Трипуновски: Фармерот Никола од струмичко ќе биде обесштетен - Канал 5

Македонија

Трипуновски: Фармерот Никола од струмичко ќе биде обесштетен

Министерот за земјоделство, шумарство и водостопанство, Цветан Трипуновски денеска го посети бачилото на овчарот Никола Колев во струмичко Костурино, кому поплавата во понеделникот му однесе 56 овци и над 120 јагниња .

Трипуновски: Фармерот Никола од струмичко ќе биде обесштетен

Министерот за земјоделство, шумарство и водостопанство, Цветан Трипуновски денеска го посети бачилото на овчарот Никола Колев во струмичко Костурино, кому поплавата во понеделникот му однесе 56 овци и над 120 јагниња и притоа вети институционална и општествена помош.

Посочи дека Општината на вчерашната седница на Советот има формирано Комисија за проценка на штети од ова невреме, која е составена и од претставници на Министерството за земјоделство и кои ќе направат проценка во делот на тоа што навистина има оштетување на неговиот имот и согласно процедурата и законот да биде обесштетен од страна на Владата.

-Дополнително, анимирани се сите членки на Сојузот на одгледувачи на овци и секоја од членките во рамките на своите можности да помогне со жива стока којашто ќе му биде дадена на Никола за да може да продолжи да опстојува како и претходно со одгледување на овци, но и со многу општествено одговорни компании од регионов сум во комуникација кои ќе помогнат со градежни материјали за да се изгради нова штала на сточарот Никола за да може да ги одгледува и преживеаните овци, но и оние коишто ќе се соберат. Дополнително јавното комунално претпријатие ќе преземе активности за чистење на одредена каналска мрежа за да не дојде до нови поплавувања и нови штети на овој дел, односно на нашиот драг фармер Никола, рече министерот Трипуновски.

Претседателот на Сојуз на одгледувачи на овци, Насер Џемаили ги повика другите одгледувачи од државата на солидарност.

-Ние како Сојуз ќе се обидеме да му го вратиме бројот на овците коишто ги изгубил. Би сакал да ги информирам сите членови – одгледувачи на овци кои можат да помогнат барем со една овца, две или колку се во можност да му излеземе во пресрет на Никола, рече Џемаили.

Сопственикот на фармата, Никола Колев сè уште е во шок од претрпената штета. Вели дека покрај стадото настрадала и шталата и сè се случило за 10 минути, а одгледувањето овци му е извор на егзистениција.

-Јас барав помош и дојдоа татко ми, брат ми и овчарот, но не успавме да ги спасиме јагнињата. Спасивме четириесетина овци. Живееме само од одгледување на овците, рече Колев.

Инаку, освен бачилото кај селото Костурино, обилниот дожд во понеделникот предизвика поплавување на дворови и земјоделски површини во селата Сачево и Муртино.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка.

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието на денешната надзорна расправа за причините за воведувањето администрација во Алта банка АД Битола, улогата и постапувањето на Народната банка и институционалната одговорност, ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка пред случајот да стане предмет на јавна дебата и дали за тоа биле известени Владата или други надлежни институции.

Петровска го заснова прашањето на надлежностите утврдени во членовите 2, 3 и 4 од Законот за Агенција за разузнавање. Притоа посочи дека Агенцијата нема регулаторна улога во банкарскиот систем.

„Дали Агенцијата имала сознанија за можни ризици по безбедноста во смисла на нарушување на политичката и економската стабилност, но и за можни трансакции кон земји кон кои имаме воведено санкции, пред случајот со Алта банка да стане предмет на дебата во јавноста? Дали за тоа беа известени Владата или други надлежни институции?“, праша Петровска.

Во дополнителното прашање, Петровска побара одговор дали Агенцијата располага со потврдени или непотврдени сознанија за евентуални контакти со Давор Мацура во врска со Алта банка. Прашањето се однесуваше на можни контакти во текот на 2026 година, директно или преку посредници, со лица од политички партии во земјава или лица поврзани со нив, како и со лица од бизнис или медиумските кругови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повторно гори во теснецот (ВИДЕО)

Иранската војска денеска соопшти дека два нафтени танкера се запалиле откако удриле во поморски мини во Ормускиот теснец.

Повторно гори во теснецот (ВИДЕО)

Морнарицата на Иранската револуционерна гарда (ИРГЦ) наведе дека два нафтени танкера – кои ги прекршиле прописите – ги исклучиле своите системи за навигација и идентификација и се обиделе да го напуштат Ормускиот теснец преку неовластена рута, под закрила на американските воени сили. Притоа, тие удриле во поморски мини и се запалиле, пренесува агенцијата ИРНА.

Во соопштението се додава дека, и покрај напорите на американскиот воен персонал да ги изгаснат пожарите, пловилата остануваат зафатени од пламени и се напуштени.

Во соопштението, упатено до сопствениците на бродовите, се напоменува дека за безбедно поминување низ Ормускиот теснец е неопходна „координација со иранските вооружени сили“.

Тагови: Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторно зачестени измамнички пораки за наводна наплата на сообраќајни прекршоци

МВР апелира на внимателност

Повторно зачестени измамнички пораки за наводна наплата на сообраќајни прекршоци

Министерството за внатрешни работи ја информира јавноста дека во изминатиот период повторно е забележана зачестена појава на измамнички пораки преку СМС, електронска пошта и социјалните мрежи, со кои граѓаните се доведуваат во заблуда дека треба да извршат уплата за наводно направен сообраќаен прекршок регистриран од системот „Безбеден град“.

Станува збор за обиди за фишинг измами, при што преку лажни пораки и линкови се бара од граѓаните да пристапат до веб-страници и да внесат лични и банкарски податоци, со цел нивна злоупотреба.

МВР апелира до граѓаните да бидат особено внимателни и да не отвораат сомнителни линкови, да не внесуваат податоци од платежни картички, лозинки и други лични информации на непроверени веб-страници, ниту да вршат уплати преку линкови добиени во сомнителни пораки.

Воедно, потсетуваме дека официјалните СМС известувања за сообраќајни прекршоци од системот „Безбеден град“ се испраќаат од испраќачот „MVR-SC“, задолжително ја содржат регистарската ознака на возилото со кое е направен прекршокот, а линкот води до официјалната веб-страница со домен http://safecountry.mvr.gov.mk

Секторот за компјутерски криминал при Министерството за внатрешни работи презема мерки и активности за откривање и санкционирање на сторителите на ваков вид измами.

Тагови: пораки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер