Турист за малку ќе загинеше на плажа, тиктокер не престана со снимањето (ВИДЕО) - Канал 5

Живот

Турист за малку ќе загинеше на плажа, тиктокер не престана со снимањето (ВИДЕО)

Плажата Рејнисфјара во Вик, Исланд, е прогласена за најубава во Европа во 2023 година, а позната е по својот црн песок создаден од излевањето на лавата во океанот.

Турист за малку ќе загинеше на плажа, тиктокер не престана со снимањето (ВИДЕО)

Поради опасните услови, високите бранови на северниот дел на Атлантикот и силните морски струи, не е можно пливање, но тоа не спречи група туристи да се доближат до океанот, за што набрзо зажалиле.

Во виралното видео кое кружи на социјалните мрежи, може да се забележат маж и жена како ги креваат рацете со грб кон камерата за да може член на групата да ги фотографира како спомен, но веќе следниот момент ги удира бран.

Човекот успеал да стане на нозе и брзо истрчал да ја зграби жената за да не ја понесе бранот, а многумина забележале дека дечкото цело време сепак ги снима и покрај тоа што се во опасност, а самиот снимател бега од бранот.

@kelseystarlight This is what happens when you’re a cocky tourist and don’t listen the rules 😂 whyyyy are people like this?! Black Sand Beach is Icelands Most Dangerous Beaches (and one of the most dangerous beaches in the world) due to “sneaker waves” that look calm and small, but are in fact so powerful, they drag people out to the ocean and people have died here. The number 1 rule at this beach is: “Never turn your back on the waves” and to not go where you can’t see orher footprints. Some people will do anything for a video/photo. 💀 #iceland #blacksandbeach #blacksandbeachiceland #blacksand #reynisfjara #reynisfjarablacksandbeach #blackbeach #icelandbucketlist #thingstodoiniceland #icelandtravel #icelandadventure #icelandvolcanoeruption #icelandblacksandbeach #icelandtravel ♬ original sound - Kelsey

За среќа, сѐ помина без трагични последици, а тимот стана вирална сензација на TikTok, благодарение на видеото кое собра повеќе од 8,7 милиони прегледи и половина милион лајкови.

„Еве што се случува кога дрските туристи не ги почитуваат правилата“, стои во описот на видеото. Инаку, оваа необична плажа е позната по својата мрачна историја. Имено, многу туристи на оваа плажа ги загубиле животите обидувајќи се да направат совршена фотографија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Повторно му е намалена затворската казна на Диди, ќе излезе еден месец порано

Шон Диди Комбс ќе биде ослободен од затвор порано од планираното, и покрај неговата неодамнешна вмешаност во тепачка што го одведе во самица. 

Повторно му е намалена затворската казна на Диди, ќе излезе еден месец порано

Диди Комбс (56), кој беше ослободен од најтешките обвиненија за трговија со луѓе и рекетирање минатиот јули, но беше осуден за организирање проституција, треба да биде ослободен на 24 јануари 2028 година, според новите податоци.

Хронологија на промените на датумот на ослободување

Комбс првично требаше да биде ослободен од затвор на 8 мај 2028 година, но датумот подоцна беше поместен за 4 јуни истата година поради обвинувања дека консумирал алкохол и остварил нелегален телефонски повик додека бил во затвор. Неговиот адвокат ги негираше обвинувањата.

Во октомври минатата година, датумот на ослободување беше поместен за 25 април 2028 година, врз основа на законот FIRST STEP Act, реформа на затворскиот систем донесена за време на мандатот на Доналд Трамп, со што се овозможи предвремено ослободување на десетици илјади осуденици.

Датумот потоа беше ревидиран на 15 април 2028 година, а минатиот месец повторно беше поместен на 23 февруари 2028 година. Според најновите податоци од Федералното биро за затвори, Комбс сега треба да биде ослободен на 24 јануари 2028 година.

Федералното биро за затвори не сакаше да објасни зошто датумот е повторно променет. „Поради приватноста и безбедноста, не коментираме за условите на затворениците, вклучително и плановите за ослободување или причините за промена на датумите за ослободување“, изјавија тие за Дејли меил.

Тепачка во затворот

Новата затворска казна беше објавена една недела откако Комбс се тепаше со друг затвореник во федералниот затвор Форт Дикс во Њу Џерси. Според TMZ, кој се повикува на повеќе извори, раперот нападнал друг затвореник откако бил вербално навредуван.

Изворите тврдат дека по туркањето избувнала тепачка. Чуварите брзо интервенирале и ги разделиле, а Комбс наводно завршил во самица по инцидентот. Портпаролот на затворот Форт Дикс одби да потврди дека инцидентот се случил.

„Не објавуваме информации за сместувањето на затворениците, ниту коментираме дали некој е предмет на обвиненија, истраги или дисциплински мерки“, изјави тој за Дејли Меил.

Тагови: Пи Диди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 25 лица загинаа во тешка автобуска несреќа во Алжир (ВИДЕО)

Најмалку 25 лица загинаа, а 44 се повредени во сообраќајна несреќа што се случи кога автобус падна во клисура во покраината Бумердес, во северен Алжир, соопшти Цивилната заштита.

Најмалку 25 лица загинаа во тешка автобуска несреќа во Алжир (ВИДЕО)

Несреќата се случила на регионалниот пат RN24, кога автобусот што патувал од Сетиф се лизнал и паднал во клисурата, објавува порталот TSA Algerie.

Причината за несреќата сè уште не е објавена.

Цивилната заштита на Алжир распоредила големи човечки и материјални капацитети, вклучувајќи 11 возила на брза помош, а спасувачката операција продолжила до раните попладневни часови.

На местото на несреќата отиде и алжирскиот премиер Сифи Гриб, кој ја обиколи областа.

Тагови: Алжир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Хејли Бибер облече мини бикини од колекцијата на Кајли Џенер (ФОТО)

Откако Khy, модниот бренд на Кајли Џенер, и популарниот бренд за костими за капење Frankies Bikinis лансираа заедничка колекција, Хејли Бибер покажа еден од новите модели на Инстаграм. 

Хејли Бибер облече мини бикини од колекцијата на Кајли Џенер (ФОТО)

Бибер и Џенер се познати по честите фотографии во костими за капење, па затоа не е изненадување што Хејли беше меѓу првите што носеа парче од колекцијата на нејзината најдобра пријателка.

Во понеделник, 29 јули, Бибер сподели серија нови фотографии на Инстаграм, каде што има 58,2 милиони следбеници. Меѓу нив беше и селфи направено на даска за веслање, на кое позира во розово бикини. На фотографијата, таа е без шминка, а нејзиното лице изгледа свежо и сјајно.

Бикини од новата колекција

Станува збор за дводелен костим за капење со метален ефект во светло розова, речиси магента нијанса. Комплетот се состои од многу мал горен дел и долен дел од потесен крој. Цената на комплетот од колекцијата Khy x Frankies Bikinis е 235 евра. Горниот дел чини 130 евра, а долниот дел чини 105 евра.

Иако колекцијата ја промовираа Кајли Џенер и Хејли Бибер, костимот за капење е сè уште достапен за купување во неколку големини.

@frankiesbikinis someone is always watching in this city. fever dream, the second chapter of @Khy by Kylie Jenner ♬ original sound - Frankies Bikinis

Одраз на модните трендови

Целата колекција се карактеризира со животински дезени, контрастни рабови и бои инспирирани од естетиката на почетокот на 2000-тите, со што ги следи актуелните трендови во дизајнот на костими за капење.

Тагови: хејли бибер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер