Трибина за младите автори на македонската книжевна сцена - Канал 5

Култура

Трибина за младите автори на македонската книжевна сцена

„Какво време донесе ветерот во македонската книжевна стварност?“

Трибина за младите автори на македонската книжевна сцена

Така беше насловена трибината што денеска ја организираше Културно-информативниот центар – Скопје, по повод 10 години од објавувањето на „Ветерот носи убаво време“ – антологија на најмладата македонска поезија и проза.

Антологијата содржеше поетски и прозни творби на 35 млади автори, кои во 2012 имаа од 20 до 30 години и најголем дел произлезени од Филолошкиот факултет на УКИМ. Некои од нив беа дебитанти, а денес го освојуваат македонскиот книжевен простор. Трибината отвори повеќе прашања, меѓу кои и дали оттогаш се случила промена во рецепцијата на читателите за современата македонска книжевност и дали се појавија нови генерации со истиот творечки ентузијазам.

Професорката Весна Мојсова-Чепишевска, која заедно со поетот Иван Антоновски пред една деценија ја приреди антологијата симболично именувана по стихозбирка на Ацо Шопов, истакна дека ја организирале трибината за да се види „дали дува некој нов ветер“ и дали „новата македонска книжевна пролет може да биде претставена преку нова антологија“.

-Во таа 2012 успеваме на едно место да собереме една убава енергија и сега, по десет години, сакаме да видиме каде се тие 35 тогашни млади фиданки, како што ги викавме. Добар дел од нив добро се развиле и се етаблирани имиња, познати, преведувани, доста наградувани. Секако, некои од нив и се изгубија, отидоа во некои други води или, пак, пишувањето не им е единствена провокација или егзистенција. Некои од нив прераснаа во сериозни издавачки куќи и промотори на нови книжевни фестивали. Сега имаме пет-шест нови имиња, исто толку млади како што тогаш беа овие во антологијата и треба да видиме дали носи некој нов ветер оваа генерација, родени на крајот на 20-тиот, а го освојуваат 21 век. Можеби е време за некоја нова антологија, рече Мојсова-Чепишевска.

Иван Антоновски, кој со неа ја приреди антологијата и беше застапен во изданието што пред десет години го објави „Матица македонска“, истакна дека со продорот на неговата генерација творци се случила нова развојна етапа на современата македонска литература – и во поезијата, и во прозата.

-Пред десет години забележавме дека она што е заедничка точка за сите тие автори е насоченоста кон враќањето на јас и на стварноста во книжевниот текст односно напуштање на дотогашната задушеност од постмодернистичките техники… Со оваа развојна етапа се случи пресврт со тоа што македонскиот автор стана повидлив и за странската читателска публика – се случија нови преводи и присуство на македонската книжевност надвор од нашиот простор токму преку поетиката на овие автори како еден нов бран. Целта на таа антологија беше да придонесе во оформување на една книжевна сцена во вистинска смисла токму преку продорот на тие, тогаш нови и млади гласови. Покрај тоа, стоеше и идејата дека треба да се излезе од сенката на живите книжевни споменици, рече Антоновски.

Според писателката Јулијана Величковска, која е меѓу 35-те автори во антологијата, многу нешта се поразлични денес на книжевната сцена кај нас во споредба од пред десет години кога, како што рече, беше „во поприлично лоша состојба угледот на македонскиот автор“.

-Не само што сум дел од една генерација која сакаше да смени нешто на подобро и се активираше, некогаш дури и со инает и со глава во ѕид да ги подобри состојбите. Како некој кој имаше своја книжарница, знам колку ретко се купуваа книги од домашните автори. Како генерација и покрај тоа што самите се трудевме да ги подобриме нештата, имавме среќа да се најдеме во подобри околности – самиот факт што имавме пристап до интернет и што се отворија некои алтернативни простори на кои можеме да го покажеме тоа што го умееме, нашето творештво преку настани и читања, сето тоа придонесе да имаме една плодна генерација автори кои не се само писатели на свои лични трудови, туку дел од нив сме и преведувачи, издавачи и организатори на книжевни фестивали, изјави Величковска.

Таа работи со млади автори, објавува нивни дела и, рече, особено е задоволна од нивниот ентузијазам и сериозниот пристап кон тоа што го работат.

-За тоа сведочи и Скопскиот поетски фестивал што го организиравме пред неколку месеци, на кој имаше бројни млади луѓе – и учесници, и во публиката. Очекувам дека генерацијата што доаѓа по нас ќе направи многу повеќе од она што успеавме да го направиме ние, додаде Величковска.

Жарко Кујунџиски истакна дека антологијата од 2012 од самиот почеток била добро пречекана и со серија промоции, а тоа што веќе долго време не може да се најде зборува колку била успешна и значајна.

-Таа опфати генерација луѓе кои низ годините помал дел престанаа да создаваат, но поголем дел од нив формираа еден столб на македонската литература, ако не и повеќе од тоа, зашто дел од нив станаа интелектуалци, влијателни личности, луѓе кои се произнесуваат со свои ставови и размисли во медиумите на повеќе теми, истакна Кујунџиски.

По десет години подоцна, рече, може да се согледа значјаноста на таа антологија, но и да се иницира некоја нова во која би биле опфатени генерацијата од следната декада.

-Во овие десетина години мислам дека излегоа двојно повеќе автори, особено во поезијата, но и во прозата, и тој што би ја создавал таа антологија навистина би имал полни раце работа. Многу повеќе се демократизираше пазарот, се создадоа издавачки куќи кои се заинтересирани за македонска литература, што не беше така пред 10-15 години, има поголем број награди и сето тоа придонесе интересот и бројот на автори да се зголеми и да бидат сѐ помотивирани да создаваат, додаде Кујунџиски. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

25 години од масакрот кај Љуботенски Бачила: Армијата ќе им оддаде почит на осумтемина загинати

Со положување венци и свежо цвеќе, денеска ќе се одбележат 25 години од загинувањето на 8 припадници на резервниот состав на армијата кај месноста Љуботенски Бачила.

25 години од масакрот кај Љуботенски Бачила: Армијата ќе им оддаде почит на осумтемина загинати

Делегација од Генералштабот на Армијата и Министерството за одбрана, предводена од началникот на Генералштабот, генерал-мајор Сашко Лафчиски, денеска ќе им оддаде почит на осумтемина припадници на резервниот состав на Армијата кои загинаа во 2001 година кај месноста Љуботенски Бачила.

На 10 август 2001 година воено товарно возило нагази на две против тенковски мини на патот кон месноста љуботенски бачила на Скопска Црна Гора, поставени од припадници на она, при што загинаа Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски...

Делегација од армијата и министерството за одбрана, предводена од началникот на генералштабот, генерал-мајор Сашко Лафчиски, ќе положи венци со свежо цвеќе на споменикот на паднатите бранители во село Волково, пред споменикот на загинати бранители во село Љубанци и пред спомен-плоча во касарната „Илинден“, најавија од министерството за одбрана...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и многу топло време

Денеска ќе преовладува сончево и многу топло време, со мала до умерена локална облачност. 

Сончево и многу топло време

УХМР ги измери температурите во градовите низ Македонија, ова утро во осум часот. Од рано наутро, температурата во Кавдарци е 26 степени, со што е најтопол град.

На Попова Шапка се измерени 18 степени, а тоа е најниската температура утрово во осум часот во Македонија.

Во Скопје во осум часот УХМР измери 24 степени.

Денеска ќе преовладува сончево и многу топло време, со мала до умерена локална облачност. Во попладневните часови наместа ќе има услови за изолирана нестабилност, проследена со краткотраен пороен дожд и грмежи. Ќе дува слаб до умерен ветер од северен правец.

Минималните температури ќе се движат од 14 до 24 степени, додека максималните ќе достигнат од 32 до 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 10. август 2026 година

Дневен хороскоп за понеделник, 10. август 2026 година. 

Дневен хороскоп за 10. август 2026 година

Лав 23.7-22.8.

Љубов

Ќе настојувате дас е опуштите во пријатен круг на ваши блиски луѓе и така да го надминете незадоволството од приватните односи.

