Три инфраструктурни и 22 проекти од годишна програма на НУЦК „Трајко Прокопиев" Куманово - Канал 5

Три инфраструктурни и 22 проекти од годишна програма на НУЦК „Трајко Прокопиев" Куманово

 Годинава ќе започне проектот за гасификација на објектот на НУЦК „Трајко Прокопиев", за којшто се подготвува тендерската документација за првата фаза, односно проверката на постоечкиот систем. 

Три инфраструктурни и 22 проекти од годишна програма на НУЦК „Трајко Прокопиев" Куманово

Министерството за култура одвои 12 милиони и 450 илјади денари за реализација на инфраструктурни проекти за Националната установа- Центар за култура „Трајко Прокопиев" Куманово под чии ингеренции се зградата на центарот и кумановскиот театар, информираа денеска надлежните од установата. Дополнително над пет милиони денари, Министерството одвои за реализација на годишната програма.

– Годинава ќе започне проектот за гасификација на објектот на НУЦК „Трајко Прокопиев", за којшто се подготвува тендерската документација за првата фаза, односно проверката на постоечкиот систем. Истовремено се подготвува и тендерската документација за првата фаза за реконструкција на објектот на Театар Куманово, којшто е многу посложен и којшто вклучува повеќе фази-изјави директорот на установата, Сашо Тодоровски.

НУЦК „Трајко Прокопиев" аплицирал со три проекти за подобрување на условите за работата на институцијата. Проектот за изведба на систем за гасификација на НУЦК „Трајко Прокопиев, вклучува проверка на постоечкиот систем, односно дефектажа и чистење, зајакнување на конструкцијата на просториите каде што се предвидени котлите за гас, како и набавка на потребната опрема. За овој проект одобрени се средства во висина од 2.300 000 денари. Центарот повеќе од деценија нема греење што оневозможува да се реализира програмата во зимскиот период. Годинава, овој објект прославува 40 години од функционирањето. Реконструкцијата на објектот на кумановскиот театар, кој е посебна зграда вклучува темелна санација и реконструкција на целата зграда, набавка на нова сценска техника. За овој проект одобрени се средства во висина од десет милиони денари за правата фаза каде ќе се изведуваат само градежните работи. Последниот проект е за набавка на професионална музичка миксета за којшто се одвоени средства во висина од 150.000 денари.

Тодоровски информираше дека за годинава, ресорното министерство одвоило над пет милиони денари за вкупно 22 проекти од литературната и издавачката дејност, за визуелни уметности архитектура и дизајн, музичката и музичко сценска дејност, за драмска и фолклорна дејност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Уапсен раководител во ДЗС - барал мито за да издаде позитивно мислење

500 евра поткуп за позитивно мислење за изградба на објект. Ваква пријава добил директорот на Дирекцијата за заштита и спасување Стојанче Ангелов, од граѓанин кој му се пожалил дека советник за урбанистичко планирање од ДЗС, му побарал пари.

Уапсен раководител во ДЗС - барал мито за да издаде позитивно мислење

500 евра поткуп за позитивно мислење за изградба на објект. Ваква пријава добил директорот на Дирекцијата за заштита и спасување Стојанче Ангелов, од граѓанин кој му се пожалил дека советник за урбанистичко планирање од ДЗС, му побарал пари за издавање на потребното мислење. Ангелов вели дека веднаш го упатил лицето случајот да го пријави во МВР. По пријавата следувала полициска акција и апсење на вработениот, кој сега е осомничен за кривично дело примање поткуп.

-Пред неколку дена добив повик од граѓанин кој ми се пожали дека од страна на лице вработено во ДЗС како Советник за урбанистичко планирање му биле побарани 500 евра за да добие позитивно мислење потребно за изградба на објект. Засегнатото лице го упатив случајот веднаш да го пријави во Одделот за организиран криминал на МВР. Ја користам оваа прилика да се заблагодарам на безмалку сите вработени во ДЗС кои чесно, совесно и пожртвувано ги извршуваат своите работни обврски,- – Стојанче Ангелов, директор на ДЗС.

Од МВР информираат дека лицето било лишено од слобода во координација со Обвинителството. По целосно документирање на случајот најавија соодветна кривична пријава. Од ОЈО велат дека јавнообвинителска одлука ќе биде донесена утре.

-Се постапува за обезбедување докази. Лицето е задржано по насоки на јавен обвинител, а во текот на утрешниот ден ќе биде донесена јавнообвинителска одлука,- – ОЈО Скопје.

Ангелов ја поздрави акцијата и ги повика граѓаните кои се соочуваат со незаконско постапување од страна на вработени во Дирекцијата, случаите веднаш да ги пријават во надлежните институции.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Актерката Лидија Вукичевиќ полиена со јогурт пред Собранието на Србија

Мегапопуларната српска актерка Лидија Вукичевиќ пред да влезе во Собранието на Србија е полеана со јогурт.

Видео: Актерката Лидија Вукичевиќ полиена со јогурт пред Собранието на Србија

Една од идните пратенички од листата собрана околу СНС, Лидија Вукиќевиќ, е полиена со јогурт на скалите пред Собранието на Србија.

Лидија Вукичевиќ утрово беше полиена со јогурт од страна на Марија Радовановиќ, поранешна секретарка на Медицинскиот факултет во Белград, во моментот кога пристигнала пред Собранието на Србија.

Пратеничката од редовите на СНС дојде на конститутивната седница на Собранието на Србија во црно-бела комбинација, а носеше и капут со интересен крзнен детаљ околу вратот.

Посебно внимание привлече нејзиниот избор на модни додатоци – таа се одлучи за чанта и очила од брендот „Гучи“.

Станува збор за црн кожен часовник во „винтиџ“ стил, чија цена изнесува околу 3.000 евра, додека очилата од истиот бренд чинат околу 800 долари.

Откако беше полиена и влезе во Собранието, видно вознемирената актерка им се обрати на присутните медиуми, веднаш по лидерот на СНС, Александар Вучиќ. Актерката одлучи да не ги извади очилата, а бидејќи гласот ѝ трепереше, се претпоставува дека таа се расплакала.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Хаос во трговскиот центар „Галерија“ во Белград, на елеватор повредени десет деца

Хаос во трговскиот центар „Галерија“ во Белград, десет деца завршија во Ургентниот центар, тројца мораа да бидат оперирани

Видео: Хаос во трговскиот центар „Галерија“ во Белград, на елеватор повредени десет деца

Десет деца, на возраст од осум години, денес биле пренесени во Ургентниот центар на Универзитетскиот клинички центар на Србија во Белград, откако се здобиле со повреди – некои од нив и сериозни – во инцидент што се случи околу 14:35 часот во трговскиот центар „Галерија“.

Според очевидци, инцидентот наводно се случил на подвижните скали. Сите деца се подложени на дијагностика, а на три од примените деца им е потребна хируршка интервенција, соопшти Универзитетскиот клинички центар на Србија.

Како што претходно објави Танјуг, неколку деца се здобиле со тешки телесни повреди, скршеници и повреди на главата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер