Како што кажа градоначалникот на општина Кавадарци и сопстеник на компанијата, Митко Јанчев, годишно се произведуваат над 50 милиони литри вода само за македонски пазар, со што покриваат околу 45 проценти од потребите. Јанчев официјално го најави и новиот бренд природна изворска вода Аква Мила.

-Пред точно три децении моите покојни татко и чичко имале визија, многу љубов кон природата Кожуф. Тие ја поставија основата на она што сме ние денес. Денес минералната вода Кожувачнка слави 30 години како бренд. Се прозиведува и како функционална вода со два вкуса, а е прва на пазарот пакувана во линк. Изворската вода, пак, е најпродаваната изворска вода Македонија, полнета во еко-амбалажа и сега достигнува над 10 различни литражи.Капацитетот ќе се зголеми за уште над 30 милиони литри, што ќе не донесе до вкупно 105 милиони литри производство на вода на годишно ниво, изјави Митко Јанчев сопстеник на компанијата.

Компанијата добила дозвола и концесија во 1995, а со тоа е првата приватна минерална вода во Македонија. Десет години подоцна, Кожувчанка потпиша договор со германскиот бренд Синалко. Во 2008 година, пак, компанијата го промовира и го пушта во промет брендот на природната вода „Изворска“. Денес, компанијата брои 150 директно вработени лица, но уште поголем број индиректни соработници, а производите се извезуваат во Европа, Северна Америка и Австралија.

-Од скромен почеток на мојата фамилија со неколку вработени и еден производ со истото име, во овие 30 години изградивме повеќе брендови и преку 70 производи кои се присутни во секоја фамилија. Кожувчанка денес не е само домашен бренд. Нашите производи се присутни и на странските пазари, гордо носејќи го македонскиот квалитет и надвор од нашите граници. Со силна дистрибутивна мрежа и со фокус на постојано подобрување целиме кон уште пошироко меѓународно присуство.

Јанчев рече дека се разговара и со светски компании кои влегуваат на македонскиот пазар и очекува Кожувчанка да прерасне во бренд кој ќе има регионален извоз на вода. Заедно со Чупаркоска изразија благодарност до своите вработени, Стопанската комора и до партнерите од Синалко брендот, за кои велат дека се силните темели врз кои ја градат иднината на компанијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.