Како што јави дописникот на МИА од Брисел, предвидено е Муцунски во седиштето на Европската комисија да се сретне со првиот човек на Генералниот директорат за соседство и пристапни преговори (НЕАР), Герт Јан Копман.

Покрај ова, Муцински ќе го посети и Европскиот парламент, каде ќе има средби со претседателот на Комитетот за надворешни работи, германскиот европратеник Дејвид Мекалистер и со членовите на овој Комитет, бугарскиот европратеник Илхан Ќучук, кој е и негов известувач за земјава, и холандската европратеник Тинeке Стрик, која е и членка на Делегацијата на Мешовитиот парламентарен комитет ЕУ-Северна Македонија.

Муцунски вчера во седиштето на Алијансата во Брисел се сретна со генералниот секретар на НАТО, Јенс Столтенберг, по што изјави дека земјава како членка на НАТО мора да биде одговорна, посебно во период на сложен геополитички контекст на европскиот континент, потврдувајќи ја посветеноста за исполнување на обврската за издвојување на средства до Буџетот за одбраната на ниво од најмалку два процента од националниот БДП.

Муцунски изрази задоволство од средбата со Столтенберг, која ја оцени како позитивна и срдечна и на која ги потврдил заложбите на новата Влада, поврзани со нашето членство во НАТО, како и поддршката на политиката за одбрана и одвраќање и на континуираната поддршка на Украина.

Шефот на дипломатијата додаде дека со Столтенберг разговарале и за претстојниот Самит на НАТО во Вашингтон на кој ќе се одбележат 75 години од формирањето на Алијансата.

- Планираме активно учество каде што ќе се носат клучни одлуки поврзани со иднината на Алијансата и ние секако ќе бидеме активен чинител во придонесувањето на тие идни политики, додаде Муцунски.

Тој потенцира дека покрај стопроцентната усогласеност на земјава со заедничката надворешна и безбедносна политика на ЕУ, дополнително еднакво значајно е тоа што таа како мала држава го прави како членка на НАТО. - Заштитата на поредокот на меѓународното јавно право е многу значајна. Тоа што се случува во Украина од таа гледна точка, но и од безбедносна гледна точка не смее да се дозволи кога било да се повтори. Нашите заложби како политички, така и безбедносни, ќе продолжат во насока на поддршка на Украина и ставање на што е возможно побрз крај на тој тажен воен конфликт, додаде Муцунски по средбата со Столтенберг.

Според генерал-мајор Патрик Рајдер, портпарол на Пентагон, иницијатор на разговорот бил министерот за одбрана Лојд Остин.

-Ова беше прв разговор меѓу шефот на Пентагон и неговиот руски колега од март 2023 година, истакна Рајдер на брифингот за новинарите.

Од Министерството за одбрана на Русија изјавија дека Белоусов го предупредил Остин за опасностите од продолжувањето на испораките на американско оружје на Украина во нејзиниот конфликт со Русија, кој трае веќе 28 месеци.

Во изминатиот викенд Москва повторно ги обвини САД дека Вашингтон наводно е одговорен за украинскиот напад на анектираниот од Русија Кримски полуостров со пет американски ракети, при што загинаа четири лица.

- Една од сцените е предвидено да се снима на потегот помеѓу булеварите „Трета Македонска Бригада“ и „Србија“. За потребите на снимањето денеска, од 18 часот до 5 часот утре (четврток), ќе има измена на сообраќаен режим на булевар „Србија“. Тоа значи дека ќе биде затворена едната сообраќајна лента од крстосницата со булевар „Борис Трајковски“ до крстосницата со булевар „Трета Македонска Бригада“, соопштуваат од продуцентската куќа.

На истиот потег за време на снимањето ќе биде овозможено движење само на автобусите на јавниот градски превоз, товарните возила и на амбулантните возила.

Од „Ново Македонско Видео“ јавуваат дека за време на снимањето е обезбедена полициска асистенција од СВР Скопје.