Живот

Убиен е научник кој бил на чекор до важно откритие за коронавирусот , убиецот се самоубил

Истакнат научник од Медицинскиот центар „Питсбург“ (УМТЦ), наводно, бил на работ на важно откритие поврзано со коронавирусот кога, според полицијата, го загубил животот во случај на убиство и самоубиство, пишува „Дејли Меил“.

Докторот Бинг Лиу (37) бил дома сам во саботата навечер кога маж - подоцна идентификуван како Хао Гу (46) - влегол во неговиот стан и почнал да пука. Лиу бил погоден во главата, вратот и торзото и починал на лице место.

Неговата сопруга не била дома во моментот на убиството. Двојката немала деца. Полицијата подоцна изјави дека по злосторството, Гу се вратил во неговиот автомобил паркиран околу стотина метри подалеку и извршил самоубиство.

Според полицијата, Лиу и Гу се познавале пред ужасното злосторство, но не е познато каква била нивната врска и кој би можел да биде мотивот за убиството.

Лиу, кој по потекло е Кинез, докторирал компјутерски науки на Националниот универзитет во Сингапур, а подоцна отишол на универзитетот Карнеги Мелоун во Питсбург.

„Д-р Бинг беше исклучителен научник кој се стекна со почит на многу колеги во областа и даде значаен придонес во науката“, се вели во официјалното соопштение на универзитетот.

Тој се приклучи на УМПЦ пред неколку години и е коавтор на повеќе од 30 книги и публикации, стекнувајќи се со углед на извонреден научник и ментор на помладите колеги.

Раководителот на одделот каде што работи несреќниот Бинг, д-р Ивет Бахар, рече дека Бинг го истражувал Ковид-19 непосредно пред својата смрт и бил на чекор до интересни откритија.

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

Свет

Ханија: Хамас го проучува примирјето „во позитивен дух“

Хамас во „позитивен дух“ го проучува предлогот за примирје, до кој се дојде со посредство на Египет, изјави денеска лидерот на палестинското движење, Исмаил Ханија.

Ханија во телефонски разговор со шефот на египетското разузнавање Абас Камел кажа дека преговарачите на Хамас ќе се вратат „што е можно поскоро“ во Египет за да ги завршат актуелните разговори за прекин на огнот.

Во моментов се чека одговорот на ова палестинско движење на предлогот за прекин на огнот, што предвидува примирје во израелските воени операции, проследено со размена на заложниците киднапирани за време на нападот на Хамас на израелска територија на 7 октомври, за палестинските затвореници кои ги држеше Израел.

Израелската влада, од своја страна, денеска го обвини Хамас дека го попречува договорот со тоа што одбива да направи отстапки.

-Единственото нешто што го спречува договорот е Хамас. Хамас само ги заострува своите услови и се крие зад неразумните барања, изјави портпаролката на израелската Влада, Ракела Карамсон.

Таа повтори дека Израел продолжува да се подготвува за голема офанзива на Рафа, град што се наоѓа на крајниот југ од Појасот Газа, и покрај противењето на меѓународната заедница. /МИА

притисни ентер