Фудбал

УЕФА би можела да ги исфрли од Европа гигантите Барселона и Јувентус

Јувентус и Барселона се два европски гиганти кои имаа скандали оваа сезона.

Италијанскиот клуб загуби 15 бода во првенството поради финансиски измами во најтешкиот период од пандемијата на коронавирус. Но, тие бодови му се вратени со последователна судска одлука, но се уште не е сигурно дека ќе може да ги задржи.

Барселона, од друга страна, е под истрага за наводно судиско мешање пред неколку години. Клубот платил 7,3 милиони евра на компанија чиј сопственик бил потпретседателот на судиската комисија во Шпанија, Хозе Марија Енрикез Негреира. На крајот на март, УЕФА започна истрага.

Барселона и Јувентус следната година треба да играат во Лигата на шампионите. Тимот на Чави ќе го освои шпанското првенство, а со вратени 15 бода Јувентус речиси сигурно ќе биде во позиција да се пласира во елитното европско натпреварување. Прашање е само дали УЕФА ќе им дозволи да се натпреваруваат.

Како што е наведено во правилникот кој важи од 2007 година, екипите кои се вклучени во местење натпревари може да добијат забрана за учество во европските натпреварувања. Доколку истрагата на УЕФА покаже дека Барселона влијаела на судењето, каталонскиот клуб ќе добие забрана за учество во Лигата на шампионите следната сезона, како и бројни други казни.

Тоа би бил тежок финансиски удар и за клубот кој пред две години беше во долгови од околу милијарда и 300 милиони евра. Јувентус е под истрага за фалсификување финансиски извештаи од најтешкиот период на пандемијата на коронавирус.

Претседателот на УЕФА, Александар Чеферин, во една прилика изјави дека тоа е еден од најтешките случаи на прекршување на законот во историјата на фудбалот. Доколку истрагата заврши пред почетокот на следната сезона во Лигата на шампионите и Јувентус биде прогласен за виновен, УЕФА може да ги исфрли од натпреварувањето.

Добрата вест за Јувентус и Барселона е што ниту еден клуб се уште не е исфрлен од Лигата на шампионите. Сите кои беа во опасност се извлекоа најмногу со казни. Најблиску до исклучување беше Манчестер Сити поради непочитување на финансискиот фер-плеј.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На 14 септември камионџиите од Западен Балкан ќе ги блокираат границите кон ЕУ

Проблемот за превозниците се засили со воведувањето на електронскиот систем за влез/излез (EES), со кој автоматски се евидентира престојот на патниците од земји надвор од Шенген-зоната.

На 14 септември, професионалните возачи на камиони од Западен Балкан ќе ги блокираат сите гранични премини кон земјите од ЕУ, по потврдената потврда на Европската комисија дека правилото за престој од 90 дена во период од 180 дена во шенген зоната нема да биде променето..

Проблемот за превозниците се засили со воведувањето на електронскиот систем за влез/излез (EES), со кој автоматски се евидентира престојот на патниците од земји надвор од Шенген-зоната. Системот за земјите од Западен Балкан почна да се применува на 12 октомври 2025 година, а по завршувањето на преодниот период следеше целосна имплементација. Според информациите, возачите кои ќе го надминат дозволениот престој од 90 дена во рамките на 180 дена може да бидат вратени во земјата на живеење, додека товарните возила остануваат на местото каде што се наоѓале во моментот на проверката. Превозниците предупредуваат дека ваквите ограничувања создаваат сериозни проблеми за меѓународниот транспорт, бидејќи професионалните возачи, поради природата на работата, често мораат да престојуваат во земјите од ЕУ подолг период.

Тагови: камионџии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Загина возач на патот Охрид – Кичево, удрил во глутница кучиња и изгубил контрола на возилото

Загина возач на магистралниот пат Охрид- Кичево.

Несреќата се случила ноќеса кога возачот најпрвило удрил во кучиња скитници изгубил контрола на возилото и удрил во металните оградни браници покрај патот и возилото се запалило.

Во возилото било пронајдено телото на починатиот возач. На местото интервенирала екипа на територијалната противпожарна единица Охрид, која го локализирала и изгаснала пожарот. По наредба на јавен обвинител, телото било предадено на судска медицина за обдукција, како и за утврдување на идентитетот на починатото лице.

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни се пожарите во Маврово и ростуше и гори депонијата кај Шуто Оризари

Активни се два пожари на отворен простор, информираат од ЦУК.

Три пожари се ставени под контрола, а 22 се целосно изгаснати.

Активни се пожарите во општина Маврово и Ростуше, на месноста Голем Брдаш, каде што гори шума, како и во Шуто Оризари, во Визбегово, зад хотелот „New Star“, каде што гори депонија. Под контрола се пожарите над селото Палиград – Преслап во општина Зелениково, во мешана шума, во селото Копаница во општина Сарај, каде што гори нискостеблеста шума и ниска вегетација, како и пожарот кај селата Пискупштина, Буринец и Локов во Струга, каде што е зафатена нискостеблеста шума.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.