Тригодишно девојче не носело маска во авион,откажан е летот(ВИДЕО) - Канал 5

Живот

Тригодишно девојче не носело маска во авион,откажан е летот(ВИДЕО)

Патнички авион во Канада го откажа летот бидејќи тригодишно девојчето не носело маска, а била повикана и полиција, пренесува Би-Би-Си.

Тригодишно девојче не носело маска во авион,откажан е летот(ВИДЕО)

Садван Чудри, патник кој требало да лета со Вест Џет, вели дека авиокомпанијата инсистирала неговата 19-месечна ќерка да носи заштитна маска.

Но, од авиокомпанијата велат дека проблемот не бил во 19-месечното девојче, кое дури не морало да носи маска, туку во тригодишната ќерка на Чудри.

Би-Би-Си пишува дека летот 652 од Калгари до Торонто бил откажан во вторникот наутро. На патниците им било речено да го напуштат авионот.

,,Никогаш не сум видел вакво нешто, а камоли да ми се случи мене “, изјави Чудри за Би-Би-Си.

Чудри за Би-Би-Си изјави дека неговата постара ќерка, која има три години, јадела пред полетувањето. Во тој момент стјуардесите се приближиле до Чудри и ги замолиле двете ќерки да им стават маски на лицата. Тој вели дека и тој и неговата сопруга носеле маски.

Тој вели дека ги замолил стјуардесите да бидат трпеливи за да може неговата постара ќерка да заврши со јадењето, но му било кажано дека имаат „политика на нулта толеранција“ и дека нема да ја затворат вратата на авионот пред да и ја стават маската. Чудри вели дека се согласил и ветил дека веднаш ќе им стави маски.

„Обично треба малку да ги убедите децата за тоа, што значи дека морав да го извадам iPad-от“, изјави тој за Би-Би-Си, додавајќи дека неговата тригодишна ќерка, по краткото негодување, ставила маска на лицето.

„Но, мојата помлада ќерка се противеше, таа беше практично хистерична“, рече Чудри, додавајќи дека била толку вознемирена што повраќала.

Тој тврди дека вработените во WestJet биле агресивни и му рекле дека целото семејство ќе мора да го напушти авионот затоа што неговата најмала ќерка не носела маска. Тој додава дека му било кажано дека ако не го напуштат авионот, може да бидат уапсени, обвинети и да завршат во затвор.

Чудри вели дека и тој и неговата сопруга не предизвикале инцидент и на крајот се согласиле да го напуштат авионот.

Подоцна дознал дека официјалните патнички правила во Канада налагаат само деца над две години да носат маска, поради што неговата 19-месечна ќерка не морала да носи маска.

Во WestJet го негираат тврдењето на Чаудри дека тригодишното дете ставило маска на лицето.

„Родителите одбија да стават маска на дете над две години, поради што нашиот екипаж ги информира возрасните за прописите што треба да ги почитуваме. Нашиот екипаж побара присуство на власти откако патниците одбија да ги почитуваат канадските мерки за превоз, а потоа одби да го напушти авионот “, се вели во соопштението на Вест Џет.

Видеото снимено од Чудри на неговиот мобилен телефон е објавено на Твитер ја покажува неговата постара ќерка како носи маска откако полицијата влегла во авионот.

Чудри изјавува дека дел од патниците биле лути на неговото семејство, иако „огромното мнозинство“ го поддржувало. Многумина станале и застанале во негова одбрана, додека најмладата ќерка плачела.

Во тој момент, екипажот на авионот повикал полиција, вели Чудри, по што тие го напуштиле авионот. Летот потоа е откажан и преместен за следниот ден.

„Со оглед на ескалацијата на ситуацијата во авионот, нашиот екипаж не се чувствуваше пријатно и летот на крајот беше откажан“, рекоа од ВестЏет.

На снимката се гледа како полицаец му вели на семејството дека „ситуацијата со маската е решена, но екипажот се чувствува несигурен поради однесувањето на другите патници“.

YouTube video

На снимката се гледа и како некои од патниците вербално се судираат со полицијата и екипажот на авионот.

Полициски службеник кој интервенирал во авионот подоцна потврдил дека тригодишната ќерка на Чудри носела маска во моментот кога се качил на авионот.

Полицијата не поднесе никакви обвиненија во врска со случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер