Уметничката збирка на Пол Ален на аукција е продадена за рекордни над милијарда долари - Канал 5

Уметничката збирка на Пол Ален на аукција е продадена за рекордни над милијарда долари

Продажбата на уметничката колекција на ко-основачот на Мајкрософт, Пол Ален, кој почина во 2018 година, на аукциската куќа „Кристи“ во Њујорк, ја надмина историската граница од 1 милијарда долари.

Уметничката збирка на Пол Ален на аукција е продадена за рекордни над милијарда долари

Аукцијата се одржа вчера вечер, со низа рекордни достигнувања за делата на Ван Гог, Сезан и Гоген.

И покрај економската неизвесност поради војната во Украина и инфлацијата, пет слики станаа мала група дела продадени за повеќе од 100 милиони долари на аукцијата одржана во Центарот Рокфелер на Менхетен, потврдувајќи дека уметничкиот пазар сè уште напредува. Најскапата од нив Пози заедно (мала верзија) (1888) од Жорж Сеурат, слика која се смета за ремек-дело на поентилизмот, е продадена за 149,24 милиони долари, објави Кристи.

Аукциската куќа најави дека вкупната сума од продажбата ќе биде наменета за хуманитарни потреби.

И покрај спорот со Бил Гејтс, со кого го основаше Мајкрософт во 1975 година, американскиот милијардер Пол Ален во 2009 година го потпиша Договорот за давање, во кој вети дека најголемиот дел од своето богатство ќе го даде во добротворни цели.

Вчера биле продадени само 60 од 150-те предмети, останатите вечерва ќе им бидат понудени на купувачите.

Статуата на Венецијанската жена на Алберт Џакомети III. е продадена за 25 милиони долари.

Скулптурата на германско-американскиот уметник Макс Ернст „Играта на кралот и кралицата“е продадена за 24,3 милиони долари, а на аукцијата биле вклучени и дела од сликари како Диего Ривера, Лусијан Фројд, Винсент Ван Гог и Пол Гоген, чија слика од Тахитскиот период е Мајчинство II. (1899) продадена за 105,73 милиони долари.

Буковата шума на Густав Климт достигна цена од 104,5 милиони долари, што е уште еден рекорд.

Овој бран од рекорди сведочи за квалитетот на колекцијата собрана од Пол Ален, милијардер со широко поле на интереси, кој основал музеј за поп култура во родниот Сиетл и поседувал неколку спортски франшизи, меѓу кои и Сиетл Сихокс.

Експертите на оваа аукциска куќа истакнуваат дека уметноста е повеќе од кога било безбедно место за инвестирање и покрај неизвесните економски услови.

„Има повеќе милијардери отколку ремек-дела“ на пазарот и „побарувачката е многу разновидна“, со зголемено присуство на клиенти од Азија и Блискиот Исток, рече Адриен Мајер, експерт за модерна уметност во Кристи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Одделот за внатрешна контрола на Министерството за внатрешни работи ги испитува околностите под кои битолчанецот приведен за физичко и психичко насилство врз 21-годишната партнерка, избегал низ прозорец од СВР Битола и веќе пет дена е во бегство.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Девојката на 10 ноември пријавила дека била физички нападната од партнерот, кој ја давел и ја удирал, по што побарала лекарска помош.

По пријавата, насилникот дошол во СВР Битола во придружба на родител, но, кога му било соопштено дека ќе биде задржан, скокнал низ прозорецот и избегал од полициската станица.

Бидејќи пријавениот сè уште не е пронајден, девојката е сместена во шелтер-центар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СВР Битола го лиши од слобода лицето пријавено за семејно насилство

Денеска полициски службеници од СВР Битола, во координација со бранителот на лицето К.У.(24) и Основното јавно обвинителство Битола, презедоа мерки лицето доброволно да се предаде во СВР Битола.

СВР Битола го лиши од слобода лицето пријавено за семејно насилство

Денеска во 12:00 часот, К.У. доброволно се предал и е лишен од слобода. Со него се врши службен разговор од страна на инспектори од криминалистичката полиција при СВР Битола.

Против него, на 11.11.2026 година, е поднесена кривична пријава поради постоење основи на сомнение за сторени кривични дела „Загрозување при семејно насилство“ по член 144 став 3 и „Телесна повреда при семејно насилство“ по член 130 став 2 од Кривичниот законик.

Се преземаат понатамошни мерки и активности во координација со надлежното Основно јавно обвинителство Битола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кина и САД разговараа за царините и трговијата

Кина и Соединетите Држави (САД) одржаа прв состанок на трговски совет во рамките на нивниот билатерален механизам за економски и трговски консултации, соопшти кинеското Министерство за трговија. 

Кина и САД разговараа за царините и трговијата

Двете страни преку видео-врска разговараа за аранжман за взаемно намалување на царините – кој опфаќа стоки во вредност од 30 милијарди долари од секоја страна – како и за трговијата со земјоделски производи и други прашања, објави весникот *Global Times*. Во своето соопштение, кинеското Министерство наведе дека разговорите биле искрени и конструктивни.

„Двете страни ќе продолжат да го користат овој совет за решавање на трговските прашања, проширување на соработката и намалување на преостанатите проблеми“, се додава во соопштението.

Хе Јадонг, портпарол на кинеското Министерство за трговија, претходно изјави дека взаемното намалување на царините би можело да помогне во стабилизирање и проширување на вкупната трговија меѓу Кина и Соединетите Држави.

Тој нагласи дека двете страни остануваат во близок контакт во врска со спроведувањето на договорот и го повика Вашингтон да соработува со Пекинг за да се осигура дека оваа трговска рамка наскоро ќе стапи на сила, со што ќе се олесни трговијата со земјоделски производи, пренесува Танјуг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер