Турските медиуми преполни со насловни страни за новата романса: Џансу Дере вљубена во славниот Омер од серијата „Љубов и пари“(фото) - Канал 5

Шоу биз

Турските медиуми преполни со насловни страни за новата романса: Џансу Дере вљубена во славниот Омер од серијата „Љубов и пари“(фото)

Една од најубавите турски актерки Џансу Дере која нашата публика ја памети по улогата на Сила го крие својот приватен живот како змија нозете , но медиумите успеале да дознаат кој е нејзината нова љубов.

Веќе извесно време турските таблоиди се преполни со текстови за тоа дека е родена љубов помеѓу двајца популарни актери, Енгин Акјурек (36), Омер од „Љубов и пари“ и заносната Џансу Дере (37), мистериозната Фирузе од „Сулејман Величествениот и Сила од истоимената серија.
Турските медиуми тврдат дека вљубената двојка почнала заедно да живее, поточно дека Џансу се преселила од европскиот дел на Истанбул во вилата на Енгин која се наоѓа на анадолската страна. Наводно биле видени во една слаткара како се хранат меѓусебно (што е несфатливо за Енгин), но тоа, за жал, анонимниот очевидец не го овековечил со неговиот телефон.
И Џансу и Енгин се слободни како птици на гранка, па со право се поставува прашањето од каде толкав интерес за нивната врска.
Причината во суштина е таа изразена затвореност и на едниот и на другиот кога станува збор за приватниот живот. За Енгин толку малку се знае што се добива впечаток дека никогаш не бил вљубен ниту пак имал девојка.
Секако, од време на време во медиумите се појавуваа „љубовни приказни“ поврзани со згодниот актер, но секогаш се завршувало така што се дознавало дека сите натписи биле плодови на новинарската имагинација или пак амбициите на некоја старлета да се најде на насловните страна. И тој секогаш остро ги демантирал таквите стории.
Последната љубов на убавата Џансу бил турскиот шоумен Џем Јилмаз со кој дефинитнво се разделила во 2011 година затоа што ја изневерил со нејзината најдобра пријателка Аху Јагту (40), Џандан од серијата „Парампарче“.
По тој жесток удар Џансу се свртела кон нејзината голема страст – патувањето и згрижувањето на напуштените мачки.
И на неа од време на време и лепеа разни љубови, но таа одела по својот пат без да гледа назад. А кога во една прилика ја прашале каков е нејзиниот идеален маж, одговорила:„Интелигентен, паметен, елоквентен“.
YouTube video

When he hates to pose !

A post shared by Cansu Dere (@cansudere) on

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка.

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието на денешната надзорна расправа за причините за воведувањето администрација во Алта банка АД Битола, улогата и постапувањето на Народната банка и институционалната одговорност, ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка пред случајот да стане предмет на јавна дебата и дали за тоа биле известени Владата или други надлежни институции.

Петровска го заснова прашањето на надлежностите утврдени во членовите 2, 3 и 4 од Законот за Агенција за разузнавање. Притоа посочи дека Агенцијата нема регулаторна улога во банкарскиот систем.

„Дали Агенцијата имала сознанија за можни ризици по безбедноста во смисла на нарушување на политичката и економската стабилност, но и за можни трансакции кон земји кон кои имаме воведено санкции, пред случајот со Алта банка да стане предмет на дебата во јавноста? Дали за тоа беа известени Владата или други надлежни институции?“, праша Петровска.

Во дополнителното прашање, Петровска побара одговор дали Агенцијата располага со потврдени или непотврдени сознанија за евентуални контакти со Давор Мацура во врска со Алта банка. Прашањето се однесуваше на можни контакти во текот на 2026 година, директно или преку посредници, со лица од политички партии во земјава или лица поврзани со нив, како и со лица од бизнис или медиумските кругови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повторно гори во теснецот (ВИДЕО)

Иранската војска денеска соопшти дека два нафтени танкера се запалиле откако удриле во поморски мини во Ормускиот теснец.

Повторно гори во теснецот (ВИДЕО)

Морнарицата на Иранската револуционерна гарда (ИРГЦ) наведе дека два нафтени танкера – кои ги прекршиле прописите – ги исклучиле своите системи за навигација и идентификација и се обиделе да го напуштат Ормускиот теснец преку неовластена рута, под закрила на американските воени сили. Притоа, тие удриле во поморски мини и се запалиле, пренесува агенцијата ИРНА.

Во соопштението се додава дека, и покрај напорите на американскиот воен персонал да ги изгаснат пожарите, пловилата остануваат зафатени од пламени и се напуштени.

Во соопштението, упатено до сопствениците на бродовите, се напоменува дека за безбедно поминување низ Ормускиот теснец е неопходна „координација со иранските вооружени сили“.

Тагови: Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторно зачестени измамнички пораки за наводна наплата на сообраќајни прекршоци

МВР апелира на внимателност

Повторно зачестени измамнички пораки за наводна наплата на сообраќајни прекршоци

Министерството за внатрешни работи ја информира јавноста дека во изминатиот период повторно е забележана зачестена појава на измамнички пораки преку СМС, електронска пошта и социјалните мрежи, со кои граѓаните се доведуваат во заблуда дека треба да извршат уплата за наводно направен сообраќаен прекршок регистриран од системот „Безбеден град“.

Станува збор за обиди за фишинг измами, при што преку лажни пораки и линкови се бара од граѓаните да пристапат до веб-страници и да внесат лични и банкарски податоци, со цел нивна злоупотреба.

МВР апелира до граѓаните да бидат особено внимателни и да не отвораат сомнителни линкови, да не внесуваат податоци од платежни картички, лозинки и други лични информации на непроверени веб-страници, ниту да вршат уплати преку линкови добиени во сомнителни пораки.

Воедно, потсетуваме дека официјалните СМС известувања за сообраќајни прекршоци од системот „Безбеден град“ се испраќаат од испраќачот „MVR-SC“, задолжително ја содржат регистарската ознака на возилото со кое е направен прекршокот, а линкот води до официјалната веб-страница со домен http://safecountry.mvr.gov.mk

Секторот за компјутерски криминал при Министерството за внатрешни работи презема мерки и активности за откривање и санкционирање на сторителите на ваков вид измами.

Тагови: пораки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер