Тригодишно дете ја преживеало несреќата во Лисабон- татко му загинал , мајка му се бори за живот (ВИДЕО) - Канал 5

Свет

Тригодишно дете ја преживеало несреќата во Лисабон- татко му загинал , мајка му се бори за живот (ВИДЕО)

Португалија прогласи ден на национална жалост по трагедијата што се случи вчера попладне, кога познатата жичарница „Глорија“ излета од шините и се заби во зграда.

Тригодишно дете ја преживеало несреќата во Лисабон- татко му загинал , мајка му се бори за живот (ВИДЕО)

Петнаесет лица загинаа, вклучувајќи и татко од Германија.

Сè уште малку се знае за жртвите и повредените, но се знае дека меѓу нив има странски државјани. Според португалските медиуми, семејство од Германија исто така било на жичарницата.

Тригодишно момче ја преживеало несреќата со полесни повреди. За жал, неговиот татко починал во несреќата, додека неговата мајка била однесена во болница во тешка состојба.

Детето моментално е под надзор на властите.

Германското Министерство за надворешни работи сè уште не ја потврдило веста.

„Нашите мисли се со жртвите од трагичната несреќа со жичарницата во Лисабон. Тагуваме со нивните семејства и им посакуваме на повредените брзо закрепнување. Во контакт сме со португалските власти за да им пружиме поддршка“, напиша министерството во соопштение утрово.

Полициски извор изјави за „Обсервадор“ дека едно германско семејство било на жичарницата: таткото починал на местото на настанот, а мајката е во критична состојба. Тригодишниот син на двојката ја преживеал несреќата со полесни повреди и бил спасен од службеник за јавна безбедност.

YouTube video

„Тој е член на нашиот Оддел за кривични истраги, еден од првите што пристигна на местото на настанот. Тие беа во областа и работеа на спречување на криминал“, потврди изворот за „Обсервадор“.

Според CNN Portugal, мајката на детето е хоспитализирана на интензивна нега поради сериозноста на повредите. Детето, кое сега е под надзор на властите, ќе биде прегледано од педијатар.

Од 23 повредени во несреќата, за двајца се знае дека се Шпанци, а една Италијанка има скршена рака. Досега е познато дека еден странски државјанин - татко од Германија - е меѓу жртвите.

Полицијата ја истражува причината за несреќата, а според порталот Сапо, се тврди дека се скинал кабелот.

YouTube video

Една жена изјави за телевизиската станица SIC дека жичарницата се движела по стрмната улица „со полна брзина“.

„Жичарницата ја удри зградата со брутална сила и се распадна како картонска кутија“, рекле очевидци.

Жичницата превезувала повеќе од 40 луѓе.

Фотографија од местото на настанот покажува дека кабината на жичницата, слична на трамвај, е практично уништена.

Властите веруваат дека несреќата е предизвикана од лабав кабел или дефект на сопирачките.

Португалската влада прогласи ден на национална жалост и тридневна жалост во Лисабон.

Бригадата на судската полиција беше повикана да ја испита причината за несреќата на жичницата Глорија, која може да прими до 42 патници и е обележје на Лисабон кое е многу популарно кај туристите.

Жичницата Глорија е отворена пред повеќе од еден век, во 1885 година.

Тагови: дете Лисабон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер