Украинската банка ги бара милионите во кеш и златото, што им го заплени Унгарија - Канал 5

Европа

Украинската банка ги бара милионите во кеш и златото, што им го заплени Унгарија

Украинската државна Ошадбанк објави дека ќе покрене судска постапка за враќање на банкарските средства што сè уште се во Унгарија, по неодамнешното притворање на нејзините вработени и запленувањето на оклопни возила.

Украинската банка ги бара милионите во кеш и златото, што им го заплени Унгарија

Во соопштение објавено на Фејсбук, банката соопшти дека седум вработени привремено приведени од унгарските власти се вратиле дома, но дека „возилата и вредните предмети сè уште се нелегално чувани“.

Банката најави два правни чекори: жалба против рестриктивните мерки наметнати од унгарските миграциски власти и истрага за можни прекршувања на правата на вработените за време на нивниот притвор, кој траел „повеќе од еден ден без пристап до правна помош и конзуларна поддршка“.

„Транспортот на парите бил во согласност со украинските закони“

Банката, исто така, објави дека ќе бара враќање на запленетите средства, вклучувајќи „две возила за транспорт на пари и вредни предмети во вредност од 40 милиони долари, 35 милиони евра и 9 килограми банкарско злато“.

Банката нагласи дека транспортот на пари бил извршен во согласност со украинските закони и дека документацијата веќе е доставена до Народната банка на Украина за верификација.

Исто така, се разгледува можност за независна меѓународна ревизорска фирма за преглед на договорите и процедурите поврзани со операцијата. „Ошдбанк бара враќање на своите возила за транспорт на готовина и сите вредни предмети што ги транспортирале“, соопшти банката.

Тензии околу спорот со нафтоводот Дружба

Унгарските власти во четвртокот приведоа седум вработени во Ошдбанк кои транспортирале пари и злато од Австрија во Украина. Унгарските власти тврдеа дека случајот е поврзан со сомневање за перење пари. Унгарскиот министер за надворешни работи дури спомена и „можни врски со украинската воена мафија“.

Украинските власти реагираа остро, нарекувајќи го потегот „земање заложници“ и „државен тероризам“, што дополнително ги влоши веќе напнатите односи меѓу Унгарија и Украина. Украинското министерство за надворешни работи ги предупреди украинските граѓани да избегнуваат патување во Унгарија од безбедносни причини.

Тензиите меѓу Киев и Будимпешта ескалираа во последните недели поради спорот околу транзитот на руска нафта преку нафтоводот Дружба, кој е надвор од употреба од крајот на јануари. Унгарија, која во голема мера се потпира на нафтоводот за увоз на сурова нафта, ја обвини Украина за намерно блокирање на испораките и стави вето на санкциите против Русија и финансиската помош за Киев.

Тагови: злато Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Плутон го губи статусот на планета

Плутон беше една од деветте планети во Сончевиот систем во текот на 20-тиот век. Иако е откриен во 1930 година, за неговото постоење се претпоставувало и претходно.

Плутон го губи статусот на планета

На овој ден во 2006 година, Меѓународната астрономска унија го прекласификуваше Плутон само како џуџеста планета и го редефинираше бројот на планети во Сончевиот систем.

Плутон бил откриен во опсерваторија во Аризона. Клајд Томбо поминал една година во потрага по претпоставената деветта планета. Децении претходно, Персивал Ловел го предложил постоењето на деветта планета – која ја нарекол „Планета X“ – но не успеал да ја открие. По 14 месеци потрага, Томбо конечно го забележал големото небесно тело. Името му го дала Венеција Барни, млада девојка од Англија.

По откривањето на „Планета X“, таа предложила таа да го носи името на римскиот бог на подземниот свет. Нејзиниот дедо бил член на академската заедница, која го прифатила новото име, исто како и самиот Томбо. Дополнителна причина за изборот била тоа што првите две букви од името се совпаѓале со иницијалите на Персивал Ловел.

Планетата веднаш беше прифатена како деветта планета во Сончевиот систем, иако нејзиниот дијаметар изнесува само 2.377 километри – што ја прави помала од Земјината Месечина. Тоа беше значајно откритие, а Плутон стана симбол на мистериите во оддалечените предели на Сончевиот систем.

На почетокот на 21-от век, астрономите открија бројни објекти во Кајперовиот појас – регион од Сончевиот систем што се наоѓа зад орбитата на Нептун – од кои некои беа дури и поголеми од Плутон.

Ова откритие поттикна преиспитување на статусот на Плутон како планета. Ширум светот се водеа дебати за Плутон, кои кулминираа на 24 август 2006 година, за време на состанокот на Меѓународната астрономска унија во Прага. Таму беше утврдено дека планета е небесно тело што кружи околу Сонцето, поседува доволна маса за да добие сферичен облик и ја има „исчистено“ својата орбита од други објекти.

Плутон не го исполни овој последен критериум; следствено на тоа, тој беше прекласифициран во џуџеста планета, а од тој ден, Сончевиот систем официјално се состои од само осум планети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Младите до 16 години да не користат социјални мрежи- нов предлог закон во Нов Зеланд

Пратениците во парламентот во Нов Зеланд ќе го разгледува поднесениот предлог закон за забрана на користење социјални мрежи за помлади од 16 години.

Младите до 16 години да не користат социјални мрежи- нов предлог закон во Нов Зеланд

Предлогот ќе ги обврзе платформите на социјалните мрежи да преземат разумни мерки за проверка на возраста на корисниците. Меѓу можните алатки се користење на веќе достапни податоци за корисничките сметки, технологија за препознавање лица и документи за дигитален идентитет.

За непочитување на обврските, платформите би можеле да бидат казнети со глоба до десет проценти од нивните глобални приходи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер