Црвено жолтите ќе бидат дел од првиот европски шампионат со 24 учесници кој по прв пат во историјата ќе се организира во три земји Австрија, Шведска и Норвешка. Македонскиот национален тим првата фаза од шампионатот ќе ја игра во Виена во Групата Б.
Подмладената селекција на Македонија денеска од 20 часот и 30 минути против незгодната репрезентација на Украина ќе го одигра првиот меч на континенталниот собир.
Во групата Б која според ракометните стручњаци е најизедначената на првенството, следни противници на избраниците на селекторот Брестовац ќе бидат и селекциите на Чешка и домаќинот Австрија.
Македонија на ЕП отпатува со 18 ракометари, денешниот меч против Украина селекторот Брестовац одлучи да го одиграат Борко Ристовски, Никола Митревски, Дејан Манасков, Бојан Маџовски, Марко Мишевски, Горан Крстевски, Филип Талески, Филип Кузмановски, Марио Танкоски, Кире Лазаров, Мартин Велкоски, Гоце Георгиевски, Мартин Поповски, Стојанче Стоилов, Жарко Пешевски, Никола Маркоски.
За најдобрите ракометари на Македонија ова ќе биде шестото Европско првенство по настапите во Италија (1998), Србија (2012), Данска (2014) и Полска (2016), Хрватска (2018).
На ЕП 2020 во улога на бранител на тронот е селекцијата на Шпанија.