори за избор на пратеници во Собранието на Република Северна Македонија.

Во образложението на Управниот суд во врска со отфрлањето на одлуката на ДКСК и на приговорот на ВМРО-ДПМНЕ и Коалицијата „Обнова за Македонија" се наведува дека во конкретниот случај се извршило исплата на средства од Буџет на РСМ, за кое нешто биле донесени одлуки и Програма за давање на финансова поддршка, во вонредна состојба, а исплатата претставувала само реализација на овие одлуки и програми, видно од приложените договори, и дека е ирелевантно дали исплатата е направена пред изборите од 15 јули 2020 година.

Дополнително, Управниот Суд во образложението истакнува дека согласно член 9 став 1 од Уредбата со законска сила за прашања поврзани со изборите за пратеници во Собранието на Република Македонија на 15 Јули 2020 година (објавена во „Службен весник на РСМ" бр.160/2020 од 15.06.2020 година) од денот на влегувањето во сила на оваа уредба со законска сила па се до денот на престанокот на траењето на вонредната состојба не се применуваат членовите 8-а, 75-г, 75-д и 84-а од Изборниот законик, како и членот 34 од Законот за спречување на корупција и судир на интереси.

Целта на извршување на договорите, образложува Управниот суд, е пред сѐ давање помош на тие кои им е потребна, финансова поддршка заради постоење на светска криза заради пандемијата од КОВИД-19 за што биле приложени докази дека се испочитувани сите процедури од страна на Генералниот секретаријат на Владата на РСМ, а датата на исплатата не е спорна за судот, односно пораното исплаќање значи побрза финансова помош во условите на пандемијата.

Сектор за односи со јавноста
Генерален секретаријат

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Политичарка со градите привлекува внимание на СП: Такви сме ние Мексиканките (ВИДЕО)

Мексиканската политичарка Сандра Куевас го привлече вниманието на Светското првенство, каде таа и другите навивачи го прославија преминот на нејзината репрезентација во нокаут фазата.

Политичарка со градите привлекува внимание на СП: Такви сме ние Мексиканките (ВИДЕО)

Мексико се пласираше со победи против Јужна Африка (2:0) и Јужна Кореја (1:0), а 40-годишниот Куевас уживаше во турнирот и во славеничката атмосфера.

Политичарката го привлече вниманието на социјалните мрежи откако позираше со другите навивачи на мексиканската репрезентација во провокативна облека со длабоко деколте и разголени гради. Многу нејзини следбеници го коментираа нејзиниот изглед, а некои ја споредија со познатата манекенка Мар Кастро, која светската слава ја стекна за време на Светското првенство во Мексико во 1986 година.

Смешен одговор од политичарката

Куевас на хумористичен начин се осврна на медиумската бура. „Што да правам, не можам само да се соблечам“, изјави таа. „Не го гледам тоа како напад. Ќе има и такви кои ќе го сметаат за навредливо, но такви сме ние Мексиканците“, додаде таа.

Политичарката реши да се насмее со коментарите и да продолжи да ужива во атмосферата со другите фанови. Таа на социјалните мрежи сподели и видео составено од клипови на кои позира со мексиканските фанови.

Поддршка на социјалните мрежи

Нејзиниот опуштен пристап наиде на одобрување и поддршка на социјалните мрежи, каде многумина ја пофалија дека добро се забавувала. „Тоа е како кога учениците ќе дознаат дека и наставниците се луѓе надвор од училиштето“, напишал еден корисник. „Изгледа неверојатно, подобро оставете ја на мир“, додаде друг.

Помеѓу коментарите имаше и такви: „Жените нека бидат жени, добога“, додека еден следбеник додаде: „Ни требаат повеќе вакви политичарки“.

Која е Сандра Куевас?

Сандра Ксантал Куевас Ниевес беше градоначалничка на областа Куахтемок во Мексико Сити од 2021 до 2024 година.

Нејзиниот мандат беше проследен со бројни афери. Уште во 2022 година, таа беше привремено суспендирана по обвинувањата за злоупотреба на положбата и конфликт со двајца полицајци. Куевас тврдеше дека тоа е политички мотивиран прогон, а таа подоцна се врати на својата функција.