Кариера

Додека чекате одговори на некои опд порано поставени прашања, ги организирате луѓето и контактите. Одговорите и натаму ќе доцнат.

Здравје

Бидете трпеливи.

Девица 23.8.-23.9.

Љубов

Ќе се трудите да бидете поопуштени и да заземете пријателски став за да ја надминете дистанцата во приватните односи.

Кариера

Вашите заслуги не се спорни , но ќе очекувате повеќе да ве разгалуваат. Шефовите тоа ќе го препознаат , но ќе има такви кои ќе негодуваат.

Здравје

Ништо не мора да се направи по секоја цена.

Вага 24.9.-23.10

Љубов

Ако се обидете да најдете некоја стара тема во односот со саканата личност , тоа ќе ве растревожи , иако врската и натаму ви е многу добра.

Кариера

Ништо не можете да прескокнете , иако би посакале да е така.Секое скалило на успехот треба да го одработите од почеток до крај.

Здравје

Поработете на својата спонтаност.

Шкорпија 24.10-22.11.

Љубов

Некои ќе бидат преокупирани со семејни проблеми кои им задаваат главоболка, така што нема да имаат време за љубов.

Кариера

Контактите ви се добри , комуникациите пријатни , стабилни сте и цврстиво своите деловни планови.

Здравје

Не сте расположени , иако нема причина.

Стрелец 23.11.-21.12.

Љубов

Во квалитетните приватни односи , ќе се замешаат некои прашања кои се непотребни. Ќе се покаже подоцна дека тие биле само губење време.

Кариера

Не заборавајте да направите попис на важните и на помалку важните задачи на работа , а особено ако размислувате за измени.

Здравје

Почитувајте го трудот на другите.

Јарец 22.12.-20.1.

Љубов

Ќе наидете на мали разлики и повторно ќе се соедините во хармонична двојка. Ќе бидете задоволни и подготвениз а секаков вид уживање.

Кариера

Вашите шефови денеска ќе покажат смисол за креативност , но ќе бидат необјективни во одлучувањето.

Здравје

Проверувајте го рокот на продуктите што ги конзумирате.

Водолија 21.1.-19.2.

Љубов

Некои премногу ќе се занимаваат со анализи , а помалку со љубовни дела.Во случај нешто да ви недостасува , свртете се кон ова второто.

Кариера

Би сакале да добиете одговори на одредени теми , па поставувате дополнителни прашања. Нешто ќе дознаете , но тоа не е се.

Здравје

Верувајте во подобро утре.

Риби 20.2.- 20.3.

Љубов

Пријатни сте за околината , ве сакаат и ценат , зрачите со самоувереност.Сите тие се добитни комбинации за љубов.

Кариера

Чувствувате дека во вас расте плима од амбиции и дека можете да работите повеќе и подобро. Затоа знаете дека и резултатите ќе бидат одлични.

Здравје

Продолжете понатаму.

Овен 21.3-20.4.

Љубов

Мали нервози ќе внесуваат преоден немир во односите , но и ќе ве поттикнуваат повеќе да се ангажирате.

Кариера

Ќе ви недостига чувството на слобода. Притисоците за да ги завршите навреме обврските сега ги чувствувате како товар.

Здравје

Вежбајте јога.

Бик 21.4- 20.5.

Љубов

Денешниот ден ќе ве поттикне кон сите лични проблеми да пристапите филозофски и со стил.

Кариера

Добивате шанса зада го покажете своето знаење во областа на креативната уметност или декорација.

Здравје

Одморете го долниот дел од рбетот.

Близнаци 21.5.-21.6.

Љубов

Би можеле да барате изговор за вашите мали испади. Немојте да лажете , туку бидете искрени.

Кариера

Веројатен е контакт или деловна кореспонденција со луѓе поврзани со море или вода. Добро ќе соработувате.

Здравје

Бидете појасни.

Рак 22.6-22.7.

Љубов

Вашиот љубовен период продолжува и денеска. Ќе бидете интерсни , како за себе , така и за другите.

Кариера

Денеска во финанасиските прашања би можеле да се покажете како вистибнски волшебник , кој може да реши секаков проблем.

Здравје

Во одлична форма сте.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер