Тргнал на риболов среде невреме и во живо ги пренесувал своите последни моменти (ВИДЕО)

Кајакарот Џереми Ворти сподели две снимки во живо на Фејсбук, не сфаќајќи дека тоа биле  последните зборови што тој ќе им ги упати на најблиските.

Тој се удавил неколку часа откако се осмелил да кајакари низ турбулентните води крај брегот на Нов Јужен Велс, Австралија.

Во 5,45 часот во саботата, тој споделил 10-минутно видео снимено од неговиот кајак додека се обидуваше да лови риби, но работата запрела поради разбрануваното море. На снимката, тој изгледа дека носи појас за спасување. Тој објасни дека ја проверил временската прогноза и затоа тргнал подоцна.

- Мислев дека тоа ќе биде проблем.

Помалку од еден час подоцна, Ворти повторно се приклучил на Фејсбук и објасни во живо дека бурните ветрови му го фрлаат кајакот лево - десно и дека едвај може да се одржува.

Ветерот бил толку силен што неговиот глас едвај можеше да се слушне во четири минутното видео, но можеше да се чуе како се расправа со самиот себеси во која насока е најбезбедно да се упати кон брегот.

Бирото за метеорологија на Нов Јужен Велс издаде временско предупредување во саботата попладне предупредувајќи ги граѓаните дека ветерот ќе крене бранови до 5 метри.

Во неделата, полицијата на Нов Јужен Велс соопшти дека 43-годишникот е пронајден мртов на Лонг Бич, и дека се верува дека се удавил.

Еден минувач во неделата околу 12:30 часот ја повикал службата за итни случаи, откако забележал празен кајак, јави полицијата. Локалната полиција го извлекла телото на човекот од вода и се обиделе да го реанимираат пред да пристигне Ургентната служба на местото на настанот.

- И покрај исклучителните напори, човекот починал на лице место, се вели во соопштението.

Полицијата не го откри неговиот идентитет, но неговите последни преноси во живо беа преплавени со коментари од неговите пријатели и познаници со изрази на сочувство и жалење што не можеле да му помогнат.

Пред да се приклучи на Фејсбук по втор пат, тој споделил фотографија од Google Earth на која се открива неговата локација.

- Сигурен сум дека тоа беше последниот повик за помош. Жал ми е пријателе, требаше да ги повикам службите за спасување кога видов како се бориш во бурното море. Мислев дека може да се справиш . Се чувствувам виновна затоа што не сфатив во каква тешка состојба се наоѓаш, напишал негов пријател.

Жерновски ги прими акредитивните писма од именуваниот прв амбасадор на Кипар Константинос Елијадес

Заменик министерот за надворешни работи Андреј Жерновски, по пат на видео конференциска врска ги прими акредитивните писма од страна на Константинос Елијадес.

Новоименуван нерезидентен амбасадор на Република Кипар за Република Македонија, со седиште во Белград.

Како што соопштија од кабинетот на заменик – министерот, Жерновски му посака добредојде и успех во вршењето на својата функција во Македонија, и тоа како прв именуван амбасадор на Република Кипар во Република Македонија по воспоставувањето на дипломатски односи меѓу двете држави.

Во разговорот, се посочува, беа разменети мислења околу повеќе актуелни теми, со акцент на европската интеграција и перспективи на Македонија.

-Взаемно беше изразено задоволство што на 01.07.2020 е направен уште еден многу значаен чекор кон Европската Унија, по усвојувањето на предлог преговарачката рамка од страна на Европската комисија. Жерновски се заблагодари за континуираната и одлучна поддршка на Република Кипар во нашиот европски интегративен процес, како и позитивната и конструктивна улога во процесот на решавањето на спорот со Грција. Воедно, изрази уверување дека Кипар ќе продолжи со подеднаков ангажман да се зазема за нашата понатамошна интеграција во Унијата, при што истакна дека очекуваме до крајот на годината да се одржи меѓувладината конференција која што е првиот конкретен чекор и форум за политички и реформски дијалог меѓу Македонија и Европската Унија, стои во соопштението.

Амбасадорот Елијадес, пак, ја реафирмираше поддршката на Кипар за започнување на пристапните преговори на Македонија со Европската Унија, како и за помош за исполнувањето на потребните реформски определби. Изрази задоволство што како прв амбасадор ќе има прилика да придонесе во интензивирањето македонско-кипарското пријателство, акцентирајќи го потенцијалот кој постои за натамошно продлабочување на соработката во областите од заеднички интерес.

На средбата, се нацедува, беше истакнато дека постои потенцијал за развојот на билатералните односи меѓу Македонија и Кипар, но и цврста и силно изразена волја за изградба на пријателски и срдечни односи на соработка во сите области од взаемен интерес. Фокусот ќе биде ставен на економската соработка и туризмот, преку организирање на бизнис форуми преку кои ќе се зајакне оваа соработка меѓу бизнис заедницата.

Соговорниците, се додава, разменија мислења и за состојбите во нашиот регион, како и најновиот развој на внатрешно-политичките состојби во нашата земја во пресрет на предвремените парламентарни избори.

Во Косово поради коронавирусот повторно воведен полициски час

Косовскиот премиер Авдулах Хоти соопшти дека од денеска ќе почнат да се применуваат новите мерки, донесени со цел да се спречи ширењето на коронавирусот.

Хоти вчера на прес-конференција објави дека во градовите со голем број заразени лица, меѓу кои се Приштина, Призрен, Урошевац и Вучитрн, ќе биде во сила забраната за движење од 21 часот до 5 часот наутро.

Тој прецизираше дека работата на рестораните во периодот кога е дозволено движење на граѓаните ќе биде ограничена само на услуга на отворено и испорака.

Вечерва во „Само вистина“ гости ќе бидат Солза Грчева и Петар Колев

Опозициските контра резултатите на провладините акнети, но кој ќе ја "свитка" кичмата пред албанскиот блок?

Драги пријатели, полево и подесно ориентирани или неутрални, дали "Глас за Македонија" или "ГДУ" ќе добијат доверба од граѓаните да одиграат клучна улога во составување Влада, вечерва во Само Вистина ќе дебатираат Солза Грчева и Петар Колев.

Опозициските контра резултатите на провладините акнети, но кој ќе ја "свитка" кичмата пред албанскиот блок?

Дали последните "крикови" на ДУИ се премиер албанец?

Беса предизборно се "здружи" со СДСМ, Села од Алијанса се заканува дека ако Заев и Мицкоски создадат македонска, албанците ќе создадат албанска влада. Се "вжештува" ли реториката на нациоанлизам во недостаток на партиска програма?

До кога "сила" наместо "интелект" ќе го движи "кормилото" во државата?

Дали коронавирусот ја замагли европската перспектива на Македонија?

Ќе биде ли 2020-та година на шареноликост, вечерва на местото каде се говори Само Вистина со Солза Грчева и Петар Колев, само на Канал 5 Телевизија.

притисни ентер