Свет

УНИЦЕФ со најсеопфатен извештај за менталната благосостојба на децата и адолесцентите

Детскиот фонд на ОН објави дека извештајот „Состојбата на децата во светот" е досега најсеопфатната студија на УНИЦЕФ за менталното здравје на децата и адолесцентите ширум светот.

Владите ширум светот мора да инвестираат повеќе пари и средства за зачувување на менталната благосостојба на децата и адолесцентите, предупреди најновиот извештај на агенцијата на ОН за заштита на децата, УНИЦЕФ. Во него се предупредува на негативни последици врз менталното здравје поради пандемијата на Ковид-19.

Пандемијата ги погоди особено сиромашните и загрозени деца, се нагласува во документот.

Детскиот фонд на ОН објави дека извештајот „Состојбата на децата во светот" е досега најсеопфатната студија на УНИЦЕФ за менталното здравје на децата и адолесцентите ширум светот.

Кризата со коронавирусот, која принуди да се затворат училиштата, што го влоши животот на децата и адолесцентите, го донесе прашањето за нивната ментална благосостојба во прв план.

Според проценките на УНИЦЕФ, ќе бидат потребни години за целосно да се измери влијанието на пандемијата врз менталното здравје на младите луѓе. Психијатрите брзо видоа знаци на вознемиреност, а децата и адолесцентите побараа помош поради самоубиствени мисли, вознемиреност, нарушувања во исхраната и други тешкотии

– Со ограничувањата на движењето поврзани со пандемијата, децата поминаа неизбришливи години од својот живот далеку од семејството, пријателите, училниците, кои се клучни елементи на самото детство, рече извршната директорка на УНИЦЕФ, Хенриета Форе.

– Влијанието е значајно и тоа е само врвот на ледениот брег, додаде таа.

Повикувајќи се на податоци пред пандемијата за 2019 година, УНИЦЕФ проценува дека секоја година речиси 46.000 деца и адолесценти на возраст од 10 до 19 години си го одземаат својот живот.

Свет

ИДФ ги повика Палестинците да ги евакуираат крајбрежните населби во северниот дел на Газа

Израелската армија ги повика Палестинците во крајбрежните населби во северниот дел на Газа да ја евакуираат областа додека ја продолжува операцијата во Џабалија.

Портпаролот на Израелските безбедносни сили (ИДФ) на арапски јазик, Авичај Адри, објави список на нови зони што треба да се евакуираат, а на палестинските цивили им беше кажано да се преселат во засолништа западно од градот Газа, пишува „Tајмс оф Израел“.

Минатиот викенд, ИДФ издаде предупредување за евакуација на градот Џабалија, пред да биде извршен нападот.

Оттогаш, армијата двапати ја прошири зоната за евакуација, а најновата најава ги вклучува областите Ал-Ататра и Ал-Карам во Појасот Газа. /МИА

Свет

Протест на британските плажи поради загадување на водата

Илјадници луѓе ширум Велика Британија се собраа вчера на плажите, реките и езерата за да побараат промени на нивоата на загаденост на водата во земјата.

Демонстрантите се собраа во областите за капење од Западниот Пјер во Брајтон до плажата Гилингвасе во Фалмут по извештаите дека милиони литри вода од канализација биле испумпани во Виндермер во областа Лејк за повеќе од 10 часа во февруари.

Ситуацијата од опозициските политичари беше окарактеризирана како „скандалозна“, додека Лондон рече дека ситуацијата е „целосно неприфатлива“ и дека Агенцијата за животна средина има овластување да покрене кривично гонење.

Испумпувањето се случило во пумпната станица на компанијата во Бонс-он-Виндермер, Камбрија, ноќта на 28 февруари, пишува „Индипендент“.

Пумпите за итни случаи испуштија повеќе од 10 милиони литри вода од канализација во местото на светското наследство на УНЕСКО, откако главните пумпи беа нагло прекинати поради дефект на телекомуникациите. /МИА

Фудбал

Брајтон објави за заминување на тренерот Де Зерби

 Прес-службата на премиерлигашот Брајтон објави дека Роберто Де Зерби ќе ја напушти функцијата главен тренер на клубот на крајот од сезоната 2023/24.

Раководството на Брајтон се договорило со 44-годишниот фудбалски стручњак за предвремен раскин на договорот кој е со важност до летото 2026 година.

Претходно беше објавено дека Баерн Минхен е заинтересиран да го покани италијанскиот тренер.

Де Зерби дојде во Брајтон во септември 2022 година. Под негово водство тимот освои 38 победи, 20 пати ремизираше и претрпе 30 порази.

Оваа сезона Брајтон е на 10. место во поредокот во Премиер лигата, со 48 бодови од 37 натпревари. /МИА

притисни ентер