Триесет и еден питомец и 28 слушатели положија заклетва на воената академија - Канал 5

Македонија

Триесет и еден питомец и 28 слушатели положија заклетва на воената академија

Вкупно 59 кандидати од кои 31 питомец и 28 слушатели од курсот за официри и штабни службеници дадоа свечена заклетва во Воената академија „Генерал Михаило Апостолски“ во Скопје. 

Триесет и еден питомец и 28 слушатели положија заклетва на воената академија

Да се биде дел од воената академија претставува огромна чест, но за тоа е потребна и огромна дисциплина – порачаа дел од питомците. Тие велат дека денеска го направиле првиот чекор кој остватување на нивната животна цел..

-Претставува чест да се биде дел од воената академија, бидејки тука се стекнувам со врвно знаење од моите професори и спремност и обученост за да бидам дел од Армијата на Македонија,-Јана Василевска – питомец.

-Питомец на војната академија претставува да бидеш дисциплиниран човек, да знаеш да ја средиш својата дисциплина и очекувам дека нашите професори и старешини ќе ни дадат врвно знаење и во академскиот и во воениот дел,-Росе Ѓорѓевски – питомец.

Заклетвата е израз на верност и решителност, а не само само патриотски зборови –кажа претседателката и врховната командантка Гордана Сиљановска Давкова обраќајќи им се на новите питомци. Таа нагласи дека тие имаат клучна улога во зачувувањето на безбедноста, особено во време на воени конфлитки и геополитички промени..Министерот за одбрана Владо Мисајловски пак со порака - униформата да биде потсетник на одговорноста, интегритетот и лојалноста кон татковината.

- Заклетвата која што денеска ја полагате не е само обврска кон државата, туку обврска кон вас, но и кон сите нас. Вие гласно ветувате дека ќе и се спротиставувате на неправдата, ќе ја браните вистината, чесно ќе ја носите униформата секаде и секогаш,-Гордана Сиљановска Давкова – претседателка на Македонија.

- Униформата која што со денеска ја носите со гордост нека ве потсетува секогаш нека ве потсетува на одговорноста и вредностите кои ги браните, затоа што од денеска вие припаѓате на едно големо армиско семејство, каде интегритетот и лојалноста кон татковината се вредности кои се пренесуваат од генерација на генерација и секогаш се силни и инспиративни,-Владо Мисајловски – министер за одбрана.

Покрај домашните, дел од 29-тата класа на питомци и слушатели ќе бидат и петмина од Босна и Херцеговина, како и двајца од Црна Гора. На настанот меѓу присутните беа и началникот на Генералштабот на армијата, генерал-мајор Сашко Лафчиски, високи претставници од Министерството за одбрана и армијата и претставници од воено – дипломатскиот кор.

YouTube video

Тагови: АРМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од утре парно – ниските температури порано ја почнаа грејната сезона

Два дена пред официјалниот почеток на грејната сезона, односно утре, корисниците приклучени на системите за греење со кои управува ЕСМ, ќе добијат парно греење. 

Од утре парно – ниските температури порано ја почнаа грејната сезона

Причината, велат од ЕСМ, е најавената средна надворешна температура од 12 целзиусови степени, со што се исполнуваат условите за испорака на топлинска енергија.

- Според податоците од Управата за хидрометеоролошки работи (УХМР), за 13 октомври е прогнозирана средна надворешна температура од 12 °c, со што се исполнети условите за производство, испорака и снабдување со топлинска енергија, согласно одлуката на РКЕ. До 15 октомври, на веб-страницата на ЕСМ снабдување секојдневно ќе се објавуваат информации за тоа дали се исполнети условите за испорака на топлинска енергија за наредниот ден – информира денеска АД ЕСМ.

Оттаму посочуваат дека според правилата, во месец октомври и првата половина од ноември, кога временските услови често се менуваат, снабдувањето со топлинска енергија ќе зависи од температурата на воздухот и атмосферските услови во различни периоди од денот, односно кога температурите се пониски, испораката на топлинска енергија се зголемува, а кога се повисоки, се намалува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамијата Мицкоски повторно зборува бајки за платите а не даде поддршка за минимална плата од 600 евра

  Нова бројка. Нова бајка на арамијата Мицкоски. 

СДСМ: Арамијата Мицкоски повторно зборува бајки за платите а не даде поддршка за минимална плата од 600 евра

Најавува 1.000 евра плата.

Во Собрание не прифаќа 600 евра минимална плата ама надвор сака да раскажува бајки.

Додека работниците едвај врзвуваат крај со крај има ново прзно ветување ама нема решение.

Просечната плата не се зголемува со говор.

Животниот стандард не се подобрува со бајки. На работникот му треба повисока плата на сметка денеска. Му требаат пари за храна, за сметки, за своите деца.

СДСМ поднесе предлог за минимална плата од 600 евра.

ВМРО-ОКГ не го поддржа. Руската Левица не беше во салата. ЗНАМ не даде глас.

Кога требаше да се застане зад работникот, поддршката изостана од Мицкоски, ВМРО, и нивните сателити како ЗНАМ и Левица.

Толку од бајките на Мицкоски и неговите сателити на далечинско.

Граѓаните живеат тешко. Работниците едвај го поминуваат месецот.

Две минимални плати не ја покриваат ниту скратената владината кошница. Синдикалната кошничка со кирија надминува 90.000 денари.

Храната е прескапа. Горивата до плафон. Платите не стигнуваат ниту до средина на месецот.

Ребалансот е потврда за целиот дебакл на економските политики на Мицкоски. Втор ребаланс за само две месеци како признание за промашувањата.

Нема пари за плати, нема за пензии, нема за работниците, дупката е 900 милиони евра, за пензиите фалат 1 милијарда евра. Целосен дебакл.

Затоа се трупаат нов и долгови врз грбот на народот.

За само 2 години Мицкоски го зголеми долгот за 4 милијарди евра.

Не за поголеми плати и пензии, туку за криминални тендери.

На бајките на арамијата нема крај. Сметката ја плаќа народот.

Прес конференција на СДСМ, Маја Серафимовска -Борозан

YouTube video

Скопје, 12.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Ива Михаилова е на Стоп-листата, нема евидентиран излез од Македонија

Министерството за внатрешни работи изврши проверки во системот за гранична контрола, при што е утврдено дека за лицето Ива Михајлова, за кое е во сила активна судска забрана, нема евидентиран излез од територијата на Македонија.

МВР: Ива Михаилова е на Стоп-листата, нема евидентиран излез од Македонија

Дополнително, преку Заедничкиот контакт-центар со Република Бугарија, извршени се проверки и од страна на бугарската гранична полиција, од каде што е добиена информација дека за наведеното лице нема евидентиран легален влез на територијата на Република Бугарија.

Според податоците од граничните евиденции, лицето последен пат остварило влез во Република Бугарија во септември 2025 година, додека во октомври 2025 година е евидентиран негов излез од Република Бугарија, односно влез во Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер