„Можеме да кажеме дека вредноста на нарачката на Турција е една милијарда долари“, изјави Шугајев во интервју за турската телевизија Екотурк.
Шугајев исто така рече дека преговорите за втората серија на С-400 со Турција се во напредна фаза и дека Москва очекува конечен одговор на Анкара.
„Имајќи ги предвид ограничувањата, воведени како резултат на пандемијата, не може да се прават прогнози за роковите за склучување на тој договор. Сепак, разговорите за испорака на втората серија на С-400 се во напредна фаза и ние чекаме конечен одговор од Турција“, рече Шугајев.
Тој ја најави и соработката на двете држави во развојот на системите за воздушна одбрана и опрема за авијација. „Верувам дека потенцијалот за соработка не е исцрпен.“, рече Шугајев.
Турција е меѓу петте најголеми увозници на руско оружје, врз основа на набавките направени во текот на изминатата година. Во текот на 2019 година, склучени биле договори во вредност од 17 милијарди долари.
Најголемите увозници на руско оружје, покрај Турција, сега се и Индија, Кина и Египет.