Во последниве години, таа беше под лупа и поради нејзините наводни врски со луѓе од криминалното милје. Особено внимание привлече нејзината врска со Алехандро „Ел Чока“ Мендоза, за кој мексиканските медиуми пишуваат дека е поврзан со криминалната група Ла Чокиза. По неговото апсење во 2025 година, се појавија заеднички фотографии и видеа.

Куевас призна дека се во врска, но рече дека не е нејзина одговорност да ја проверува позадината на нејзините партнери. Дополнителна полемика предизвика апсењето на нејзиниот телохранител Антонио „Ел Тоњо“ Ваљехо под обвинение за изнуда.

Куевас моментално работи како координатор на Мексико Сити за политичкото движење Мексико Нуево, кое таа и нејзината организација се обидуваат официјално да го регистрираат како политичка партија.

Тагови: градите политичарка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Ердоган нареди продолжување на преговорите за повторно отворање на православната катедра

Турскиот претседател Реџеп Таип Ердоган им нареди на турските власти да ги продолжат разговорите за повторно отворање на православната теолошка семинарија која работеше во близина на Истанбул до 1971 година.

Ердоган нареди продолжување на преговорите за повторно отворање на православната катедра

Турскиот претседател Реџеп Таип Ердоган им нареди на турските власти да ги продолжат разговорите за повторно отворање на православната теолошка семинарија која работеше во близина на Истанбул до 1971 година, објавија американските медиуми, наведувајќи го американскиот претседател Доналд Трамп како причина.

Семинаријата Халки, основана во 1844 година и затворена од турската држава во 1971 година, играше централна улога во Источната православна црква како главно теолошко училиште на Вселенската патријаршија, објави NBC News.

Семинаријата образувала генерации православни свештеници, вклучувајќи го и сегашниот Вселенски патријарх Вартоломеј.

Доналд Трамп, кој треба да ја посети Анкара следниот месец за самит на НАТО, го покрена прашањето за време на разговорите со Ердоган во Вашингтон минатата година.

Турција долго време е под притисок од Грција, САД и Европската Унија да го отвори повторно теолошкото училиште на островот Хејбелијада во близина на Истанбул.

Митрополитот Халкедонски Емануел, чија епархија го вклучува Истанбул, рече дека решавањето на проблемот влегло во нова фаза откако Ердоган ѝ нареди на Турската администрација за високо образование да ги продолжи разговорите со одборот на Патријаршијата.

Тагови: Ердоган

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кит Урбан за прв пат по разводот јавно ѝ се обрати на Никол Кидман

Ѕвездата на кантри музиката Кит Урбан испрати емотивна роденденска порака до својата поранешна сопруга, актерката Никол Кидман, во својата прва јавна порака по нивниот развод.

Кит Урбан за прв пат по разводот јавно ѝ се обрати на Никол Кидман

Урбан сподели едноставна порака во својата приказна на Инстаграм: „Среќен роденден, Никол Мери!“

Средното име на актерката, Мери, го привлече вниманието на јавноста бидејќи ѝ даде на пораката поличен и поинтимен тон.

Ова е прв пат Кит Урбан јавно да зборува со својата поранешна сопруга по нивната разделба.

Неговата порака доаѓа само неколку дена откако странските медиуми ја поврзаа Никол Кидман со наводен нов партнер, познат бизнисмен. Според некои портали, двајцата одржуваат дискретна врска подалеку од очите на јавноста со месеци.

Извори тврдат дека врската се развива тивко и без медиумско внимание, додека актерката и наводниот партнер се обидуваат да го задржат својот приватен живот приватен.

Никол Кидман и Кит Урбан се разделија во септември 2025 година, по речиси две децении брак, а нивниот развод официјално беше финализиран во јануари во Нешвил, Тенеси.

Поранешната двојка има две деца - Сандеј Роуз Кидман Урбан (родена 2008 година) и Фејт Маргарет Кидман Урбан (родена 2010 година преку сурогат мајка).

Во меѓувреме, медиумите претходно објавија дека актерката била поврзана со Пол Салем, претседател на одборот на директори на MGM Resorts International, но овие обвинувања подоцна беа ублажени со тврдењето дека тие не биле во врска.

Кит Урбан привлече внимание и претходно оваа година на црвениот тепих на доделувањето на наградите ACM во Лас Вегас, каде што настапи сам, но обожавателите забележаа тетоважи посветени на Никол Кидман, вклучувајќи го и натписот „Мери“ на неговите прсти, како и други симболи на нивната долгогодишна врска.

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер