Живот

Тренерот им испрати писмо на родителите на заробените деца, а тие веднаш му одговорија (фото)

Акапол Чантавонг, 25 годишниот фудбалски тренер од Тајланд, кој повел 12 деца од својот клуб во истражување на пештера, според мислењето на многумина е главниот виновник за оваа несреќа.

Но на социјалните мрежи многу од корисниците од Тајланд и остатокот од светот застанаа во негова одбрана, давајќи му заслуга за вниманието и утехата на децата во текот на последните 15 дена кои ги поминаа заедно во поплавената пештера.

„Со 25 години, овој тренер и самиот е уште дете. Но очигледно бил голема инспирација за дванаесетте деца чиј морал, изглед, никогаш не паднал и покрај сите потешкотии низ кои поминаа. Голема почит за овој тренер“ – напиша една корисничка на Твитер.

Еден друг корисник на оваа социјална мрежа открил дека Акапол го изгубил семејството уште како дете. После оваа трагедија заминал во самостан, но сепак се вратил и на крајот “целиот свој живот го посветил на тренирањето деца“.

„Одржа 12 деца во живот без храна и светло 9 дена. Тој утре последен ќе излезе, а има само 25 години. Не заборавајте на него“ – додаде тој.

Во писмо им се извини на родителите

Неговата тетка Ампорн Свиричаи исто така јавно се зазема за него, тврдејќи дека тој е добра личност и оти не сакал да ги доведе децата кои ги водел во оваа опасна ситуација. Во разговор за „СиЕнЕн“, Ампорн објаснила дека Акапол останал сираче на само 10 години и оти искусил “многу непријатности“.

Во акцијата за спасување, која започна после повеќедневните подготовки, денеска и вчера беа извлечени осум деца, а уште четири и тренерот и понатаму се наоѓаат во пештерата.

Акапол во пештерата напишал и писмо за својата тетка и баба кои го одгледале кога останал без родителите, испраќајќи го преку спасувачите.

„Не се грижете премногу за мене. Чувајте го своето здравје. Ве сакам“.

Напишал и писмо за родителите на децата кои со него останаа заробени во пештерата, молејќи ги да му простат за неговата непромисленост. Писмото го објави „СиЕнЕн“.

„Драги родители,

Сите деца се добро. Тука има луѓе кои навистина добро се грижат за нив. Ви ветувам дека ќе се грижам за децата најдобро што можам. Ви благодарам на поддршката. Навистина ми е жал“ – напишал младиот тренер.

А еве го и одговорот на родителите:

„Драг Ако

Ние, родителите на членовите на фудбалскиот клуб, веруваме во тебе и твојот дух, веруваме дека добро си се грижел за нашите деца. Само сакаме да знаеш дека ова не е твоја вина. Ние не те обвинуваме и само сакаме и ти да не се обвинуваш себе си. Ја разбираме ситуацијата која се случи и те поддржуваме. Ја цениме твојата поддршка и грижа за нашите деца. Ги чекаме вестите кога сите ќе излезете од пештерата на сигурно, што побрзо тоа подобро“ – стои во писмото на родителите.

Фудбал

Де Роси за пресметката со Баер: Има од што да се плашиме, но Рома верува во успех

Тренерот на Рома, Даниеле де Роси, ги искажа своите очекувања за првиот меч со Баер Леверкузен во полуфиналето од Лигата на Европа.

- Возбудени сме што ќе доживееме уште една незаборавна вечер со нашите фанови. Има од што да се плашиме, начинот на кој игра Баер, нивната долга серија без пораз. Имаат интересни играчи и многу го почитувам нивниот тренер. Но, Рома верува во успех и ќе се бори, изјави Де Роси за сајтот на УЕФА.

Натпреварот помеѓу Баер Леверкузен и Рома ќе се одигра вечер од 21 часот на „Олимпико“ во Рим.

Серијата без пораз на германскиот клуб изнесува 46 натпревари.

Во другото полуфинале во второто по квалитет клупско натпреварување во Европа се среќаваат Марсеј и Аталанта (вечер 21 часот). /МИА

Македонија

Комисијата за осигурување од автомобилска одговорност направи измени на тарифникот

Комисијата за осигурување од автомобилска одговорност направи измени на тарифникот и ги достави до Владата

Комисијата за осигурување од автомобилска одговорност утврди потреба од измени на тарифата за премии за осигурување и подготви предлог-измени со кои се враќа цената на осигурувањето за аавтоодоговорност на ниво како пред 25 април годинава.

