Свет

Унгарија одобри уште една кинеска вакцина

Кинеската компанија CanSino Biologics објави дека нивната вакцина против ковид-19 е одобрена за итна употреба во Унгарија и е втора кинеска вакцина одобрена во таа земја.

Унгарскиот национален институт за фармација и исхрана дал одобрение за вакцината, под трговското име Convidecia, врз основа на привремените резултати од третата фаза на клиничките испитувања, се вели во соопштението на компанијата.

Вакцината CanSinoBIO е вакцина во една доза и неодамна е одобрена за третман во Кина, Пакистан и Мексико.

Унгарија е првата земја на ЕУ што купи и користи кинески и руски вакцини, а првично беше на удар на критики поради нејзиното одделно одобрување и преговарачкиот процес за вакцините.

Во поново време, неколку европски земји исто така изразија интерес за набавка на овие вакцини поради доцнењето на пратките од западни добавувачи.

Дневниот број на заразени во Унгарија во петокот надмина 10.000.

Здравје

Одбележување на Европската недела на имунизација во Градски парк во Скопје

Под мотото „Заштитуваме генерации“, со детските ликови „Биби и Боби“ и детска балетска претстава, денеска во Градскиот парк во Скопје, на отворената сцена „Школка“, ќе биде одбележана Европската недела на имунизација.

На настанот организиран од Министерството за здравство, заедно со Институт за јавно здравје, СЗО и УНИЦЕФ, поддржани од УСАИД и ЕУ, обраќања ќе имаат евроамбасадорот Дејвид Гир, специјалната претставничка на СЗО д-р Ане Јохансен, претставничката на УНИЦЕФ д-р Патриција ди Џовани и претставник од Министерство за здравство.

- Заедно да ја подигнеме свесноста за важноста на имунизацијата, како значаен сегмент за градење колективен имунитет, спречување епидемии и обезбедување здрави поколенија, истакнуваат од Министерство за здравство.

Други спортови

Кикбоксерот Бобан Илиоски светски првак во ВАКО ПРО

Најдобриот македонски кикбоксер Бобан Илиоски е нов светски професионален првак во кикбокс на ВАКО ПРО во дисциплината К1, до 88,6 кг, откако синоќа во борба за титулата го совлада Берк Дузенли од Турција.

Бодрен во СЦ „Јане Сандански“ од домашната публика и навивачката група „Комити“, Илиоски го совлада актуелниот аматерски светски првак со судиска одлука од 2-1.

Илиоски во ноември лани го освои златниот медал на Светското ВАКО првенство во категоријата лоу кик до 86 килограми и ја обедини светската и европската титула.

За своите успеси на меѓународната сцена Илиоски беше избран за спортист на Македонија во 2023 година.

Македонија

Свечена промоција на нови полициски службеници во Центарот за обука на МВР во Идризово

Свечена промоција на нови полициски службеници - генерација 2023-2024 година, ќе се одржи денеска во Центарот за обука на МВР во Идризово, со почеток во 11:00 часот.

На промоцијата обраќања ќе имаат премиерот на техничката Влада Талат Џафери, министерот за внатрешни работи Панче Тошковски, дополнителниот заменик-министер за внатрешни работи Митко Бојмацалиев и Сузе Трајковска, раководител на Центарот за обука на МВР.

Настанот ќе биде пренесуван и во живо на официјалната страница на Министерството за внатрешни работи.