„Очекувам историски најголема победа за ВМРО-ДПМНЕ, со најголема разлика, најмногу гласови за Гордана Силјановска Давкова, најмногу гласови за Христијан Мицкоски за стабилна Влада предводена од ВМРО-ДПМНЕ“, истакна Александар Николоски, потпретседател на ВМРО-ДПМНЕ и носител на изборна единица 4 на митингот во Струмица.

„Пред нас престои сериозна работа во деновите кои што доаѓаат, да се сретнеме со секој кој што сака да ни отвори, да поразговараме со сите кои што сакаат да не слушнат и да ги поканиме сите да излезат на гласање. Потребна е голема референдумска излезност и потребен е концентриран глас за ВМРО-ДПМНЕ. Затоа што сите кои што се незадоволни од актуелната власт на заминување треба да знаат дека само глас за ВМРО-ДПМНЕ значи промена“, порача Николоски.

Николоски ги повика граѓаните масовно да излезат на гласање.

„Мојот противкандидат е човек кој што го уништи македонското здравство. Човек кој што ќе биде запишан на најцрните страници на македонската историја затоа што го уништи здравството и ја внесе корупцијата во него. Но, најголем дел од здравствените работници и докторите не се такви. Јас сакам вечерва да се заблагодарам и да го повикам и да го поздравите со нас вечерва е професор доктор Виктор Камнар, најдобриот македонски ортопед, човекот кој што ја направи првата трансплантација на коски во Македонија и во регионот. Камнар е човек кој што е претставник на чесните доктори и чесните лекари, на оние кои што сакаат да го градат македонското здравство и оние кои што не ги злоупотребуваат пациенти туку остануваат со нив секогаш кога им е потребно“, рече Николоски.

Тој посочи дека овие избори се избори во кои што ќе се стави крај на криминалот и корупцијата. Избори во кои што ВМРО-ДПМНЕ ја бара поддршката од граѓаните покрај СДСМ и ДУИ да се испрати во длабока опозиција.

„Ние сме многу сериозни во ова што го ветуваме, ние стоиме позади нашиот збор. И доколку ја добиеме вашата поддршка во огромен број како што ја очекуваме, ДУИ ќе оди во опозиција и ќе одговараат за криминалот и корупцијата кои што ги прават во Македонија“, укажа Николоски.

Николоски додаде дека врвен претставник на криминал и корупција во Македонија е Артан Груби.

„Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. Ама исто така и сите наводи за криминалот што го прави и за притисоците кои што ги прави. Ќе испитаме и што прави другар му Перпарим во Лотарија на Македонија, и што правеа со притисоците за Законот за игри на среќа, и која е неговата улога во казината во Македонија, каква е неговата поврзаност со бројни градежни фирми во Македонија, каква е неговата поврзаност со спортските клубови кои што се се освен спортски клубови. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко“, порача тој.

Тој нагласи дека одговорноста е битна работа и тоа е најпотребно во Македонија. Одговорност ќе има со помош на Владата предводена од ВМРО-ДПМНЕ, се наведува во партиското соопштение.

Училиштата се затворени во некои земји, а загриженоста за можниот недостиг на вода и електрична енергија им штети на земјоделските култури.

Во индиската држава Одиша две лица починале од сончев удар, а во неделата е забележана рекордна температура за април од 44,9 степени Целзиусови.

Во сојузната држава Керала починала 90-годишна жена и 53-годишен маж, а локалните власти истражуваат дали смртните случаи се поврзани со топлотниот бран.

На Филипините и делови од Бангладеш училиштата се затворени, а наставата се одржува виртуелно, пренесува Ројтерс.

Најмалку 34 лица се разболеле поради екстремните горештини на Филипините, меѓу кои шест лица починале.

Во Бангладеш денеска е забележана температура од 43 степени, а министерот за образование предупредил дека во останатите области од земјата училиштата ќе бидат затворени доколку температурата надмине 42 Целзиусови степени.

Во Камбоџа оваа година е најтоплата во последните 170 години.

Екстремната топлина што го погоди регионот на Југоисточна Азија е предизвикана од климатските промени предизвикани од човекот и временскиот феномен Ел Нињо, според научниците.

Тие заклучуваат дека затоплувањето на воздухот и водата ги прави топлотните бранови, поплавите, сушите, бурите и пожарите поинтензивни и поверојатни, пренесува АП.

Како што пренесува порталот politico.com, Далк се обидел да продаде доверливи информации на таен агент на Федералното биро за истраги (ФБИ) за кого мислел дека е агент на руската разузнавачка служба.

Судијата Рејмонд Мур, по изрекувањето на пресудата, рече дека можел да го осуди Далк на подолга затворска казна, нарекувајќи ја казната од 262 месеци „милост за неговите пресметани намери да се вработи во НСА за да може да продава доверливи информации“.

Former NSA worker Jareh Sebastian Dalke gets nearly 22 years in prison for selling secrets to undercover FBI agenthttps://t.co/aYtwIK7g8u pic.twitter.com/wUctjfPUx9

— The Washington Times (@WashTimes) April 30, 2024

„Ова беше бесрамно. Беше дрско и, според мене, намерно. Тоа беше предавство и беше блиску до предавство колку што може да биде“, рече судијата Мур.

Адвокатите на осудениот, кој е и воен ветеран, минатата есен ја признаа вината за шпионажа како дел од договорот со обвинителството, поради што бараа тој да добие 14 години затвор. Тие го истакнаа фактот дека доверливите информации од значење за националната безбедност не завршиле во рацете на непријателот и дека не е направена никаква штета.

Помошникот јавен бранител Дејвид Краут нагласи дека Далк претрпел трауматска повреда на мозокот и дека во четири наврати се обидел да се самоубие. Далк изјавил дека пати од посттрауматско стресно растројство, биполарно растројство и опсесивно-компулсивно растројство. На судењето тој негирал дека неговиот мотив за продажба на тајни информации биле пари.

A cyber specialist Jareh Sebastian Dalke, 32, who briefly worked at the top secret U.S. National Security Agency (NSA) was sentenced to more than 21 years in prison for attempting to spy for Moscow Jareh Sebastian Dalke, 32, pic.twitter.com/2XiiAjYVNI

— Carlos Perez (@CarlosP95095856) April 30, 2024

Според судските документи, Далк, кој бил во НСА околу еден месец, му рекол на таен агент на ФБИ дека сака да „предизвика промени“ откако ја испрашувал улогата на Соединетите Држави да му наштети на светот, но исто така рекол дека има долг од 237.000 долари. Тој исто така рече дека одлучил да работи со Русија бидејќи неговото потекло е „врзано со таа земја“.

На Далк првично му биле исплатени 16.499 долари во криптовалута за извадоци од некои документи што му ги дал на агентот за да му покаже што има, а потоа му понудил да ги продаде останатите информации што ги имал за 85.000 долари, според договорот за вина. Агентот му наложил да оди на железничката станица во центарот на Денвер на 28 септември 2022 година и да ги испрати документите користејќи сигурна дигитална врска.

Далк пристигнал носејќи го својот лаптоп и најпрво искористил интернет врска за да испрати белешка за благодарност на руски јазик во која рече дека „со нетрпение го очекува нашето пријателство и заедничка корист.“

Според обвинението, информациите што Далк сакал да ѝ ги продаде на Русија вклучувале проценка на заканите за воените офанзивни способности на трета, неименувана земја. Тие исто така вклучуваат опис на чувствителни американски одбранбени способности, од кои некои се однесуваат на истата странска земја.