- Предложените измени се насока на утврдување на опсег од 15 отсто до 30 проценти, во кој друштвата за осигурување можат да го определат делот на премијата за вршење дејност на осигурување од автомобилска одговорност, а за секој износ на овие трошоци над 30 отсто, да побараат претходна согласност од Агенцијата за супервизија на осигурување. Ова значи враќање на цената на осигурувањето од автоодговорност на ниво од пред 25 април 2024 година. Дополнително беше утврдено дека Комисијата најдоцна до 30 септември секоја година до Владата да доставува предлог за минимална и максимална стапка на техничка премија за осигурување за следната година, се наведува во соопштението од Министерството за финансии.

Предлог-одлуката на Комисијата, како што информира Министерството за финансии, е доставена на усвојување до Владата.

Одлуката се заснова на анализата на Агенцијата за супервизија на осигурувањето со која се укажува дека на 23 април, 11 друштва за осигурување кои вршат работи на осигурување во групата на неживотно осигурување, доставиле известувања до АСО за донесени одлуки за зголемување на премиите за задолжително осигурување од автоодоговорност, при што се повикале на одредбите од тарифата на премии за осигурување од АО, објавена во „Службен весник на РМ“ број 191/2018, според кои одредби имаат можност самостојно да одлучат за висината на делот од премијата за спроведување на дејноста, односно т.н. режиски додаток при одредувањето на крајната премија по договор за осигурување - член 3 од тарифата.

- Притоа, известувањата на друштвата до АСО не содржат финансиски анализи за изминати периоди, ниту пак конкретни проекции за очекуван развој на ризиците кои ги преземаат во осигурување. Единствен аргумент, на кој се повикуваат друштвата за осигурување се растечките трошоци од работење, кои не се непосредно поврзани со настанување на ризиците, односно со настанатите и очекуваните штети, се појаснува во соопштението.

Ставот на Комисијата за осигурување од автомобилска одговорност е поткрепен со мислењето на АСО како регулатор дека ваквото постапување на друштвата за осигурување влијае врз стабилноста, сигурноста и предвидливоста на функционирање на целиот систем на осигурување во насока на штета на осигурениците, односно сопствениците на моторни возила.

- Состојбите на пазарот ќе се следат и во наредниот период и ќе се преземаат соодветни одлуки, врз основа на анализи и во еден отворен и транспарентен процес. Во врска со донесените одлуки од страна на осигурителните компании за зголемување на висината на бруто-премијата за осигурување од автомобилска одговорност во втората половина од април 2024 година, Министерството за финансии ја свика Комисијата за осигурување од автомобилска одговорност која одржа седници на 26, 29 и 30 април и 2 мај 2024 година, со цел да ги разгледа сите аспекти од носењето на овие одлуки, потенцираат од Министерството за финансии.

Претходно, денеска АСО ја повика Владата, согласно своите законски надлежности, да ги заштити правата на осигурениците и преку измени во тарифникот да ги намали цените на полисите за задолжително осигурување од автомобилска одговорност.

Македонија

ВЛЕН: Влада и Бадентер ДА, без ДУИ и Левица

ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено за џебовите на нивното раководство и ним блиските роднини.

Кога од партија се претворија во Коза Ностра.

Сега кога доаѓа време за одговорност за коруптивните скандали се обидуваат како штит да го користат целиот Албанскиот народ и помалите етнички заедници кои ги користат како заложници. Тие веќе видени трикови не поминуваат. После 8-ми мај ќе има и Влада со ВЛЕН како единствен легитимен политички репрезент на Албанците, ќе има и Бадинтерово мнозинство, ќе бидат обезбедени и фундаментите на Охридскиот Рамковен договор и ќе има одговорност за сите што се огрешиле пред законите.

Не може и не смее одењето во опозиција ДУИ да го претставува како проблем за опстанокот на државата. Тоа е крајно неодговорно и кукавички. Затоа ги повикуваме да престанат да ги срамат Албанците и славните борци на УЧК.

Не е крај на светот ако отидат во опозиција. Гарантираме дека нема да има политички реваншизам туку ќе само одговорност утврдена во фер правосудни постапки.

Коалиција ВЛЕН