Олег Синегубов, регионалниот гувернер, рече дека на некои од повеќе од 440 тела закопани во шумата во близина на градот во североисточна Украина, рацете им биле врзани зад грб.
„Ние сме на местото на масовното погребување на луѓе, цивили кои беа закопани овде, а сега, според нашите сознанија, сите имаат знаци на насилна смрт“, рече Синегубов. „Има тела со врзани раце зад грбови. Секој факт ќе биде истражен и соодветно и законски оценет“, додаде тој.
Украинскиот претседател Володимир Зеленски ја обвини Русија дека е терористичка земја која „остава смрт насекаде“.
Мажите во бели комбинезони вчера почнале да откопуваат тела како дел од масовната ексхумација на местото, а дека може да се видат 20 бели вреќи.
Началникот на украинската полиција Игор Клименко на прес-конференција рече дека жртвите што досега се пронајдени изгледа се цивили, иако има информации дека таму можеби се закопани и некои војници.
На видеото од Изиум се гледа борова шума преполна со гробови. Гробовите се обележани со дрвени крстови. На една рачно напишана табла пишува: „Украински вооружени сили, 17 луѓе, град Изјум, од мртовечница“. Неколку имале броеви – 345, 347, 444. Други немале ознаки.
Зеленски го повикал светот „да ја преземе одговорноста на Русија за оваа војна“ и рече дека „Русија остава смрт насекаде и мора да одговара за тоа“.
Серхи Болвинов, главен полициски истражител за регионот Харков, изјавил за Скај њуз дека некои биле убиени од гранатирање и воздушни напади. Тој рече дека на секоја гробница ќе се врши форензичка истрага. „Можам да кажам дека тоа е еден од најголемите гробници во еден голем град во ослободените области... 440 тела беа закопани на едно место“, рече тој.
Олех Котенко, украинскиот омбудсман за исчезнати лица, кој ја посетил шумата во четвртокот, рече дека некои гробници содржеле имиња и датуми. Труповите на украинските војници биле земени со комбе од локалната мртовечница и фрлени во масовната гробница во црни кеси, рече тој.
Илјадници руски војници избегале од Изјум во текот на викендот по украинската контраофанзива. Русите го напуштиле речиси целиот регион Харков и се повлекле на нови одбранбени позиции источно од реката Оскил, на околу 10 километри од Изјум. Москва, која постојано негир дека целела цивили, не ги коментира новите украински наводи за масакрот.
Украинското Министерство за одбрана на Твитер објави дека во Изјум се пронајдени масовни гробници по неговото ослободување од Русите.
Допрва ќе се утврдуваат точните околности за тоа како загинале жителите.