Автомобилизам

Украл Ферари од 575.000 долари, но не ги видел слушалките на совозачкото седиште

Може да се претпостави дека луѓето кои сакаат да издвојат мало богатство за Ферари, исто така, ќе инвестираат добри пари во неговата заштита и безбедност, односно технологија против кражба.

Но, тоа не било случај со еден човек од Вотербери (град во американската сојузна држава Конектикат) чие скапо Ferrari 812 GTS вредно дури 575 илјади долари, е украдено.

Во полицискиот извештај не пишува како бил украден автомобилот, но затоа се споменува како е пронајден.

Во фаќањето на крадецот не помогнале ниту софистицирана технологија, ниту полициски извештај, туку - слушалките на Apple. Имено, сопственикот на автомобилот ги оставил своите AirPods на совозачкото седиште, а благодарение на апликацијата Find My на Apple за пронаоѓање изгубени уреди со помош на Mac или iPhone, сопственикот на Ferrari успеал да ги лоцира слушалките, а со тоа и неговиот автомобил. Оваа информација веднаш ја проследил до полицијата која набрзо успеала да ги пронајде автомобилот и крадецот.

Кога полицијата го запрела крадецот на бензинската пумпа, тој со украденото Ферари удрил во нивниот автомобил (штетата била мала), по што побегнал и го оставил телефонот во автомобилот.

Полицијата успеала да добие информација од телефонот на крадецот и дознала дека се работи за 22-годишен маж кој веќе бил познат по кражба на автомобили. Интересно е дека тој бил уапсен десет дена подоцна, откако полицијата пронашла друг автомобил кој претходно бил украден во Њујорк, а тој млад човек, како и неговиот 19-годишен соучесник во криминал завршиле во затвор, пренесува Zimo.

Американската полиција претходно ги советувала возачите да користат уреди како AirTag, уредот за следење локација на Apple. Добро е да се стави на пр. на клучеви, во паричници, патни торби, автомобили и слично за да можат полесно да се најдат во случај на загуба. Следењето локација не бара интернет конекција, наместо тоа, се поврзува со блиските уреди на Apple за да испрати сигнал за нивната локација.

Кошарка

Екс тренерот на Партизан, Дуле Вујошевиќ по тешката операција пуштен дома

Трофејниот тренер на Партизан, Душко Вујошевиќ неодамна е опериран во болница во Белград, а денеска е пуштен на домашно лекување, пренесува српските медиуми.

-Ја напуштив болницата, полека се враќам. Добро сум“, изјави накратко Вујошевиќ за „Sport klub“.

Засега не се знае поради што популарниот Дуле бил хоспитализаран и опериран.

Но љубителите на кошарката на Балканот се среќни и задоволни што може да слушнат дека тој е добро и е пуштен на домашно лелукување.

Вујошевиќ и претходно имаше сериозни здравствени проблеми. Поради лошата функција на бубрезите беше подложен на дијализа, а се започнало поради погрешниот третман на дијабетесот. Засега уште не е познато кој здравствен проблем бил причината за неодамнешната интервенција.

Инаку, Вујошевиќ важи за жива легенда во Партизан со кого има осоено дури 23 трофеи.

Освен црно белите од Белград, тој работел и во екипите на во Пистоја, Варезе, Црвена Звезда, ЦСКА Москва, Лимож...

Фудбал

ФИФА ја одложи одлуката дали да ги отстрани тимовите од Израел од своите турнири

Светската фудбалска федерација (ФИФА) повторно не одлучи дали ќе воведе санкции за Фудбалската асоцијација на Израел, исклучувајќи ги тимовите на земјата од нејзините турнири.

Во мај, Палестинскиот фудбалски сојуз побара казна за своите израелски колеги поради тековната воена операција што еврејските сили ја спроведуваат во Газа.

По денешниот состанок на Советот на ФИФА, претседателот на организацијата Џани Инфантино изјави дека ќе бидат покренати две независни истраги против Фудбалскиот сојуз на Израел. Првата ќе биде доверена на Дисциплинската комисија на ФИФА и ќе биде докажување на наводите за дискриминација во рамките на израелската лига. Втората истрага ќе биде дали има прекршување на член 72, точка 1 од правилникот на ФИФА, кој вели дека „федерациите членки и нивните клубови не можат да играат на територијата на друга федерација-членка без одобрение од другата“. Со тоа ќе се занимава Комитетот за управување, ревизија и усогласеност на ФИФА.

-Советот на ФИФА примени длабинска анализа за оваа многу чувствителна работа и врз основа на темелна проценка ги следевме советите на независните експерти. Континуираното насилство во регионот потврдува дека пред се, и како што беше наведено на 74-от конгрес на ФИФА, ни треба мир. Бидејќи остануваме крајно шокирани од она што се случува и нашите мисли се со оние кои страдаат, ги повикуваме сите страни да го вратат мирот во регионот со непосреден ефект, рече Инфантино во услови на постојано зголемување на тензиите на Блискиот Исток.

Во 2022 година, ФИФА и УЕФА заеднички одлучија да ги исклучат тимовите од Русија од нивните турнири само четири дена по почетокот на воената офанзива против Украина.

Регион

Во Загреб, Сава се излеа од коритото

Сава се излеа од коритото,нивото на водата се зголемува.

Во поголем дел од Хрватска од вчера попладне непрекинато врне, што значително го подигна водостојот на реките, а во Загреб се излеа реката Сава.

Дирекцијата за цивилна заштита на МУП на Република Хрватска најави дека ќе вклучи мерки за одбрана од поплави.

Поради најавените високи водостои на Сава, Купа и Одра, Хрватски води издаде наредба за отворање на сливот Превлака.

Тие, исто така, ги предупредија сточарите навреме да го повлечат добитокот од местата за задржување во Лоњско поле, Одранско поле и Жутица. Во Загреб, Сава малтен се подели на три посебни реки, онаа во коритото и по една дополнителна река од секоја страна.

Нивото на водата најверојатно ќе продолжи да расте.

притисни ентер